طريقة عمل الجبنة السورية

20 2٬013
 

طريقة عمل الجبنة السورية

طريقة عمل الجبنة السورية

طريقة عمل الجبنة السورية

طريقة عمل الجبنة السورية , معكم صديقة زاكي الشيف الموهوبة ,

المقادير

  • خمسة كيلو حليب طازج
  • نص ملعقة صغيرة منفحة بودرة الجبنة

الخطوات

السلام عليكم ورحمة الله وبركاته

يسعد اوقاتكم احبتي وعدتكم انزل طريقة الجبنة بكل تفاصيلها واهم الخطوات بيلزمنا خمسة كيلو حليب طازج أنا بجيب حليب غنم اطيب انواع الجبنة جبنة الغنم بعد مااصفي الحليب بمصفاية ناعمة بحطو بحطو بطنجرة وبسخنو يعني تكون درجة حرارتو 42 بنذوب المنفحة بوعاء وبنضيف عليه الحليب وبنحرك بسرعة وبنضيفو عالحليب وبنحرك لحتا نتأكد انو المنفحة اختلطت مع كمية الحليب بشكل جيد وبنغطيها بغطاء وبنتركها مدة ساعتين وبعد ساعتين بنشيل الغطاء بتكون تشكلت الجبنة بنحركها لحتا تعزل الجبنة عن المي وبنتركها نص ساعة وبنصفيها بقطعة قماش بتسمح المي تطلع منها وبس نتأكد انو المي صفت تماما بتشكلها بأيدينا بشكل متساوي وبنحط عليها شي ثقيل لحتا تأخذ الشكل المتماسك واصفة عنها بقايا المي وبنتركها ساعتين وبعدين بنقطعها حاولت كمان اشرح الطريقة مع الصور بالخطوات وبنحطها بجاط وبنضيف عليها ملح لحتا تتماسك أكثر مدة ثلاثة أيام مع التحريك كل فترة وبعدين بنغليها بمي وملح وفيكو تحفظوها بالطريقة يلي بتحبوها والمي يلي طلعت من الجبنة بنغليها وبس تغلي بتطلع القريشة لحالها عالوجه بنصفيها وبنستعملها للحلويات أنا بالعادة بجيب كميات كبيرة من الحليب بس اليوم جبت كمية قليلة منشان اشرح طريقتها بشكل مفصل وسهل إلكو وفعلا لو تجربوها مارح تشتروجبنة من السوق لانو طعمها رائع وطيب ومضمونة

20 تعليقات
  1. ام علاء ابو يحيى :

    تسلم ايدك حبيبتي نوال فعلا انك معدله انا كنت اعملها بنفس الطريقه
    حابه اسالك سؤال بالنسبه للحليب بتشتريه من محلات معروفه بالزرقاء ولى من ناس بحلبو ببيوتهم واذا بتعرفي مكان ثقه اكتبيلي عنوانه ويسعدلي قلبك الغالي

    1. nawal :

      الله يسلمك ام علاء بتشكرك على كلامك الجميل بالنسبة للحليب أنا بجيبو من ناس بحلبو الحليب بأيديهم يعني الحليب مضمونة انو حليب غنم وطازج يعني الحليب بيصل سخن ماشالله ومااظن انو المحلات بكون الحليب عندها مضمون

    2. ام علاء ابو يحيى :

      تسلمي حبيبتي لاني اخذت من المحلات ما عجبني نهائيا

  2. هياء :

    يسلموا ايديكي رووووووووووووعة 👍

  3. أية 🌹 :

    يسلم دياتك وصحى وهنا يا رب وياعيني على قريشة الجبنة والحلويات فيها

  4. هيام :

    ماشاءالله عنك الله يسلم دياتك لمعدله وألف صحه وهنا على قلبكم انشالله

  5. رزان :

    ما شاء الله عنك تسلم هلانامل

  6. زهورر⁦❤️ :

    ما شاء الله تسلم ايديكي يا قلبي 😍
    نفس طريقة الولادة بس القريشة اول مرة بعرفها لشو بتستخدميها

    1. nawal :

      الله يسلمك القريشة بستعملها بحشوة الحلويات مثل الكنافة والشعبيات والوربات وبتصير للحشوة الفطائر كمان بنضيف عليها ملح وبيض وبقدونس بتطلع حشوة فطائر روعة وكمان بتصير صنف بوجبة الفطور طعمها كثير طيب أو بسوي مامونية وبزين وجها بالقريشة

    2. زهورر⁦❤️ :

      يا سلام عليك
      طيب نزلي وصفات تستخدمي فيها القريشة

    3. nawal :

      أكثر الحلويات بتلاقيها بملفي مثل الشعبيات والكنافة والوربات بالقشطة كلها بحشيها بقريشة

    4. ام زكريا :

      لذيذة مع العسل في وجبة الفطور

    5. زهورر⁦❤️ :

      يسلموو ايديكي حبيبتي ⁦❤️⁩

  7. sara :

    أم نبيل
    ما شاء الله عنك نوال يعطيكي الف عافيه ويعيشوا هالايدين اللي بتثقلو بالدهب

  8. ام زكريا :

    جزاكي الله خيرا معلومات وشرح مفصل ربي يباركلك ببيتك واولادك وصحتك

  9. ريحانة🌿 :

    وعليكم السلام ورحمة الله وبركاته
    الله يعطيكِ الصحة والعافية ويسلم دياتك يا وردة🌹

  10. 🌷❤ غزل ❤🌷 :

    يسلمو ايديكي رووووعه

  11. ام بيلسان :

    ابعتيلي صحن قريشة هههه

    1. nawal :

      ياريتك جارتي بيصل احلى صحن قريشة كرمال عيونك

    2. ام بيلسان :

      الف شكر يقلبي كلك زووق

اترك رد

لن يتم نشر عنوان بريدك الإلكتروني.