مخشي الكوسا باللبن شيخ المحشي ملكة رمضان

9 743
 

مخشي الكوسا باللبن شيخ المحشي ملكة رمضان

مخشي الكوسا باللبن شيخ المحشي ملكة رمضان

مخشي الكوسا باللبن شيخ المحشي ملكة رمضان

مخشي الكوسا باللبن شيخ المحشي ملكة رمضان, معكم صديقة زاكي الشيف الموهوبة ,

المقادير

  • اثنين كيلو كوسا
  • اثنين كيلو لبن
  • لحمة ناعمة 700غرام
  • بصلة
  • ثلاث معالق نشا
  • بيضة اختياري
  • ملح
  • ملعقتين سمنة
  • فلفل اسود مطحون

الخطوات

بسم الله الرحمن الرحيم

يسعد اوقاتكم جميعا

انا اسفة رح اطول عليكو بالشرح منشان اعطيكو اهم الملاحضات والخطوات بس بالاخير بتاخذو نتيجة طيبة وشهية

اول مرحلة بنبلش باللحمة لانو لازم تكون وقت نحشي الكوسا تكون باردة بنحط بطنجرة ملعقتين زيت ذرة بنكون فارمين بصلة كبيرة ناعم وبنحطها عالزيت وبس تبلش تذبل بنحط عليها ملقعة ملح وبنزل عليها اللحمة وبقلب اللحمة والبصل واول مااشوف اللحمة نزلت ميتها وبلشت تستوي بحطلها الملح والفلفل الاسود وبقلبهن واول ماشوف المي نشفت تماما بطفي النار وبتركها تبرد

وبنبلش بحفر الكوسا واهم شي تكون قشرة الكوسا شوي سميكة لانها رح تاخذ مراحل من القلي والسلق وبعدها بنحطها باللبن وبنحفر كل الكمية وبس تخلص بنحط بجاط مي وملح وبنغسل الكوسا مليح ونفضي المي من قلبا ونقلبها منشان تصفى

بقلي شرائح اللوز او صنوبر وبحطها عاللحمة وبلش نحشي بالكوسا لازم تكون مليانة مليح ونحنا نحشي نضغط بااصبعنا اللحمة وبس نخلص كل الكمية بنلبش بخطوة القلي

بحط بطنجرة زيت وفير وبحطها عالنار وبس يحما الزيت بنزل بحبات الكوسا وبقلب بيها واول مااشوفها بلشت تشقر بطلعها من الزيت وبقلبها منشان يصفى منها الزيت

وللخطوة الثانية بنحضر لسلق الكوسا سلق الكوسا كثير ضروري هو بيروح طعمة الزيت وبيفتح لون الكوسا وبيكمل ثلاث ارباع استواء الكوسابنحط مي بطنجرة وبنحط زرف بودرة مرقة الدجاج وملعقة ملح وبس تغلي المي بنزل حبات الكوسا وبقلب بيها المدة انا بفضل انتو تطالعو حبة كوسا وتشوفوها انا اخذت معي ربع ساعة وبنقلب حبات الكوسا وبنتركها تصفى من المي وبنحضر للمرحلة الاخيرة بنحط اللبن بالطنجرة وبنحط ثلاث معالق نشا وبنحط البيضة اختياري هذا بيرجع الكو وبنحركها كثير مليح بالمشبك اليدوي او فيكي تصفي اللبن بمصفاية ناعمة الاثنين بيعطو نفس النتيجة وبنحط الطنجرة عالنار وبنحرك بدون اي انقطاع منشان مايفرط معانا اللبن وبس شفنا اللبن بلش يثقل بنحط عليها ملعقتين من مي سلق الكوسا بتعطيها نكهة توابل الدجاج ونكهة الكوسا وبس بلش يغلي اللبن بحط ملعقة ملح وبنزل حبات الكوسا وبحرك بيها وبوطي الغاز منشان مايحترق اللبن معي وبتركها تغلي مدة خمس دقائق وبحطلها تقلاية ثوم ونعنع ناشف اختياري اذا بتحبو وبطفي عليها وبنطبخ الرز مع الشعيرية اختياري والطريقة المعتادين عليها وان شالله مااكون طولت عليكو وان شالله

صحة وهنا

9 تعليقات
  1. omsalah :

    تسلم ايديكي بشهو

  2. هيام :

    الله يعطبك العافيه

  3. sara :

    أم نبيل
    يممممممميي بعشقها هالطبخه
    يسلمو ايديكي ويعطيكي ألف عافية وصحتين وهنا ع قلوبكم

  4. بتشهي ماشاء الله عنك
    يسلم ايديكي يارب

  5. إم مصطفي 😉 :

    روووعة يسلمووو ديادك يا رب 😘😍

  6. fayzah ahmad :

    صحة وهنا

  7. واووووووو شي بيشهي واكلة رائعة ولذيذة
    يسلمو ايديكي حبيبتي تمنياتي لك بالتوفيق والنجاح ياررب

  8. رزان :

    يا عيني عليكي يا نوال شو انك معدله ما شاء الله عليكي الف صحه وهنا يا ريتني جارتك

  9. ريحانة🌿 :

    اللهم بارك
    صحتين وعوافي عليكم🌹

اترك رد

لن يتم نشر عنوان بريدك الإلكتروني.