ورق العنب ( الدوالي) محبوب الجماهير ملكة زاكي

36 1٬292
 

ورق العنب ( الدوالي) محبوب الجماهير ملكة زاكي

ورق العنب ( الدوالي) محبوب الجماهير ملكة زاكي

ورق العنب ( الدوالي) محبوب الجماهير ملكة زاكي

ورق العنب ( الدوالي) محبوب الجماهير ملكة زاكي , معكم صديقة زاكي الشيف الموهوبة ,

المقادير

  • كوبين رز صنوايت
  • ربع كيلو لحمة خشنة مع لية
  • نص حزمة بقدونس
  • نص حزمة كزبرة
  • ربع حزمة نعنع
  • بصلتين
  • بندورتين
  • ثوم مهروس ٣ سنون
  • حبة جزر مبروشة
  • ورق دوالي
  • لسلق الورق بدنا:
  • ليمون
  • زيت
  • البهارات :
  • ملح
  • فلفل اسود
  • بهارات مشكلة
  • ماجي بودرة
  • كاري

الخطوات

السلام عليكم حبوباتي كيفكم ان شاء الله كلكم تكونو بصحة وسلامة اليوم اجيت وجبتلكم طريقة الدوالي الي كلنا بنعشقو وبنموت علي طبعآ هاي الصور من رمضان لا حدا يضحك علية لانو فعليآ من رمضان ما عملتو الله وكيلكم بعين الله يلا ع الطريقة ان شاء تنال اعجابكم وتدعولي دعوة حلوة من القلب

اول شي بحط بطنجرة مي عالغاز بس تغلي بعصر عليها ليمونة صغيرة او نص ليمون كبيرة وبحط ربع كوب زيت ممكن زيت زيتون او زيت ذرة ما بأثر وهاي الطريقة بالسلق بتخلي الورق يطرى ويستوي بسرعة وبطلع معك الدوالي دايب دوبان حتى لو كان الورق منشف شوي رح يطرى بالطريقة هاي وهسة للحشوة

بفرم الكزبرة والبقدونس والنعنع ناااااعم جدآ واذا ما بتعرفي تنعمي بالسكينة اعملي شاطرة متلي واستعيني بمفرمة الملوخية ههههههههههه والله انا هيك بفرمهم وكمان التبولة نفس الشي والكل مفكر بفرمها ع ايدي بحكولي ما شاء الله تبولتك بتجنن فرمها ناعم كتير مورتب هههههههه لا حدا يحكيلهم السر

المهم بعد ما فرمة الخضار بفرم البندورة والبصل ناعم وببرش الجزر وبحط الثوم المهروس وبعدين بصفي الرز وبحطهم فوق الخضار وبحط اللحمة وبحط عليهم البهارات والزيت الزيتون وبخلطهم منيح وببلش لف طريقتي باللف بفرد على الطاولة كمية الورق الي تستوعبها الطاولة يحني بصفهم بجنب بعض وبحط فيهم الرز وببلش الف بشكل سريع وهيك بخلص بسرعة وبعدين بكون متبلة الجاج بملح وفلفل اسود وبصلة ورشة ملح ليمون او عصرة ليمونة وبحطهم بقاع الطنجرة وبرص فوقيهم الدوالي بترتيب داير ما دار الطنجرة وبحط ع الوجة شرائح بندورة وبرشلها ملح وفلفل اسود وبغطيها بالمي المغلية وبحطلها ثقل فوقها يا بتستخدمي الثقالة الي بتنباع عند محلات الادوات المنزلية او بتحطي صحن بروسلان حراري فوقها وبتغطيها وبتتركيها على النار بس تغلي مزبوط وطي النار عليها ع الاخر واتركيها من ساعتين لثلاث ساعات وضلك تفقديها اذا نشفة المية زيديلو مي مغلية في ناس بتحب تعملو بطنجرة الظغط عشان اسرع يعني بس بصراحة مو زاكي طعمو زي لما يستوي ع نار هادية براحتو وبالنهاية كل واحد وزوئو وبس يستوي اتركي يهدا بالطنجرة ويدفي شوي وهو مغطى عشان ما يسود وبعدين اقلبيها وقدميها وقدمي بجنبها المخللات واللبن الرايب واي شي بتحبي جنبها وتلذذي بالطعم اللذيذ وصحتين وهنا

