صينية المسخن طيبه وسهله وسريعه ملكة رمضان

22 4٬188
 

صينية المسخن طيبه وسهله وسريعه ملكة رمضان

صينية المسخن طيبه وسهله وسريعه ملكة رمضان

صينية المسخن طيبه وسهله وسريعه ملكة رمضان

صينية المسخن طيبه وسهله وسريعه ملكة رمضان, معكم صديقة زاكي الشيف الموهوبة ,

المقادير

  • دجاج حسب افراد العائله
  • كيلو بصل او اكثر
  • كاسة شاي زيت زيتون
  • سماق حسب الرغبه
  • فلفل اسود
  • كركم
  • بهارات مشكله
  • ملح
  • معلقه صغيره هيل مطحون
  • حبة بصل لسلق الدجاج
  • كمية البهارات كلها حسب رغبتك

الخطوات

بسم الله الرحمان الرحيم

السلام عليكم يسعد اوقاتكم وكل عام والجميع بالف خير

اليوم وصفتتا سهله وسريعه وما بتاخذ وقت وبتنعمل بطريقتين واختاري الطريقه يلي بتعحبك واسهلك

الطريقه الاولى بنظف الدجاج وبتبله بالملح والبهارات المشكله ورشة زنجبيل وهيل وشوية زيت وعصير ليمونه واذا عندك دبس رمان حطي شوي وتبليه واتركيه على جنب

الخطوه الثانيه بنفرم البصل فرم وسط او اجنحه متل ما بتحبي وبنفركه بالملح والفلفل الاسود والبهارات المشلكه والهيل المطحون وشوية زيت زيتون ورشة سماق وبنفرده بالصينيه وبنضيفله الدجاج المتبل والصوص تبعه وبنغلف للصينيه بالقصدير وعلى فرن حامي مسخن مسبقا على الرف الاوسط وبدها تقريبا ساعه او اكثر شوي حسب فرنك

الطريقه الثانيه هذه الطريقه انا اتبعتها في عمل الصينيه

اول شي فرمت البصل فرم خشن شوي وقلبته بزيت الزيتوت لما تذبل ضفتله الملح والفلفل والبهارات المشكله ولما قرب يستوي ضفتله شوية شوربه من مرق الدجاج وبعدين ضفت السماق وبطنحره ثانيه على النار قلبت الدجاج بالزيت والبصل والبهارات استخدمت نفس بهارات البصل بالاضاف لرشة كركم صغيره

وبنفرد البصل بعد مااستوي بصينيه وبنرص الدجاج فوقه بعد ما يستوي وبندهنه بشوية زيت من زيت البصل الجاهز وبنحمره بالفرن وبنرشله شوية سماق واذا بتحبي تزينيه باللوز وبتقدميه مع السلطات والشوربات والمخللات وخبز الشراك او الطابون والف صحه وهنا

اسفه للاطاله بس حبيت اقدملكم الطريقتين حتى تختارو الي بناسبكم

الف صحه وهنا

استودعتكم لله

22 تعليقات
  1. فوفه🥀🥀 :

    وعليكم السلام ورحمة الله.. الله يسلم اديكِ 🌼

    1. ام علاء ابو يحيى :

      تسلمي يا الغاليه ربي يكرمك

  2. ام همام :

    وعليكم السلام ورحمة الله وبركاته
    يسلم ايديكي حبيبتي
    انا بعمل الطريقة التانية
    صحتين

    1. ام علاء ابو يحيى :

      تسلمي حبيبتي ام همام

  3. نسرين بارافي :

    وعليكم السلام تسلم الايادي المعدلة ألف صحة وهنا يارب

    1. ام علاء ابو يحيى :

      ربي يكرمك ويسعد قلبك حبيبتي نسرين

  4. nawal :

    وعليكم السلام الف صحة وهنا 😍🥰 الله يعطيكي العافية عالشرح

    1. ام علاء ابو يحيى :

      الله يعافي قلبك تسلمي حبيبتي

    2. ام علاء ابو يحيى :

      🌹🌹🌹😍😍

  5. تبارك الله عليك 😍 و الله أنا مشهية ناكل من ايديك 😋😋 الله يعطيك الصحة ❤

    1. ام علاء ابو يحيى :

      حبيبتي يا ست المعدلات اتتي يا ريت بتمنى والله يا ماما عيده تذوقي اكلاتي وانا اتذوق اكلاتك المغربيه الاصيله فعلا انك ابدعتي في تقديمها وكانت مميزه الله يجمعنا فيك بالفردوس الاعلى بصحبة حبيبنا وسيدنا محمد صلى الله عليه وسلم😍😍

    2. آميين يارب ❤
      ربي يحفظك ليا أحبيبة 😘

  6. 🍒أم محمّد🍒 :

    يسلم ديااتك يا رب شكله بشهههههي وبفتح النفس صحه وعافيه

    1. ام علاء ابو يحيى :

      تسلمي غاليتي ربي يكرمك ويسعدك😍😍

  7. هيام :

    تسلم اديك ألف صحه وعافيه انشالله

    1. ام علاء ابو يحيى :

      الله يعافي قلبك حبيبتي هيام وبكرمك😍😍

  8. أم صبحي :

    يا عيني على هالوصفة اللي بتشهي اللي منظرها بدل على ست المعدلات
    يسلموا إيديك يا أم علاء
    صحة وهنا 🌹🌹

    1. ام علاء ابو يحيى :

      ربي يكرمك يا ام صبحي كرم يتعجب منه اهل السماوات والارض بصحتك ودينك وعافيتك واولادك يا صاحبة الكلمه الراقيه والتعبير الراقي دليك على طيب اصلك ربي بجبر خاطرك لانك بتجبري خاطر الجميع والكلمه الطيبه صدقه ربنا يكتبلك كل حرف في صحيفة اعمالك وتنالي الاجر العظيم في ميزان رب العالمين😍😍😍🌹🌹🌹

    2. أم صبحي :

      حبيبتي أم علاء 😔.. الله يجبر بخاطرك على قد مجبرتي خاطري بهالكلمات الكبيرة بحقي 💞🌹🌹

    3. ام علاء ابو يحيى :

      بتستاهلي كل خير يا احلى ام صبحي

  9. 🦋ام سليم 🦋 :

    وعليكم السلام ورحمة الله وبركاته

    ما شاء الله عليكي تبارك الرحمن 😍 😍 😍 😍
    اكلة معتبرة وشهية 😋 😋
    تسلم الأيادي يا مبدعه
    وصحه وعافيه عليكم

    1. ام علاء ابو يحيى :

      الله يعافي عمرك ويجبر خاطرك يا غاليه طول عمرك زوق بتعليقاتك الطيبه الله ما يحرمنا منك ويجبر خاطرك ويكرمك بهذه الايام الفضيله
      😍😍😍🌹🌹

اترك رد

لن يتم نشر عنوان بريدك الإلكتروني.