معروك رمضان واهم الخطوات لنجاحو ملكة رمضان

14 1٬071
 

معروك رمضان واهم الخطوات لنجاحو ملكة رمضان

معروك رمضان واهم الخطوات لنجاحو مسابقة ملكة رمضان

معروك رمضان واهم الخطوات لنجاحو ملكة رمضان

معروك رمضان واهم الخطوات لنجاحو مسابقة ملكة رمضان, معكم صديقة زاكي الشيف الموهوبة ,

المقادير

  • اربع كاسات طحين
  • كأس ونص مي
  • نص كاسة زيت
  • ملعقة خميرة
  • ملعقة بيكن بودر
  • ملعقة فانيلا
  • نص ملعقةمحلب مطحون
  • ملعقة زبدة أو سمنة لتنعيم العجينة
  • نص كاسة سكر

الخطوات

السلام عليكم ورحمه الله وبركاته

رمضان مبارك عليكم اعاده الله عليكم بكل خير وصيام مقبول وافطار شهي المعروك من اطيب الاكلات الشعبيه الرمضانية ومنشان ناخذ معروك قطني وهش وعجينة طرية وطيبة لازم نعمل اهم خطوات لنجاحو أول خطوة لنجاح المعروك التخمير الجيد ونتأكد من صلاحية الخميرة وثاني خطوة العجن الجيد مدة لاتقل عن عشر دقائق وكل ماعجنتي أكثر أخذتي نتيجة أفضل وثالث خطوة التخمير بعد التشكيل ومنشان ناخذ تخمير سريع وبيعطي المعروك طرواة وهشاشة

اول مرحلة :

بنضيف كاسة مي دافية +خميرة الفورية+ ملعقتين سكر +ملعقتين كبار سكر+ نص كوب طحين وبنحركهن ليدوب الطحين وبنغطيهن ليخمرو 10دقائق

المرحلة الثانية :

بنضيف عالمرحلة الاولى نص كاسة مي+ ربع كوب زيت + ملعقة محلب مطحون + نص كوب سكر + ملعقة فانيلا+ ملعقة بيكن بودر + ملعقتين حليب بودرة وبنخلطهن منيح وبنضيف 3كاسات طحين وبنعجن يمكن تحتاج كوب طحين تاني حطي حدك للاحتياط وبنعجن لتتشكل عجينة ناعمة وبنضيف ملعقة سمنة او زبدة وبنعجن العجينة لحتا تختفي السمنة وكل ماعجنا بالعجينة اخذنا نتيجة بتجنن وبنغطيها وبنتركها تختمر لحتا يتضاعف حجمها وبنشكلها الحشوة تمر مطحون ورشة قرفة وهيل مطون وملعقة سمنة بنحط بجاط مي سخنة وبتحطي بأسفل الجاط صحن صغير منشان ترتفع الصينية وماتلامس المي وبنغطيها وبنتركها تختمر مرة ثانية نص ساعةمدة الخبز 15دقيقة الخبز عافرن حامي انا ما بدهن وجه العجين بشي وبس تطلع من الفرن بدهنن بقطر وبرش عليهن سمسم وحبة البركة وصحة وهنا وبالصور حطيت طريقة تشكيلة بالتدريج

14 تعليقات
  1. مايا حسين :

    تسلم ايدك

  2. ام يزيد :

    يسعد قلبك يا نوال بحس بتنزلي الوصفات إلي الكل بدور عليها لسا مبارح كنت بدور على طريقتها حبيتها ورح اجربها اكيد مشكورة كتير على التوضيح 🥰🥰🥰🥰

  3. omsalah :

    يسلم ايديكي يارب شكل بشهي وكلشي تمام مبدعة

  4. هيام :

    ماشاءالله مظرها بشهي تسلم دياتك وصحه وهنا انشالله

  5. 🍒أم محمّد🍒 :

    ما شاء الله مبدعه يسلم دياتك يا رب

  6. ماما عايدة المغربية :

    تبارك الله عليك 😍

  7. يسلمو ايديكي
    ماشاء لله شي بيشهي ولذيذ

  8. 🌺 القدس عربية 🌺 :

    أم نبيل
    يسلمو هالايدين ويعطيكي ألف عافية ما شاء الله عنك شغلك روعه

  9. الاء محمد :

    يسلم دياتك رائعة ما شاء الله تبارك الله

  10. هياء :

    إلى المفضلة بإذن الله.
    شغلك وطريقة شرحك للطريقة سهلة وبتسهل علينا الشغل جزاك الله خير الجزاء.

  11. نسرين بارافي :

    ألف صحة وهنا بيشهو

  12. joudi :

    ما شاء الله عليكي مبدعة

  13. 💙أّمَ حٌمَزِّةّ💙 :

    مَأّ شٍأّء أّلَلَهِ فِّنِأّنِهِ أّلَلَهِ يِّحٌمَيِّګ يِّأّ ربِ
    دِمَتّيِّ بِګلَ خَيِّر غٌأّلَيِّتّيِّ

  14. 🦋ام سليم 🦋 :

    وعليكم السلام ورحمة الله وبركاته

    يمي يمي 😋 😋 😋
    صحتين وعافية يارب
    قيد التجربة ان شاء الله

اترك رد

لن يتم نشر عنوان بريدك الإلكتروني.