الكبة المقلية والكبة اللبنية ملكة تحضيرات رمضان

21 916
 

الكبة المقلية والكبة اللبنية ملكة تحضيرات رمضان

الكبة المقلية والكبة اللبنية ملكة تحضيرات رمضان

الكبة المقلية والكبة اللبنية ملكة تحضيرات رمضان

الكبة المقلية والكبة اللبنية ملكة تحضيرات رمضان , معكم صديقة زاكي الشيف الموهوبة , السلام وعليكم ورحمة الله وبركاته بنعرف انو الكبة اكلة لذيذة وطيبة جدا وفينا نقدمها اكلة رئسية او مقبلات جانب كل اللاكلات انا بعمل كمية كبيرة بداية الشهر الكريم وبقدمها كل يوم كتشكيلة سفرة بسم الله ويلا معي بدنا

المقادير

  • ٢ كغ او اكتر من البرغل الناعم انا كترت لاني رح فرزها
  • هبرة لحم عجل او صدور دجاج انا حطيت صدور جاج
  • ملح ورشة كاري وكمون ناعم معلقة اكل
  • ماء بارد في كتير ناس بتقول انو البرغل بدو نقع بلمي السخنة ابدا مو صح ها الحكي مع احترامي الشديد لرأيكن لانو المي السخنة بتخلي البرغل تش وبتطرأ دغري وبتلبك بلكبكبة انا بحط مي باردة وعن تجربتي الشخصية ممتازة
  • الحشوة:
  • لحمة ناعمة
  • بصل ناعم
  • مكسرات اذا وجد

الخطوات

بننقع البرغل بلمي الباردة يعني من الحنفية مدة ١٠ دقايق بس ما بكتر عليها مي يعني بخبخة

وبجهز الحشوة بحط ع مقلاية زيت معلقتين والبصل الناعم وبحركها لتدبل وبحط اللحمة وبحركها لتستوي وبضيف الفلفل الأسود وكاري رشة ومكسرات لوز وجوز وبحركها وبتركها تبرد

بدير البرغل ع ماكينة الكبة مع الهبرة والملح وراس بصل صغير ميشان زنخة اللهبرة

ما تظهر عندي

وبضيف ملح وكمون وكاري بديرها ٣او ٤ مرات لتتكون معي عجينة طرية قابلة لتشكيل حبات الكبة

بعمل طمية منيحة كبة لبنية وكبة مقلية حجم اكبر

بقليها بزيت غزير وحامي بس تبرد ع الاخير بضبها باكياس مونة او علب التفريز

وع الفريزة

وقت الطلب بطالعها من الفريزة ولو مجلدة فوق اللبن مباشرة

و الكبة الكبيرة المقلية ع الميكرويف او فرن حامي بس من تحت لتسخن معنا والف صحة وهنا ع قلبكن

21 تعليقات
  1. 🌷 ورود الأمل 🌷 :

    بسم الله ماشاء الله …..الله يعطيكي الف عافية على هالشغل المرتب ….ان شاء الله يارب تاكلوهن بالهنا ويبارك فيكي … وينعاد عليكم رمضان وانتو بأحسن حال

    1. تسلميلي حبيبت قلبي خجلتيني بكلامك الجميل
      شكرا كتير حبيبتي

  2. nawal :

    ماشالله تبارك الله الله يعطيكي الصحة والعافية ويسلموا ايدك ام ابراهيم شغل الكبة مرتب والكبيات طالعات من تحت ايدك بيشهو 😋 أن شالله تاكلوهن بالهنا 😍🥰

    1. من ذوءك ها الحكي الحلو يا غالية اسعدتيني بتعليقك العسل
      صيام مقبول ان شا ءالله عليكن

  3. ماما عايدة المغربية :

    تبارك الله عليك 😍 ماشاء الله منظرها كيشهي

    1. الله يسعدك ماما عايدة منورة حبيبتي

  4. 💙أّمَ حٌمَزِّةّ💙 :

    مَأّ شٍأّء أّلَلَهِ عٌنِګ فِّنِأّنِهِ أّلَلَهِ يِّحٌمَيِّګ يِّأّ قِلَبِيِّ
    طّلَعٌيِّنِ مَعٌګ غٌيِّر شٍګلَ
    مَأګوِلَ أّلَهِنِأّ يِّأّربِ
    وِصٌحٌتّيِّنِ وِأّلَفِّ عٌأّفِّيِّهِ حٌبِيِّبِتّيِّ

    1. ع قلبك حبيبتي ام حمزة ربي يسعدك ويتقبل صيامكن يارب

  5. joudi :

    ما شاء الله تبارك الله عليك

    1. شكرا ع تعليقك جودي كلك زوء

  6. 🍒أم محمّد🍒 :

    ما شاء الله عليكي مبدعه يسلم ديااتك يا رب

    1. يا هلا وغلااااا ام محمد ربي يسعدك ومبارك عليكن الشهر الفضيل وكل عام وانتي وعيلتك بألف خير

  7. 🦋ام سليم 🦋 :

    وعليكم السلام ورحمة الله وبركاته

    ما شاء الله عليكي 😍 😍 😍
    تبارك الرحمن منظر خراااااافي
    تسلم الأيادي يا مبدعه
    وكل عام وأنتي وعيلتك بألف خير وصحة وعافية يارب 😘 😘

    1. حبيبت قلبي ام سليم كلك ذوء حبيبتي
      يسعدلي مساكي يا غالية مبارك عليكم الشهر الفضيل وكل عام وانتي وعيلتك بألف خير
      الله يتقبل طاعتكم

    2. 🦋ام سليم 🦋 :

      وانتي بألف خير وصحة وسلامة يارب 😘 😘 😘

  8. نسرين بارافي :

    تسلم الايادي المعدلة ألف صحة وهنا

    1. الله يسلمك حبيبتي نسرين
      تقبل الله صيامكن وقيامكن

  9. amadnan :

    ام إبراهيم هلا الكبه بتقليها بعدين بتحطيها بل فريزر ولا كيف

    1. اي حبيبتي ام عدنان بقليها وبردها مزبوط وبفرزها
      اي شكل كبة الافضل ينقلى بيبقى عندك اكتر من شهر
      اذا بدك تفرزيها نية ما لازم تطول عندك اكتر شي اسبوع ميشان البرغل بتش ع القلي مجربتا
      المقلي بتأمني عليها اكتر بلفريزة

  10. ورردة :

    ماشاءالله عليكي
    انشالله مأكول الهنا يا عسل 😍😍

    1. ربي يسعد قلبك وردة كلك زوء حبيبتي

اترك رد

لن يتم نشر عنوان بريدك الإلكتروني.