المبكبكه الليبيه باللحمه ولا اطيب ملكة زاكي

48 1٬541
 

المبكبكه الليبيه باللحمه ولا اطيب ملكة زاكي

المبكبكه الليبيه باللحمه ولا اطيب ملكة زاكي

المبكبكه الليبيه باللحمه ولا اطيب ملكة زاكي

المبكبكه الليبيه باللحمه ولا اطيب ملكة زاكي, معكم صديقة زاكي الشيف الموهوبة ,

المقادير

  • كيلو لحمه شقف متوسطه
  • معكرونه حسب أفراد العائله
  • بندورة معصوره ومصفيه
  • صلصه بندورة حسب الرغبه
  • حبة بصل كبيره مقطعه مكعبات
  • فنجان زيت صغير
  • فلفل حار حسب الرغبه
  • ملح
  • فلفل اسود
  • بهارات مشكله
  • ملعقة بابريكا
  • ملعقة شطه حسب الرغبه
  • رشة ورق غار مطحون

الخطوات

بسم الله الرحمان الرحيم

السلام عليكم ورحمة الله وبركاته

صدقاتي الغاليات يسعد اوقاتكم بكل خير واتمنى ان تكونوا جميعا بالف خير….اشتقتلكم وما بستغني عنكم ابدا ربي يحفظكم جميعا

اليوم جبتلكم اكله ليبيه سهله وبسيطه كلنا بنعرفها لكن اسمها وشهرتها في ليبيا الحبيبه لفت انتباهي وحبيت اعملها وانزلها حبا في هذا البلد العربي الأصيل ربنا يحفظه وينصره هو وجميع دولنالعربيه

المبكبكه الليبيه..تعالو نشوف طريقة تحضيرها

اول شي بنحضر كل المواد لسهولة العمل

بطنجره على النار بضع فنجان زيت بتركه يسخن وبضيفله قطع اللحم او الدجاج حسب رغبتك وبشوحها على نار عاليه حتى تاخذ صدمه وتحمر شوي مع التحريك المستمر وبنزل البصل المفروم عليها او العكس اذا بتحبي البصل قبل بصيروبقلب جيدا حتى يتذبل البصل وبضيف البهارات مع التحريك يا سلام وتعالو شمو الريحه ما اطيبها طبعا بكون محضره البندوره المعصور ومصفيه مزبوط مع معلقه او معلقتين صلصه البندوره حسب ذوقك واتركيها تستوي على راحتها مع المراقبه اثنا الطبخ انا هون حطيتها بطنجرة الضغط اخذت حوالي ٢٥

دقيقه وبعدين ضفتلها الملح وماء ساخن وبعد ما غليت ضفت المعكرونه طبعا المعكرونه اي نوع بتحبيه والكمية حسب أفراد العائله

وبتتركيها حتى تنضج واهم شي تحافظي على المعكرونه ما تستوي زياده حتى ما تتكسر وتخبص

وهذي الاكله اصلا حار ه وانت الك الخيار لكن تقدم ساخنه ولا أطيب منها والف صحه وهنا

استودعتكم لله يا احلى واجمل خوات وصديقات

48 تعليقات
  1. 💖القلب المطمئن💖 :

    ما شاء الله يسلموو ايديكي انا بحبها هي لاكله

    1. ام علاء ابو يحيى :

      تحبك جنان الرحمان ويمتعك بثمارها ونعيمها ويجعلك من اهلها

  2. غير معروف :

    💫
    والله شكلها زاكية
    ونفسك بالأكل بجنن تبارك الرحمن 👍
    عنجد بحس اكلك كتير طيب.
    اليوم جربت طريقتك للبقسماط 🌹
    كنت مستعجلة بدي وصفة للبقسماط وضربت عيني على وصفة وطلعت وصفتك مباشرة جربتها بدون اي تردد
    وما دورت على غيرها.
    ريحتيني الله يريحك😙😙

    1. ام علاء ابو يحيى :

      هلا حبيبتي الله يبارك بعمرك ويكرمك ويطيب ايامك براحة البال

    2. ام علاء ابو يحيى :

