كيكة التمر البارده بالهيل والمستكه ملكة رمضان

13 660
 

كيكة التمر البارده بالهيل والمستكه ملكة رمضان

كيكة التمر البارده بالهيل والمستكه ملكة رمضان

كيكة التمر البارده بالهيل والمستكه ملكة رمضان

كيكة التمر البارده بالهيل والمستكه ملكة رمضان, معكم صديقة زاكي الشيف الموهوبة ,

المقادير

  • كوب تمر بدون نوى
  • خمس معالق نشا ممسوحه
  • معلقتين سكر
  • علبة قشطه
  • اربع كاسات حليب دافىء
  • معلقه صغيره هيل مطحون
  • القليل من المستكه
  • علبه بسكوت شاي

الخطوات

بسم الله الرحمان الرحيم

السلام عليكم…تقبل الله طاعاتكم ومتعكم بالصحة والعافيه

يسعد اوقاتكم يا احلى وردات حبيت اقدملكم هالكيكه البارده اللذيذه المغذيه بطريق مختصره وجميله وطيبه للكبار والصغار خاصة الاطفال

الي برفضو اكل التمر كونها كيكه بارده في ايام الحر

تعالو نشوف الطريقه

بحضر كوب تمر منزوع النوى وبضيقله كوبين حليب دافىء وبتركهم مدة ثلث ساعه حتى يطرو وبعدين بحطهم بالخلاط بخلطهم مزبوط حتى يتحانسو وبصفيهم بالمصفايه من قشور التمر وبطنجره على النار المتوسطه وبحركهم كويس هون ضل عندي 3كاسات حليب بحل النشا بجزء بسيط منهم على البارد وبضيف محلول النشا وباقي الحليب على خليط التمر قبل ما يغلي مع علبة القشطه وبحركهم مزبوط وبضيف المستكه والهيل طبعا المستكه طحنتها مع شوية سكر بالجرن تبع المطبخ وبستمر بالتحريك حتى احصل على القوام المطلوب وبكون غمست البسكويت بالحليب وصفيته بالصينيه وبضيف فوقه نصف الخليط وبضيف طبقه ثانيه من البسكويت وبضيف باقي الخليط وبتركه يبرد وبزينه بالتمر والجوز هون الك حرية الاختيار بالزينه….بنصحكم تجربوها

الف صحه وهنا

ملاحظه… استخدمت معلقتين سكر فقط لانه التمر حلو والبسكويت محلى وبامكانك تستغني عنهم

تقبل الله منا ومنكم صالح الاعمال ورفع عنا جميعا الوباء والبلاء وهدانا لما يحب ويرضى

استودعتكم لله

13 تعليقات
  1. نورس :

    يعطيك العافية شكلها طيب بنفع تمر مطحون

    1. ام علاء ابو يحيى :

      الله يعافي قلبك حبيبتي بنفع بس فتتيه وانقعيه بالحليب ما تحطيه قطعه وحده بتكون ثقيله وبتاثر على الخلاط

  2. nawal :

    شكلها بيشهي الله يعطيكي العافية صحتين وهنا 😍🥰

    1. ام علاء ابو يحيى :

      تسلمي حبيبتي نوال الله يكرمك

  3. هيام :

    صحه وهنا انشالله

    1. ام علاء ابو يحيى :

      على قلبك حبيبتي تسلمي

  4. نسرين بارافي :

    بسم الله ماشاءالله تسلم الايادي المعدلة الف صحة وهنا

    1. ام علاء ابو يحيى :

      تسلمي حبيبتي يسعدلي قلبك

  5. ام كمال :

    الف صحه وعافيه… يم يم

    1. ام علاء ابو يحيى :

      تسلمي حبيبتي على قلبك

  6. 🦋ام سليم 🦋 :

    وعليكم السلام ورحمة الله وبركاته
    وصفة جديدة وسهلة ومنظر مغري
    قيد التجربة ان شاء الله
    تسلم الأيادي يا مبدعه 😍

  7. ام علاء ابو يحيى :

    الله يسلمك ام سليم تسلمي هي اصلها مهلبية التمر بس حاولت اعملها كيكه لانه اولادي ما بحبو المهلبيات بس الحمد لله كانت طيبه وناجحه ميه بالميه

    1. 🦋ام سليم 🦋 :

      تسلم ايديكي حبيبتي وصحة وعافية يارب عليكم
      ما شاء الله عنك شو ما عملتي ايديكي بتثقل بالذهب
      الله يخليلك اولادك ويفرحك فيهم يارب 😚♥️

اترك رد

لن يتم نشر عنوان بريدك الإلكتروني.