طريقة الفول المدمس وتخزينه ملكة زاكي

26 2٬248
 

طريقة الفول المدمس وتخزينه ملكة زاكي

الفول المدمس ملكة زاكي

طريقة الفول المدمس وتخزينه ملكة زاكي

الفول المدمس ملكة زاكي , معكم صديقة زاكي الشيف الموهوبة ,

المقادير

  • لتدميس الفول:
  • كيلو فول ناشف
  • حبة ليمون
  • لعمل صحن الفول :
  • كمية من الفول المدمس
  • طحينية
  • معلقة لبن رايب
  • رشة كمون
  • بصلة صغيرة
  • حبة بندورة صغيرة
  • حبة خيار صغيرة
  • فلفل حلو
  • شرحة قرن فلفل حار( اختياري )
  • معلقة شطة حمرا
  • ليمون
  • ثوم
  • ملح

الخطوات

السلام عليكم حبوبات كيفكم ان شاء الله تكونو كلكم بخير وصحة وهنا

اليوم حبيت اشاركم بطريقتي لتدميس الفول وتخزينو طبعآ انا من الناس الي مستحيل اشتري الحمص والفول من برا بعملهم بالبيت ودايمآ موجود عندي بالفريزر والحمد لله

المهم بجيب الفول وانا شخصيآ بفضل الفول الحبة الصغيرة الي لونها فاتح واذا مش متوفر هاتي اي نوع وانقعي اقل شي من ١٢ ل٢٤ ساعة وضلك غيري ميتو مرتين ثلاث بهالوقت

وبعدين بصفي من مية النقع وبغسلو وبحطو بطنجرة الضغط وبعصر علي حبة ليمونة وبحط القشر تبع الليمون بالطنجرة وهاي سر انو لون الفول يضل فاتح وما يسود وبحطو على النار بس يغلي بغطي علي بطنجرة الضغط وبحكم اغلاقها وبتركة من نص ساعة ل٤٠ دقيقة وبعدين بطفي تحتو وبترك الطنجرة بس تفرغ الهوا بفتحها وبختبر سوى الفول اذا استوا وهمس بغطي علي الطنجرة وبتركة لحتى يبرد تماااامآ وبعدين بأكياس التفريز بحط حسب حاجتي وبغلقو مزبوط وبحطهم بالفريزر لوقت الاستخدام بطلعو وبذوبو ع الميكرويف وبحطو بمقلى على الغاز وبحطلو الملح وبهرسو منيح وبس يغلي بطفي علي وبرشلو رشة كمون وبحطلو الطحينة واللبن الرايب وبفرم الخضار متل السلطة وبحطهم علي وبحطلو معلقة الشطة وبكون عاملة دقة ثوم وفلفل مع ليمون وبحط جزء منها بالخلطة والباقي على الوجة وبحطلو زيت الزيتون على وجهو وشوفو الطعم لوين رح يوديكم

26 تعليقات
  1. 💖ام عمر 💖 :

    يسلموا ايديكي يعطيكي العافية مبين زاكي بفتح نفس على صبح

    1. om hasn :

      حبيبتي تسلميلي كلك زوووء 💖💖💖

  2. ام محمود الرفاعي :

    يسلموا ايديكي منظر بشهي …الله يعطيك العافيه

    1. om hasn :

      يعافي عمرك يا قلبي تسلميلي 💖💖💖

  3. هيام :

    ماشاءالله ألف صحه وعافيه

    1. om hasn :

      ع قلبك حبيبتي تسلميلي 💖💖💖

  4. م.دانا محمد :

    الف صحة وعافية يارب.. شكرا كتتيييير عالطريقة انا ولا مرة جربتها دايما بجيبو جاهز بس هلمرة حجربها واحط الوصفة في المفضلة…🌷🌷

    1. om hasn :

      حبيبتي جربيها ودعيلي تسلميلي يا عسل كلك زوووء 💖💖💖😍😍😍

  5. ريحانة🌿 :

    وعليكم السلام حبيبتي
    ربي يسلم هالديات المعدلات🌹

    1. om hasn :

      حبيبتي تسلميلي يا قلبي 💖💖💖😍😍😍

  6. كيشهي تبارك الله عليك 😍

    1. om hasn :

      حبيبت قلبي ماما عايدة تسلميلي يا عسل 💖💖😍😍

  7. نسرين بارافي :

    تسلم ايدك بتشهي

    1. om hasn :

      تسلميلي يا عسل 😍😍💖💖

  8. 🦋ام سليم 🦋 :

    وعليكم السلام ورحمة الله وبركاته
    يا سلام عليها ام حسن شغل متقن ومضمون تسلم ايديكي يا قلبي ❤️

    1. om hasn :

      حبيبت قلبي ام سليم تسلميلي يا عسل 💖💖💖😍😍😍

  9. الاء محمد :

    يا سلام عليكي وصفة رائعة تسلم هالانامل يا رب

    1. om hasn :

      حبيبتي تسلميلي يا عسل 💖💖💖😍😍😍

  10. 🍒أم محمّد🍒 :

    يا سلااام بشهههي يسلم دياتك أم حسن نور زاكي بوصفاتك وربنا يفرج همك ويعطيكي ليرضيك اللهم آمين

    1. om hasn :

      اللهم امين حبيبت قلبي ام محمد الله يسعدك يا نوارة تسلميلي يا عسل 😍😍💖💖💖

  11. ام علاء ابو يحيى :

    هلا بالغاليه ام حسن نورتي زاكي بوصفاتك الزاكين اشتقتلك واشتقت لوصفاتك كوميات
    تسلم دياتك على هالفولات الطيبات

    1. om hasn :

      حبيبت قلبي ام علاء تشتاقلك مكة والله وانا اشتقت للناس الطيبة شرواكي يا الغالية تسلميلي يا عسل نورتيني 💖💖💖💖😍😍😍😍

  12. القدس عربية :

    أم نبيل
    ما شاء الله عنك أم حسن المعدله الله يعطيكي الف عافيه ويعيشوا هالايدين
    الفول منظره رووعه والطريقه حلوة
    انا بعمل الفول متلك بس بجيب فول معلب

    1. om hasn :

      هلا وغلا يا قلبي تسلميلي يا عسل المرة الجاي جيبي ناشف واعملي انتي رح تحسي بالفرق لانو ما بكونلو نكهة مواد حافظة جربي ودعيلي وطبعا الكمية اوفر 😉😉😍😍💖💖💖

  13. ام ملك.... :

    ما شاء الله عليكي
    يا الله شو اشتقتلك واشتقت لوصفاتك
    يسلمو ايديكي يا قلبي 💖

    1. om hasn :

      حبيبت قلبي ام مالك تشتاقلك مكة يا قلبي تسلميلي يا عسل نورتيني يا قلبي 💖💖💖😍😍😍

اترك رد

لن يتم نشر عنوان بريدك الإلكتروني.