مناقيش الزعتر بطريقتي ملكة زاكي

26 2٬300
 

مناقيش الزعتر بطريقتي ملكة زاكي

مناقيش الزعتر بطريقتي ملكة زاكي

مناقيش الزعتر بطريقتي ملكة زاكي

مناقيش الزعتر بطريقتي ملكة زاكي , معكم صديقة زاكي الشيف الموهوبة ,

المقادير

  • عجين اي نوع عجينة بتحبيها ومعتمديتها
  • للزعتر :
  • زعتر حسب الكمية الي بتحبيها
  • زيت زيتون
  • بندورة
  • بصل
  • شطة
  • ملح
  • ملح ليمون( اختياري )
  • لحشوة البيض:
  • بيض
  • جبنة شدر مبروشة
  • جبنة مزريلا مبروشة
  • ملح
  • فلفل اسود

الخطوات

السلام عليكم غالياتي العزيزات انا اليوم جبت وصفة معروفة ومش غريبة والكل بحبها وبعملها بس انا بحب احطلها اضافاتي الي هية البصل والبندورة بتاخد المناقيش لعالم تاني جربوها بهالطريقة واكيد رح تحبوها ويلا بينا على الطريقة

اول شي بتكوني مجهزة العجين ومخمريتها وبعدين بتفرمي البصل والبندورة فرم ناعم وبعدين بتحطي فوقهم الزيت والزعتر والشطة وبتملحيهم وبتحطي شوية ملح ليمون اذا بتحبي شوي حامض او اذا بتحبي زيدي علي سماق وهيك بكون جاهز

وحشوة البيض بحط الجبن في جاط وبحط علي البيض وبملح وبرشلو فلفل اسود وبخفقهم منيح وهيك بكنو جهزو الحشوتين بجيب العجين وبقطعو كرات وسط لكبير شوي حجمهم وبعدين بفردهم بمرق العجين وبخليهم رقاق شوي متل رغيف الخبز وبعدين يا بتحطي بصينية الفرن وبتحطي علي الحشوة وبتحطي بالفرن او بحطي الرغيف على صاج حامي وتفردي علي الحشوة وبس يتحمر من تحت بتحطي بصينية الفرن وبتحمري وجهو وهاي الطريقة انا بحبها اكثر لانها بتخلي الخبز يضل طري كثير ما بنشف وبالنسبة لحشوة البيض بس افرد العجين بعملو حواف مثل الصحن عشان ما تنزل الحشوة عن الجناب بستوي بنفس الطريقة اما على الصاج او على الفرن وصحتييين وعوافي على قلبكم

وطبعآ لا تنسو تعملو برق شاي بنعنع وتنادوني لاني مشتهيتهم ههههههههه من زمااان ما عملتهم ومو قادرة اعملهم بدي دعواتكم الصادقة بظهر الغيب ربي يشافيني ويشافي كل مريض والله يجزيكم الخير حبوباتي بحبكم بالله

عرض التعليقات (26)