36 تعليقات
  1. Amoona :

    ماشاءالله يسلموا هالايادي.. اشي بيفتح النفس

    1. om hasn :

      حبيبتي تسلميلي يا عسل كلك زووووء 💖💖💖💖

  2. ام رامي :

    ما شاء الله اشي بفتح النفس يسلموا ايديك

    1. om hasn :

      وايديكي يا عسل تسلميلي 💖💖💖💖

  3. ام أحمد :

    ماشاء الله تسلم ايديك وانا اسويه في قدر الضغط وطعم ولا اروع بس انقص النار على شمعه

    1. om hasn :

      حبيبتي انتي ست المعدلات 😍😍😍💖💖💖

  4. ام اسامه :

    ما شاء الله يسلم اديكي يارب

    1. om hasn :

      وايديكي حبيبتي تسلميلي 💖💖💖

  5. اولادي سعادتي ( ام آدم) :

    يبي قلبي ام حسن شو هالابداع منظر بيشهههي القلب لون الدجاج تحفه .. اتوقع من الليمون صح .بس دماار تسلم ايدك يابعد عمري

    1. om hasn :

      حبيبت قلبي الغالية ام ادوم العسل تسلميلي يا قلب 💖💖💖💖
      لون الدجاج لاني ما بحط اشي تحتو وبحطو بطنجرة جرانيت والمي بخليها ع القد عشان افتح مجال للدجاج يوخذ لون لانو اذا كان كلو مي ما رح يتحمر الدجاج وبس 😉🤗

  6. 🌷❤ غزل ❤🌷 :

    صحتين وعافيه

    1. om hasn :

      ع قلبك يا عسل 💖💖💖

  7. غير معروف :

    💫
    ماشاء الله ماشاء الله والله شكلها طبختك خراااافية.👍

    1. om hasn :

      حبيبتي كلك زوووء يا قلبي💖💖💖💖

  8. هيام :

    صحتين وعافيه

    1. om hasn :

      ع قلبك يا عسل 💖💖💖

  9. B :

    بشهي

    1. om hasn :

      كلك زووء حبيبتي 💖💖💖

  10. samaher :

    ما شاء الله تبارك الرحمن عنجد منظر بشهي

    1. om hasn :

      حبيبتي تسلميلي كلك زوووء 💖💖💖💖

  11. om hashem :

    جمييييل وشهي صحتين

    1. om hasn :

      ع قلبك يا قلبي تسلميلي 💖💖💖

  12. بلبله :

    صحه والف عافيه
    غييير شكل هالدواليات

    1. om hasn :

      تسلميلي يا عسل كلك زوووء 💖💖💖

  13. القدس عربية :

    أم نبيل
    ما شاء الله عنك يعيشوا هالايدين يا رب ويعطيكي ألف عافية

    1. om hasn :

      يعافي قلبك يا عسل تسلميلي 💖💖💖💖

  14. ماما عايدة المغربية :

    ماشاء الله منظر كيشهي بزااف تبارك الله عليك ❤️

    1. om hasn :

      حبي ماما عايدة تسلميلي يا عسل 💖💖💖

  15. ريحانة🌿 :

    وعليكم السلام ورحمة الله وبركاته
    تسلم ايدك حبيبتي🌹

    1. om hasn :

      وايديكي يا قلبي تسلميلي 💖💖💖💖

  16. رؤى الديري❤ :

    وعليكم السلام 💕 شو يا ام حسن خفي علينا شوي ارحميينا شو هالمنظر يلي بيفتح النفس يعطيكي الللللف عافيه💕💕💕

    1. om hasn :

      هههههه يا قلبي تسلميلي يا عسل تستاهلو كل شي زاكي انت الغوالي ولووو ما بقدر اخبي الزواكي عنكم هههههه 💖💖💖💖

  17. نسرين بارافي :

    ألف صحة وهنا بيشهي

    1. om hasn :

      ع قلبك يا عسل تسلميلي 💖💖💖

  18. nawal :

    ماشالله تبارك الرحمن بتجنن كتير الله يعطيك العافيه 😍

    1. om hasn :

      حبيبتي يعافي قلبك يا عسل 💖💖💖

اترك رد

لن يتم نشر عنوان بريدك الإلكتروني.