      بالنسبه للبقسمات بجمع الخبز وبنشفه وبحمره بالفرن وبدقه شوي وبطحنه اقتصادي وموفر وأفضل مانلقيه على الطرقات ومن باب المحافظه على نعم الله
      وبتقدري تحمري الخبز القديم وتعملي منه أي فته بحبها اطفالك بطلع روووووعه…

    3. غير معروف :

      💫
      اكيد لازم نحافظ على النعم عشان تدوم
      الله يكرمك ويجعله بميزان حسناتك.
      وصفاتك ثقة بالنسبة إلي 😍😙😙

  3. ام حمزه :

    ماشاء الله عليكي يسلمو ايديكي حبيبتي صحتين وعافيه

    1. ام علاء ابو يحيى :

      هلا ام حمزه أكرمك الله حبيبتي

  4. هيام :

    صحتين وعافيه انشالله

    1. ام علاء ابو يحيى :

      على قلبك حبيبتي ربي يسعدك

  5. أية 🌹 :

    يسلم دياتك وصحى وهنا يا رب نورتي أم علاء الغاليه كيفك شو أخبارك

    1. ام علاء ابو يحيى :

      هلا حبيبتي ايه الله يكرمك وينور ايامك بالخير والبركه يا اميره

  6. ماما عايدة المغربية :

    تبارك الله عليك كتشهي 😍بصحتكم و راحتكم

    1. ام علاء ابو يحيى :

      الله يسعد قلبك حبيبتي كيفك وكيف صحتك اشتقنالك

    2. ماما عايدة المغربية :

      ربي يحفظك احبيبة انا الحمد لله بخير حتى انا توحشتكم شغلني عليكم السفر ان شاء الله يرجعو اولادي لشغلهم و ارجع انا للمشاركة في زاكي ♥️🌹

    3. ام علاء ابو يحيى :

      ربي يحفلك اولادك ويسعدهم

    4. ماما عايدة المغربية :

      الله يحفظك ليا احبيبة ديالي الله يخلي لك كل حبابك يارب ❤️❤️

  7. ريحانة🌿 :

    وعليكم السلام ورحمة الله وبركاته
    ربي يسلم دياتك ويعطيكِ العافية غاليتي🌹

    1. ام علاء ابو يحيى :

      ربي يعافي قلبك يا غاليه ويسعدك
      نورتي الوصفه

  8. 🍒أم محمّد🍒 :

    بتشهههي يسلم دياااتك يا رب وصحه وعافيه

    1. ام علاء ابو يحيى :

      الله يسلم عمرك حبيبتي ام محمد منوره زاكي برجعتك

    2. 🍒أم محمّد🍒 :

      النور نورك الله يسعدك ويسر بالك يا رب

  9. nawal :

    منضرها بيشهي الله يعطيك العافيه 😍 يسلمو هالديات صحة وهنا

    1. ام علاء ابو يحيى :

      على قلبك حبيبتي تسلميلي يا رب

  10. رذاذ المطر 💦💦 :

    ما شاء الله عليك أم علاء وعلى طبخاتك مبدعه دائمه وملفك مرجع الي اذا احتجت اشي ان شاء الله في ميزان حسناتك
    كيفك وشو اخبارك

    1. ام علاء ابو يحيى :

      هلا بالورده كيفك حبيبتي
      ربي يسعدك ويكرمك كلك زوق
      بتنوري الملف بزيارتك يا غاليه
      ربي يسمع منك ويكتبلنا الأجر والثواب

  11. رؤى الديري❤️ :

    بسم الله ما شاء الله عنك خالتو ام علاء اشتقتلك واشتقت لطبخاتك الزاكيه يا غاليه ما شاء الله دائما متألقه 💕💕💕
    بتشهييي يعطيكي الف الف عافيه ❤️❤️

    1. ام علاء ابو يحيى :

      يا مرحبا يا مرحبا رؤى هون نورتي زاكي وأهل زاكي حيالله الغاليه كيفك حبيبتي طمنيني عنك وكيف التوجيهي معك كلك زوق حبيبتي دايما مزوقه في انتقاء عباراتك سلامي لام زكي الغاليه ربي يحفظها

