الخبز البوري الهندي خبز المطاعم اللذيذ ملكة المطبخ

29 3٬316
 

الخبز البوري الهندي خبز المطاعم اللذيذ ملكة المطبخ

الخبز البوري الهندي خبز المطاعم اللذيذ ملكة المطبخ

الخبز البوري الهندي خبز المطاعم اللذيذ ملكة المطبخ

الخبز البوري الهندي خبز المطاعم اللذيذ ملكة المطبخ, معكم صديقة زاكي الشيف الموهوبة ,

المقادير

  • كاسين طحين
  • معلقتين زيت
  • رشة ملح
  • رشة عصفر اختياري
  • ماء دافىء للعجن

الخطوات

بسم الله الرحمان الرحيم

السلام عليكم

يسعد اوقاتكم وكل عام وانتم بخير تقبل الله من ومنكم صالح الاعمال

حبييت اقدملكم هالوصفه الطيبه الظريفه الخفيفه وهي الخبز الهندي االبوري الي بتقدم بالمطاعم مع وجبات اللحمه والدجاج المشويه والغالبيه بحبوه وهذا الخبز يوكل مع كل شيء مع الزبده اللبن المشاوي المربيات

تعالوا نشوف الطريقه قديش سهله وطيبه

بنحضر وعاء عميق وبننخل كاستين طحين وبنضيفلهم رشة ملح ومعلقتين زيت واذا بتحبي رشة كركم وهذا اختياري وبتعحنيهم بالمي الدافيه هون ما في مقدار للمي بتحطي المي شوي شوي حتى تبطل تلزق بايدك ابدا و العحينه ما تكون رخوه حتى تساعدنا بالرق والقلي وبتقطعها كرار صغير او كبيره حسب ما بدك حجم الرغيف بس ما يكون كبير بحجم البيضه بكفي او اكبر شوي وبنريحها شوي وبترقها وعلى الزيت الغزيربس ما يكون بغلي حتى ما تتحمر منك بسرعه وتحترق وبالمغرفه خذي زيت وحطي على سطح العجينه اثناء القلي حتى تنفخ واذا بتحبي تحمريها حمريها واذا بدك اياها تكون طريه طلعيها على ورق نشاف المطبخ قبل ما تتحمر

ولما تنتهي من العمل غطيه حتى يضل طري الف صحه وهنا ان شاء الله تعجبكم هالوصفه

استودعتكم لله

تقبل الله طاعاتكم

29 تعليقات
  1. ام همام :

    يسلم ايديكي
    💞💞🌷🌷🌷

    1. ام علاء ابو يحيى :

      تسلمي حبيبتي
      كل عام واتت بخير🌹🌹

  2. nawal :

    يسلمو ايدك حبيبتي ان شالله صحة وهنا 🥰😘

    1. ام علاء ابو يحيى :

      ربي يسلم عمرك حبيبتي

  3. ماشاء الله عليكي شيف ام علاء تسلم ايدك

    1. ام علاء ابو يحيى :

      ربي يسلم عمرك حبيبتي

  4. ع المفضلة مباشرة والتجريب بحبها ها الخبزة

    1. ام علاء ابو يحيى :

      جربيها طيبه كثير والف صحه وهنا مقدما

  5. 🌺 القدس عربية 🌺 :

    أم نبيل
    يسلمو هالايدين يا خالتو ام علاء ابدعتي والله
    كتيييير بحبه هاد الخبز وطريقته سهله 😋👍

    1. ام علاء ابو يحيى :

      الله يسلم عمرك جربيها والف صحه وعافيه

  6. يسعد قلبك ام علاءالغالية بس سؤال الكل بيقولولك حجة وخالتو اديش عمرك ما تواخذيني ع السؤال بس مجرد فضول مش اكتر
    من وين حضرتك 😘😘😘

    1. ام علاء ابو يحيى :

      حبيبتي انا فلسطينيه الاصل اردنية الجنسيه وعمري مش كبير لهدرجه لساتني شباب يا ريت اجح بس مش غلط لو حكولي حجه وهاي اجمل كلمة بالدنيا ربي يطعمنا اياها ويضلو يحكولي حجه على طول وكلمة خالتو متعوده عليها لانه الي بنات اخت قراب من جيلي حكولي خالتو من الصغر

    2. يسعد لي صباحك يا غالية
      اهلا وميت سهلا فيكي تشرفت بمعرفتك
      وبكل اهل الاردن وربي يفرجها وينصرها فلسطين الحبيبة
      الله كريم ان شاء الله بنزور بيت الله جمعا وبنلتقى
      هنيك
      ويخليلك صحتك وعافيتك يا غلاتي

    3. ام علاء ابو يحيى :

      تسلمي حبيبتي ربي يسعدك

  7. ام كمال :

    سلم دياتك ولا اروووووووع… يم يم

    1. ام علاء ابو يحيى :

      الله يكرمك ويسعد قلبك

  8. 🌷❤ غزل ❤🌷 :

    يسلمو ايديكي بشهيييي

    1. ام علاء ابو يحيى :

      تسلمي حبيبتي

  9. 🦋ام سليم 🦋 :

    وعليكم السلام ورحمة الله وبركاته
    تبارك الله ماشاء الله عليكي 😍 😍
    تسلم الأيادي يا عسل

  10. نسرين بارافي :

    وعليكم السلام ورحمة الله وبركاته تسلم الايادي بيشهي

    1. ام علاء ابو يحيى :

      تسلمي يا ست الكل وكل عام وانت بخير

  11. joudi :

    تسلم ايدك بشهي

    1. ام علاء ابو يحيى :

      بسلم قلبك يا عمري كلك زوق

  12. ام ريان :

    تسلم اديكي بشبة زلابيا بس باضافة قطر

    1. ام علاء ابو يحيى :

      تسلمي حبيبتي

  13. رؤى الديري❤ :

    فلسطينيه وافتخر✌
    مممممم ياااا عيني يا عيني ع خالتو ام علاء وطبخاتها الزاكيه 😘كتييير اشتقت لاكلاتك وابداعاتك 😋😋💜💜يعطيكي العافيه يا رب

    1. ام علاء ابو يحيى :

      هلا بالغاليه وينك والله اشتقتلك يا مهضومه
      ربي يسعد انت الزوق كله

  14. رؤى الديري❤ :

    كل عام وانتي بالف خير وصحه وسلامه يا رب

    1. ام علاء ابو يحيى :

      وانت بخير وصحه و سلامه يا قلبي

اترك رد

لن يتم نشر عنوان بريدك الإلكتروني.