سلطة مكعبات الباذنجان المقلى باللبن والطحينه ملكة رمضان

20 4٬520
 

سلطة مكعبات الباذنجان المقلى باللبن والطحينه طبق جانبي..ملكة رمضان

سلطة مكعبات الباذنجان المقلى باللبن والطحينه طبق جانبي..ملكة رمضان

سلطة مكعبات الباذنجان المقلى باللبن والطحينه طبق جانبي..ملكة رمضان

سلطة مكعبات الباذنجان المقلى باللبن والطحينه طبق جانبي..ملكة رمضان, معكم صديقة زاكي الشيف الموهوبة ,

المقادير

  • نص كيلو باذنجان
  • كاسة لبن رايب
  • 3 اسنان ثوم مهروس
  • رشة ملح
  • عصير نص ليمونه او اكثر حسب الرغبه
  • معلقتين طحينيه …اختياري
  • للزينه:
  • بقدونس

الخطوات

السلام عليكم

بسم الله الرحمان الرحيم

يسعد اوقاتكم يا وردات وتقبل الله صيامكم وقيامكم وجميع اعمالكم ورفعكم بها اعلى الدرجات

اليوم حابه اقدملكم نوع من السلطات او المقبلات كتغير للروتين المعتاد وهي سلطه طيبه فعلا وبتفتح النفس

تعالو نشوف الطريقه

بغسل حبات الباذنجان وبقشرها وبقطعها مكعبات متوسطة الحجم وبرشلها شوية ملح وبتركها حوالي نصف ساعه حتى تخرج منها المي وتتذبل شوي بهيك بتنقلى بسرعه وما بتشرب زيت اثناء القلي لانه كثرة الزيت مضره في هذه الاثناء بحضر صوص السلطه بحضر اسنان الثوم وبرش عليها شوية ملح وبهرسها ناعم وبضيفها للبن مع رشة ملح وعصير نص ليمونه ومعلقتين طحينه والطحينه بتقدري تستغني عنهاوبخفقهم مزبوط

بحضر الزيت وبقلي مكعبات الباذنجان وبضعها على مناديل المطبخ حتى اتخلص من الزيت الزائد

بنحضر جاط التقديم بصف الباذنجان بقاع الجاط وبضيفله صوص اللبن وبزينه بالقدونس وقليل من الباذنحان المقلي او بتعمليه طبقات مثل ما انا عملته بالصور المرفقه للوصفه

وصفه اقتصاديه وشهيه جربوها ان شاء الله تعجبكم

تقبل الله من ومنكم صالح الاعمال ووفققكم لنا يحب ويرضى

استودعتكم لله الذي لا تضيع ودائعه

والسلام عليكم ورحمة الله وبركاته

20 تعليقات
  1. ام شام :

    يسلم دياتك يارب نحن منسميا فتوش تركي مع شويه اضافات بس من اشهى الاكلات برمضان

    1. ام علاء ابو يحيى :

      تسلمي حبيبتي ام شام الفتوش التركي في مواد اكثر مثل ما تفضلتي زيت خبز محمص خضار مثل البقدونس الخس الفليفله اذا بدك بالاضافه للباذنحان بطاطا مكعبات

    2. ام شام :

      اي صح كلامك يسلمن يارب كل شي من ايدك بركه

  2. الله يعطيك الصحة 😍 عجبتني الفكرة

    1. ام علاء ابو يحيى :

      الله يكرمك حبيبتي بتقدري تضيفي خبز محمص وشوية خضار انتي بتحبيها مثل الخس والفليفله بين الطبقات وبرضه خبز محمص على الوجه

  3. هيام :

    تسلم اديك صحه وهنا انشالله

    1. ام علاء ابو يحيى :

      😍😍😍😍🌹🌹🌹

  4. أم صبحي :

    يا عيني عالأكلات اللي بتفتح النفس ببساطتها.. يسلموا إيديك يا أم علاء على هالوصفة اللي بتشهي ومنظرها روعة
    صحة وهنا ❤️❤️

    1. ام علاء ابو يحيى :

      تسلمي حبيبتي ام صبحي ربي يكرمك ويسعد قلبك دنبا واخره😍😍😍

  5. nawal :

    فعلا بتفتح النفس طالعة من تحت ايدك الله يعطيكي العافية صحة وهنا

    1. ام علاء ابو يحيى :

      تسلمي حبببتي ربي يكرمك ويسعد قلبك يا ورده😍😍

  6. 🌺 القدس عربية 🌺 :

    أم نبيل
    يسلمو ايديكي ويعطيكي ألف عافية وصحتين وهنا ع قلوبكم
    زاااكيه وسريعه 👍👍👏👏👏

  7. ام علاء ابو يحيى :

    صبايا هذه الوصفه خفيفه واذا بتحبو بتضيفو الخبز المحمص على الوجه وكميه بسطه من الخضار المقطعه قطع صغير كالخس والفليفله الخضرا والملونه

  8. 🍒أم محمّد🍒 :

    كثيييير طيبه يسلم ديااتك يا رب وصحه وعافيه

    1. ام علاء ابو يحيى :

      الله يعافي قلبك حبيبتي ام محمد ويسعدك😍😍

  9. يسلمووووووو دياتك شيف ام علاء
    طبخاتك بيفتحو النفس ماشاء الله عليكي

    1. ام علاء ابو يحيى :

      حبيبتي ام ابراهيم كلك زوق تسلمي

  10. ام كمال :

    بجد شكلها رهيب تسلم دياتك…..

    1. ام علاء ابو يحيى :

      تسلمي حبيبتي االله يكرمك

اترك رد

لن يتم نشر عنوان بريدك الإلكتروني.