    2. رؤى الديري❤️ :

      الله يسعدك الحمدلله ربي يحفظك يا غاليه كيفك انتي شو اخبارك💕💕
      الله يسلمك ماما بتسلم عليكي كتير السلام💚
      الحمدلله خلصت توجيهي ونجحت

    3. ام علاء ابو يحيى :

      الحمد لله حبيبتي عقبال الشهاده العليا في الدنيا والاخره
      الله يسلمها ام زكي ويسعد قلبها

  12. نسرين بارافي :

    وعليكم السلام ورحمة الله وبركاته تسلم اناملك المعدلة ألف صحة وهنا اشتقنالك من غير شر نورتينا

    1. ام علاء ابو يحيى :

      هلا بنسرين تسلمي حبيبتي تشتاقلك الجنه ربي يكرمك ويسعد قلبك

  13. كريمة جزائرية :

    بصحتكم يعطيك الصحة حنا هاذي نڨولولها مقرونة

    1. ام علاء ابو يحيى :

      الله يعافي قلبك حبيبتي كريمه ويسعدك
      في كل بلد الها اسم سبحان الله

  14. ام جنى :

    ياعيني مبكبكه تهبل عطيك الصحه خالتي ام علاء
    احبك الله الذي احببتينا فيه

    1. ام علاء ابو يحيى :

      الله يعافي عمرك حبيبتي ام جنى تسلمي

  15. ام ملك.... :

    حبيبتي ام علاء
    يسلمو ايديكي يا قلبي 💖
    الف صحة وعافية

    1. ام علاء ابو يحيى :

      ربنا يكرمك تسلمي حبيبتي ام ملك

  16. غسق :

    يسلموا ايديك قربتي منها المكرونه المبكبكة

    1. ام علاء ابو يحيى :

      تسلمي حبيبتي
      هاي المبكبكه بعينها طبق الاصل

  17. om hasn :

    هلا وغلا بأم علاء ووصفاتها المميزة تسلم الايادي يا غالية ريتو الف هنا وعافية ع قلبكم يا قلبي 💖💖💖

    1. ام علاء ابو يحيى :

      هلا بالغاليه ام حسن منوره زاكي بوصفاتك الطيبه
      ربي يسعد قلبك ويكرمك حبيبتي كلك زوق

  18. القدس عربية :

    يسلمو ايديكي ويعطيكي ألف عافية خالتو ام علاء ابدعتي ما شاء الله

  19. القدس عربية :

    خالتو ام علاء بدي اسألك في الك منشور ع الفيس على صفحة تعليم صنع الكيك والحلويات والطبخ
    موجودة هاي الاكله وبنفس الصور والشرح للوصفه باسم محمد رشاد
    اتأكدي منها خالتو لانه انا شفت الصور نفسها وكاتب عليها اسم محمد رشاد حتى نفس الشرح للوصفه

    1. القدس عربية :

      سارقها منك 😱🤦‍♀️

  20. ام علاء ابو يحيى :

    اه والله حبيبتي ام نبيل شفتها وماخذ وصفات كثير وكاتب اسمه عليهم الله يهديه ويهدي الجميع
    بنتي حكتلهم هاي الوصفه مسروقه على طول شطبوا تعليقها وطلعوها من القروب انضمت عشان اتعلق طالما احنا بهاي العقليه صعب ننتصر على عدونا

    1. القدس عربية :

      ما اوقحهم 😱😢
      خالتو ام علاء انتي صيري اكتبي على كل صورة اسمك وهيك ما بقدروا يمسحوه او يسرقو الوصفه

    2. ام علاء ابو يحيى :

      ان شاء الله حبيبتي انا بنزل وصفاتي لحد يستفيد منها ان شاء الله حتى هم لو نزلوها وعمت الفائده والناس استفادت منها مش غلط بس اسلوبهم غير صحيح

اترك رد

لن يتم نشر عنوان بريدك الإلكتروني.