كنافة بلقشطة المنزلية ملكة رمضان

17 1٬562
 

كنافة بلقشطة المنزلية ملكة رمضان

كنافة بلقشطة المنزلية ملكة رمضان

كنافة بلقشطة المنزلية ملكة رمضان

كنافة بلقشطة المنزلية ملكة رمضان, معكم صديقة زاكي الشيف الموهوبة ,

المقادير

  • السلام عليكم ورحمة الله وبركاته اليوم عملت صينية كنافة بلقشطة المنزلية عنجد طلعت معي رووووووووعة
  • بدنا كيلو كنافة
  • ٢كغ حليب نقط عصير ليمونة
  • فنجان سكر
  • حزمة جبنة مشللة
  • قطر بارد
  • فستق حلبي للزينة
  • سمن حيواني مدوب مقدار نص كوب

الخطوات

اول شي بنحط الحليب ع الغاز ليسخن معنا مو غليان بس تسخين وبنعصر عليها كم نقطة عصير ليمون بنستنى عليها ١٠دقائق بيبلش يغصل القشطة عن المصل مية القشطة بنصفيها بقماش اللبن او مصفى ناعم جدا جدا وبنتركها لينشف كل المي عنها او بنحطها بين ورقتين نشاف

وبننقع جبنة مشللة بلمي الباردة حصرا لانها بتكون مالحة ربع ساعة بس وبصفيها وبستعملها

تانيا بندوب السمنة بدون تسخينها وبنضيفها للكنافة وبنضيف فنجان سكر وبندعك الكنافة باصبيعنا ليمتزج السكر والسمنة و الكنافة مع بعض

بندهن صينية فرن بلسمنة وبنفرد اول طبقة كنافة مع الضغط عليها بنضيف عليها القشطة والجبنة المشللة

وبنفردها فوق الكنافة مع المراعاة ما نمد القشطة ع حواف الصينية متل يلي بلصورة

وبنمد الطبقة التانية للكنافة وبنرصها منيح وبندخلها ع فرن حامي مسبقا النار من تحت لحين الاستواء وبعدين من فوق ليصير لونها دهبي مع الحرص الانتباه عليها لانها خلال دقيقتين بتنشوى من فوق

ما نحرق وجها

بنطالعها من الفرن وبنسقيها بلقطر البارد

وبنزينها بلفستق الحلبي وتقطع وتقدم للضيوف الكرام

والف هنا عليكم ضيافة جدا راقية