مسخن صدور الدجاج سهل وسريع ولذيذ ملكة رمضان

23 754
 

مسخن صدور الدجاج سهل وسريع ولذيذ ملكة رمضان

مسخن صدور الدجاج سهل وسريع ولذيذ ملكة رمضان

مسخن صدور الدجاج سهل وسريع ولذيذ ملكة رمضان

مسخن صدور الدجاج سهل وسريع ولذيذ ملكة رمضان, معكم صديقة زاكي الشيف الموهوبة , السلام وعليكم عملت مسخن صدور دجاج سهل وسريع واختصار للوقت في سلق الدجاجة الكاملة او الافخاد فعلا تستحق التجربة يلا نشوف طريقة التحضير

المقادير

  • نص كيلو صدور دجاج
  • معلقتين كبار سماق ناعم
  • زيت زيتون
  • بصلتين كبار مقطع جوانح
  • معلقة ذبدة
  • مكعب ماجي ١
  • خبز مشروح
  • باقة عطرية لسلق صدور الدجاج حبات هيل حبات قرنفل ورق غار بصلة معلقة كاري عود قرفة
  • معلقة صغيرة خل ابيض لسلق الجاج

الخطوات

بنحط صدور الجاج بطنجرة وبنغمرها مي باردة

بنستنى تغلي بنشيل الزفرة وبنحط الباقة العطرية ومعلقة الخل

وبنغطيها تستوي شي ربع ساعة

بعد الاستواء بنصفي قطع صدور الدجاج وبنفتتها قطع صغيرة وبنتركها ع جنب والمرقة بنضيف عليها مكعب ماجي ومعلقة ذبدة ميشان ندهن الخبزةفيها وبنتركها ع جنب كمان

بنحط ع مقلاة معلقتين زيت زيتون حصرا

وبنضيف عليها البصل الجوانح ليدبل ويستوي مزبوط بنضيف عليها الجاج المفتت ومعلقتين السماق

وبنزبط الملح بنقطع رغيف الخبز المشروح على اربعة ارباع مثلث الشكل

وبنحط الحشوة ع طرف الخبزة بعد دهنها بمية الجاج يلي فيها الباقة العطرية ونطوي اطراف الخبز للداخل وبنلفها متل ورق العنب

بندهن صينية فرن بزيت الزيتون ونصف عليها اللمسخن الملفوف بنرصها رص

وبندهن وجهها بزيت الزيتون وع فرن حامي مسبقا النار من تحت ١٠ دقايق وبعدين من فوق ليصير لونها دهبي

بنطالعها من الفرن وبنرشها سماق وبنقدمها والف هنا عليكم

23 تعليقات
  1. 🦋ام سليم 🦋 :

    وعليكم السلام ورحمة الله وبركاته

    تبارك الرحمن ما شاء الله
    شي ناااااهي 😍😍
    تسلم ايديكي يا قلبي وصحتيييين وعافية عليكم

    1. الله يسلمك ام سليم ربي يجبر بخاطرك كلك زوء يا غلاتي

  2. 🌷❤ غزل ❤🌷 :

    يسلمو ايديكي بشهي

    1. الله يسلمك ويسعدك غزولة

  3. فوفه🥀🥀 :

    الله يسلم هالادين الحلوه 🌹 🌹 🌹

    وعليكم السلام ورحمة الله

    ام ابراهيم.. اسمحيلي
    مابسير نكتب السلام وعليكم.. حسب مابتلفظيها

    اسمها السلامُ عليكم
    واتحملي اختك فوفه.. مش تنظير او فلسفه🤭

    1. ودياتك ام علوش ربي يسعد قلبك
      ييييييييي الله يسامحك ليش لحتى ازعل منك بلعكس انا ممنونتك حبيبتي كتر خيرك والله
      من علمني حرفا كنت له عبدا
      بوسات الك ام علوش 💋💋💋💋💋

    2. فوفه🥀🥀 :

      حاشاكِ الله

      الله يرفع قدرك دنيا وآخره

  4. ام علاء ابو يحيى :

    تبارك الله بتشهي مبارح عملتها بخبز الشراك طلعت غير شكل واطيب من هيك ما في الف صحه وهنا

    1. الله يسلمك حبيبتي والف صحة وهنا عليكم

  5. ماما عايدة المغربية :

    الله يعطيك الصحة و بصحتكم و راحتكم 😋

    1. ربي يسعدك مانا عايدة كلك زوء يا غالية

  6. nawal :

    الله يعطيكي العافية بتشهي 😋 صحة وهنا حبيبتي ❤️🌹🥰

    1. الله يسلمك نوال
      تقبل الله صيامكن وقيامكن
      وافطار شهي الك ولعيلتك

  7. هيام :

    تسلم اديك صحتين وهنا

    1. الله يسلمك هيام تسلميلي يا غالية

  8. ام حمزه :

    ماشاء الله يسلمو ايديكي الف صحه وهنا عليكم

    1. الله يسعد قلبك ام حمزة منورة بوجودك غلاتي

  9. نسرين بارافي :

    تسلم الايادي بتشهي الف صحة وهنا

    1. ودياتك نسرين كلك زوء يا غلااا

  10. 🍒أم محمّد🍒 :

    ما شاء الله شكلهم روووعه وبشهووو يسلم ديااتك يا رب

    1. يا هلا وغلا ام محمد ربي يسلمك ويسعدك حبيبت قلبي

  11. ام حلا :

    ماشاء الله تبارك الله تسلم ايديها المعدله

    1. ربي يسعدك ام حلا يلي كلك حلا منورة يا غلاااااااا

اترك رد

لن يتم نشر عنوان بريدك الإلكتروني.