لحمة بعجين الحلبي الاصلي

16 1٬525
 

لحمة بعجين الحلبي الاصلي

لحمة بعجين الحلبي الاصلي

لحمة بعجين الحلبي الاصلي

لحمة بعجين الحلبي الاصلي, معكم صديقة زاكي الشيف الموهوبة ,

المقادير

  • ثلاث اكواب طحين
  • كوب ماء
  • نص كوب لبن
  • ملعقة ملح
  • الحشوة
  • 300غرام لحمة
  • حبيتين بندورة
  • حبيتين بصل حبة فليفلة خضرة
  • بقدونس مفروم ناعم
  • ملعقة ثوم مهروس
  • ملعقة طحينية
  • ملعقة لبن
  • ملعقة توابل مشكلة
  • ملعقة فلفل اسود مطحون
  • ملعقة معجون الطماطم
  • ملعقة معجون الفليفلة
  • ملعقة نعناع ناشف
  • ملعقة طحين
  • ملعقة ملح

الخطوات

بسم الله الرحمن الرحيم

السلام عليكم ورحمة الله وبركاته

الله يسعد اوقاتكم احبتي بكل خير اليوم رح نعمل لحم بعجين الحلبي الاصلي وهو بختلف عن الصفيحة عجينة اللحم بعجين ماإلها خمير أما الصفيحة بكون إلها خميرة اللحم بعجين يلي كانو يعملو بالمحلات كان بيجي رقيق جدا وطعو فعلا روعة رح نبلش بالمكونات اول خطوة بنعجن العجينة بجاط بنحط كأس ماء ونص كأس اللبن ونخلطهن مع بعض وبضيف الطحين على دفعات مع ملعقة الملح لحتا تصير عنا عجينة متماسكة ناعمة وبنتركها ترتاح اقل شي نص ساعة وبنحضر الخضار أنا برشتن بالبراشة البندورة والبصل وفرمت الفليفلة والبقدونس وهرست الثوم وحطيتن بمصفاية لحتا تنزل المي منهن وبعدين ضفت التوابل والملح والثوم واللبن والطحينية ومعجون الطماطم ومعجون الفليفلةواللحمة لازم تكون مدهنة بتطلع اطيب وخلطتن وهون بنحضر العجينة بعد مانكون ارتاحت بنقطعها قطع صغيرة ةوبنغطيها وبنتركها ترتاح نص ساعة وبنبلشةشغل بيها بنرق كرات العجين بمرق العجين بشكل دائري ورقيق وبنحط الحشوة وبنكون حطينا مقلة تيفال حصرا على نار هادية وبنحط رغيف اللحم بعجين وبنغطي المقلاة بغطاء وبنتركهالحتا تتحمر من تحت وبنحطها بصينية الفرن وبندخلها الفرن بالرفةالوسط تحت الشواية وبنتركها تتحمر الوجه وهيك لحتا تخلص الكمية ولازم بس نطالعها فورا نغطيها لحتا تضل طرية

مع كاسة لبن رايب اطيب اكلة حلبية بامتياز ويلي بحب الصفيحة بيصير نضيف لها خميرة وان شالله صحة وهنا

16 تعليقات
  1. ماشاء الله يسلمو ايديكي نوال بيشهي كتير كتير
    ماكول الف هنا

  2. نوال بدي اسالك العجينة هون بتقمرش ولا طرية متل الرغيف

    1. nawal :

      بيكون رقيق وطري لانو هي الطريقة بنعملها بالمقلاة وبنغطيها عشان يضل الرغيف طري من البخار

    2. يسلمو ايديكي نوال يا احلى شيف
      شكرا ع الرد حبيبتي

    3. nawal :

      لا شكر على واجب تكرمي ياعسل اي سؤال من عيوني ربي يسعدك دنيا وآخرة 😘

  3. ام حمزه :

    ماشاء الله يسلمو ايديكي حبيبتي الف صحه وهنا عليكم

  4. هيام :

    تسلم اديك صحه وهنا انشالله

  5. omsalah :

    یسلم ایدیکی

  6. نسرين بارافي :

    تسلم الايادي بتشهي الف صحة وهنا

  7. ام علاء ابو يحيى :

    بتشهي تسلم الايادي

  8. ميمو :

    يسلملي المعدل انا 😍نوال بدي اسالك بالنسبه للمعمول. كيلو.الطحين كم كوب معياري 250 والسمنة والسكر كمان بتعرفي بدي اعمل معمولاتك بهاليومين ان شاء،الله وشكرا الك ياقلبي

    1. nawal :

      تسلمي حبيبتي ربي يسعدك بالنسبة للمعمول كل كيلو طحين يلزم من الدهون حوالي 450 غرام 400سمنة و50غرام زيت والسكر حسب رغبتك وطبعا الطحين انواع وكل طحين بيشرب من الدهون عن نوعية ثانية أنا صار عند خبرة من ملمس العجينة بعرف حاجتها واهم شي ما نبالغ بالعجن وتبريد العجينة بالثلاجة وبناخذ منها حاجتنا وبنترك الباقي بالثلاجة

    2. ميمو :

      ياقلبي وكيلو.الطحين كم.كاس عيار 250. لان عندي خمسة كيلو.وماني عرفاني اعير 😅

    3. nawal :

      اه فهمت عليكي أنا ماعندي الكوب المعياري بس كل كيلو طحين بيطلع تقريبا ست كاسات بيلزمك من الدهون كاستين وثلث ارباع الكأس الثالث يعني كاستين وثلاث ارباع الكأس سمنة وزيت واي سؤال تكرمي من عيوني ياعسل

  9. فوفه🥀🥀 :

    ان شاء الله بالعافية

  10. 🦋ام سليم 🦋 :

    وعليكم السلام ورحمة الله وبركاته

    روووووووعه 👍🏼 👍🏼 تبارك الله

    تسلم ايديكي حبيبتي ❤️ ❤️

اترك رد

لن يتم نشر عنوان بريدك الإلكتروني.