حلاوة الجبن

14 547
 

حلاوة الجبن

حلاوة الجبن 🌹🍃

حلاوة الجبن

حلاوة الجبن , معكم صديقة زاكي الشيف الموهوبة ,

المقادير

  • ٢ كوب ماء
  • نص كوب سكر
  • كوب سميد ناعم
  • ٦٠٠ غرام جبنه موزيريلا غير مملحه
  • ٣ ملاعق ماء زهر
  • قشطه اي نوع بتحبي

الخطوات

طريقة عمل حلاوة الجبن اول شي بنحط الماء على النار

مع السكر وبنحرك جيدا الى ان يدوب السكر

نضع فوق الماء الجبن المبروش ونحرك جيدا الى ان تذوب الجبنه وبنضل نحرك فتره تقريبا تحتاج وقت ٥دقائق او اكتر لما تدوب بدكم تطولو بالكم شوي عليها عشان تزبط الطريقه معكم

بس تدوب الجبنه نضع الماء زهر ونحرك

ثم نضع السميد ونوطي النار جيدا ونحرك جيدا عشان ما يحترق

ونضل نحرك لتصير معكم زي العجينه الكره متماسكه بعضها ببعض

بنحضر نايلون رول المطبخ ونفرد قطعه كبيره على المجلى وندهنها قطر

ندير العجين عليها

ونفردها شوي شوي بشوبك مدهون قطر برضه

لما تصير عجينه لا رقيقه كتير ولا خميله بنطلع القشطه اللي عملناها من التلاجه وبنحط على طرف العجين ثم نمسك طرف النايلون على القشطه لفتين ونقطع العجين بالسكين ونحطها بصحن

وبنضل نعمل هيك مع كل وحده نحط قشطه ونلف ونقطع وبس نخلص نحطهم بالتلاجه مع غطاء بالنايلون وعند التقديم تقطع…

وانت وزوقك بالتزين يابتحطي فستق الحلبي على الطرف يا عالوجه انت وزوقك ياعسل…

وصحتين وعافيه تقدم بارده مع القطر

انا بحب اعمل القشطه بالبيت طريقة عملها كتير سهل يالغاليات وازكى بكتير من قشطة السوق وبتجنن لتر حليب نضعه على النار ونتركه الى ان يغلي ثم نطفي الغاز نضع عليه ٣ملاعق كبار خل ابيض ونتركه قليلا دون تحريك بعد فتره رح نلاحظ انه الحليب فصل صارت القشطه فوق والمي تحت بنجيب المصفاي وبنصفيه تماما من المي بمصفاه ناعمه جدا عشان مابدنا مي ابدا عليه بس نخلص بنحط عليه علبة قشطه وملعقة ماء زهر وملعقة ماورد وبنحركه وبنحطه بالتلاجه

14 تعليقات
  1. ماما عايدة المغربية :

    تبارك الله عليك وصفة شهية 😍

  2. نانا عواد :

    اسعدني وجودك يالغاليه رب يسعدك… 🌹🍃😍

  3. نسرين بارافي :

    تسلم الايادي بتشهي

  4. نانا عواد :

    يسلملي عمرك حبيبتي نسرين اسعدني وجودك 🌹🍃😍

  5. 🍒أم محمّد🍒 :

    يسلمووو هالديات بتشههههي

  6. ام كمال :

    سلم دياتك حجربها ان شالله….

  7. 🌺 القدس عربية 🌺 :

    أم نبيل
    ما شاء الله عنك نانا يعيشوا هالايدين يا رب ويعطيكي ألف عافية
    كتيييير زاااكي شكلهم واكيد طعمتهم تحفه
    انا من عشاق حلاوة الجبن 😋😋😋

  8. تبارك الله شغل ولا اروع مشكورة نانا ع الوصفة

  9. ام حمزه :

    ماشاء الله يسلم دياتك

  10. هيام :

    تسلم اديك منظرها بتشهي

  11. nawal :

    ماشالله شكلها بجنن تسلم ايدك حبيبتي ان شالله صحة وهنا

  12. مايا حسين :

    شهيه يسلم دياتك

  13. Farah Masoud :

    تسلم الأيادي حبيبتي

  14. رزان :

    شكلها بشهى الف صحه وهنا رح اجربها إن شاء الله

اترك رد

لن يتم نشر عنوان بريدك الإلكتروني.