مربى المشمش على طريقة امهاتنا وجداتنا

22 712
 

مربى المشمش على طريقة امهاتنا وجداتنا

مربى المشمش على طريقة امهاتنا وجداتنا

مربى المشمش على طريقة امهاتنا وجداتنا

مربى المشمش على طريقة امهاتنا وجداتنا, معكم صديقة زاكي الشيف الموهوبة ,

المقادير

  • مشمش حسب الحاجة
  • بيلزمنا سكر لكل كيلو مشمش 750غرام سكر
  • عصير ليمونة او ملعقة صغيرة ملح ليمون

الخطوات

السلام عليكم ورحمة الله وبركاتة

اليوم رح نعمل مربى المشمش هي الايام موسمو وموسم المشمش سريع الانتهاء رح نعمل على طريقة امهاتنا وجداتنا اول شي بنغسل حبات المشمش منيح وبنشفو بمنشفة مطبخ نظيفة ونتأكد انو مابي ولانقطة مي لانو المي بتخليه يحمض ويخلخل بنقسم حبات المشمش لقسمين وبنسحب العجوة منو وبنحطو بجاط و بنرش عليه السكر أنا حطيت لكل كيلو 750غرام سكر المشمش يلي عندي حلو وممكن زيادة السكر حسب حموضة المشمش لحد كيلو سكر لكل كيلو مشمش بنحركو مع السكر بلطف وبنغطيه وبنتركو ست ساعات أو ليلة كاملة بمكان بارد أنا حطيتو ليلة كاملة بالثلاجة مع التحريك كل فترة لحتا يبذل سائل ويذوب السكر بنحطو عالنار وبس يغلي مدة خمس دقائق بنضيف عليه عصير ليمونة وبنحرك بلطف لتجنب هرس قوام حبات المشمش راح يطلع رغوة ماتتخلصو منها مجرد ماترفعي الطنجرة جانبا وتحركي المزيج رح تتجانس وتختفي الرغوة بنرجع الطنجرة عالنار ونستمر بالتحريك رح تطلع رغوة مرة ثانية بنكرر عملية رفع الطنجرة جانبا والتحريك لحتا تختفي الرغوة وبنرجعها عالنار يلزمنا نكرر العملية ثلاث أو أربع مرات ونتابع طبخ مربى المشمش مدة لاتقل 30دقيقةعلى نار هادية جدا مجرد مانشوف تقلص المزيج وحبة المشمش صارت تلمع وأخذت كفايتها من التقطير وبتصير حبة المشمش اصفر شفاف هذا دليل نضج حبات المشمش بنطفي الغاز وبنغطي بقطعة قماش وبنحطو عالشمس لتكملة عملية الطبخ الشمس بتعقمو وبتعطي لون جميل ويلي ماتسمح ضروفو يحطو عالشمس يكمل عملية الطبخ لحد الاستواء الكامل

وبس يبرد تماما يعبى بمطربانات زجاجية ويحفظ بمكان بارد وان شالله صحة وهنا

22 تعليقات
  1. أية 🌹 :

    ما شاء الله تبارك الرحمان منظر بشهي يسلم دياتك وصحى وهنا يا رب

  2. ام زكريا :

    اللهم بارك شغل مرتب ومنظر بشهي الله يعطيكي العافية وجزاك الله خيرا عالمعلومات

  3. 🌹🌹🌹 :

    ما شاء الله تبارك الله
    رائع بمعنى الكلمة
    يسلمو اديك منظر بيفتح النفس

  4. ميمو :

    ماشاء،الله ملكة مطبخ. نوال. كم يوم اخليه ع الشمس

    1. ميمو :

      وسؤال تاني الرغوة بتختفي كلها لان طول عمري بشيلا وبتعزبني 😂

    2. nawal :

      حسب مدة الطبخ بنتركو عالشمس لحتا نوصل للقوام المطلوب أنا تركتو يوم كامل

    3. nawal :

      اه بتختفي الرغوة مجرد مانكرر عملية رفع الطنجرة من على النار والتحريك لحتا تختفى أنا بفضل مانشيل الرغوة لأنها بتحافظ على نكهة المشمش

  5. هيام :

    ماشاءالله تسلم دياتك مأكول الهنا انشالله

  6. ام عمر :

    بشهي يسلمو دياتك ويعطيكي العافية 👍😘❤

  7. ام همام :

    😋😋😋😋
    بموت بالمشمش انا
    يسلم ايديكي حبيبتي صحتين

  8. يسلمو دياتك حبيبتي نوال ربي يزيدك من نعيموو ويباركلك بتعبك يارب

  9. sara :

    أم نبيل
    ما شاء الله يعيشوا هالايدين ويعطيكي ألف عافية المربى بفتح النفس عاملته
    الله يحميكي شغلك عنجد روووعه

  10. 💙أّمَ حٌمَزِّةّ💙 :

    أّلَلَهِ يَِّّسلَمَ أّيِّدِګ يِّأّربِ
    شٍغٌلَګ ګلَهِ مَتّقِنِ يِّأّ قِلَبِيِّ
    دِمَتّيِّ بِګلَ خَيِّر غٌأّلَيِّتّيِّ

  11. ريحانة🌿 :

    وعليكم السلام ورحمة الله وبركاته
    تسلم إيدك غاليتي🌹

  12. رزان :

    يا عيني بشهى الف صحه وهنا انا بعملو وبعمل الكرز وفراوله بيطلع بشهى

  13. ام علاء ابو يحيى :

    تسلم ايدك والف صحه وعافيه يا ست الستات

  14. زهورر⁦❤️ :

    ما شاء الله تسلم ايديكي المبدعة 🤤🤤🤤

  15. فوفه🥀🥀 :

    تسلم الايادي صحتين وعافية

  16. أم جود :

    يعطيكي العافية ويسلم ايديكِ…صحه وهنا يا رب

  17. نسرين بارافي :

    بسم الله ماشاءالله الف صحة

  18. ام كمال :

    انا من عشاق المشمش… تسلم دياتك… يم بم

  19. fayzah ahmad :

    صحة وهنا

اترك رد

لن يتم نشر عنوان بريدك الإلكتروني.