صدفة البقلاوة بالجوز والقشطة ملكة رمضان

12 613
 

صدفة البقلاوة بالجوز والقشطة ملكة رمضان

صدفة البقلاوة بالجوز والقشطة ملكة رمضان

صدفة البقلاوة بالجوز والقشطة ملكة رمضان

صدفة البقلاوة بالجوز والقشطة ملكة رمضان, معكم صديقة زاكي الشيف الموهوبة ,

المقادير

  • كاستين طحين
  • نص كأس حليب
  • ثلاث معالق قطر
  • ملعقة سمنة
  • رشة ملح
  • للحشوة
  • جوز(عين الجمل)
  • قشطة
  • فستق حلبي للزينة

الخطوات

بسم الله الرحمن الرحيم

السلام عليكم ورحمة الله وبركاته

يسعد اوقاتكم احبتي اليوم رح نعمل حلو من أنواع البقلاوة محشية جوز وقريشة بعجينة مختلفة عن يلي نزلتها من قبل وفعلا طعم ولااروع وشكل انيق ورائع جداً اسمها صدفة البقلاوة وان شالله يكون شرحي واضح ومفهوم اول مرحلة بنحط كاستين طحين بجاط وبنضيف عليهن القطر والملح وبنزل الحليب بتدريج وبنعجن بتصير عنا عجينة متماسكة وبعدين بنحط السمنة وبنعجن للتنعم العجينة وبنغطيها وبنتركها ساعة وبعدين بنقطع الكرات بحجم الليمونة وبنغطسن بالنشا وبنتركها فوق بعض نص ساعة وبعدين بنصير نرقن بمرق العجين لحتا يصير رغيف وهون بنجيب عصاية طويلة خاصة للرق البقلاوة اسهل للفرد وبتساعدنا

بتشكيل وبعد مانفتح العجين العجين ويصير عنا رغيف كبير ورقيق شوي بنرمها عالعصاية وبنزمها على بعض وبعدين بنفتحا وهي مزمومة بيعطي رقاقة مزمومة وبنحط الحشوة بين كل حشوة عقدة اصبع وبنطوي الاطراف فوق الحشوة وبنصير نزم باصابعنا بين الحشوات وبعدين بنقطعها وبناخذا كل قطعة وبقلبها يعني الجزء السفلي بيصير من فوق وهو يلي بيعطينا شكل الزمة الحلو وبنسكر الاطراف بنضغط بأصابعنا

وبنحطن بالصينية مثل الشكل يلي بالصور وبنحط عليها السمنة وبندخلها الفرن بالأول من تحت بس تتحمر الاطراف بنشغل الشواية وبس تتحمر بنطالعها وبنحط القطر عليها أنا حشيها جوز والقشطة هي حطيت حليب وقبل مايغلي حطيت خل ابيض وبس يغلي بتتشكل القريشة بصفيها وتركتها تبرد وحشيتن بيها أنا طولت كثير ولكن هي الطريقة بدها شرح لحتا تتوضح الطريقة وحاولت اشرح أكثر مع الصور ان شالله اكون وصلت الفكرة واعذروني ويارب تعجبكم

12 تعليقات
  1. ماما عايدة المغربية :

    تبارك الله عليك كتشهي 😍

  2. omsalah :

    يسلم ايديكي بتشهي

  3. الشيف ايات علي💖 :

    يعيشوا هالايدين يارب

  4. ام ملك :

    ماشاء الله بتشهي تسلم الايادي

  5. ام كمال :

    واو ماشالله عليكي رائعة…..

  6. 🌺 القدس عربية 🌺 :

    أم نبيل
    ما شاء الله عنك يعيشوا هالايدين ويعطيكي ألف عافية

  7. 💙أّمَ حٌمَزِّةّ💙 :

    ما شاء الله عنك حبيبتي فنانه
    الله يحميك يا قلبي
    وصحتين وهنا 😋😋

  8. سماهر :

    يا عيني عالجمال والسهوله والمنظر اللي بشهي

  9. نسرين بارافي :

    ماشاءالله بتشهي تسلم الايادي المعدلة

  10. هيام :

    ماشاءالله منظرها بشهي الله يعطيك العافيه

  11. ام علاء ابو يحيى :

    تسلم الايادي رووووعه

  12. 🦋ام سليم 🦋 :

    تسلم الأيادي يا عسل
    وصحة وعافية يارب عليكم ❤️❤️

اترك رد

لن يتم نشر عنوان بريدك الإلكتروني.