سينابون بعجينة العشر دقائق ولا اروع ملكة زاكي 2

34 987
 

سينابون بعجينة العشر دقائق ولا اروع ملكة زاكي 2

سينابون بعجينة العشر دقائق ولا اروع #ملكة_زاكي2

سينابون بعجينة العشر دقائق ولا اروع ملكة زاكي 2

سينابون بعجينة العشر دقائق ولا اروع #ملكة_زاكي2, معكم صديقة زاكي الشيف الموهوبة ,

المقادير

  • بالنسبه للعجين: ٥ كوب طحين
  • ملعقتين سكر
  • كاستين ماء دافئ
  • ملعقتين كبار ممسوحات خميره
  • نصف فنجان زيت نباتي
  • ٣ ملاعق كبار حليب بودره
  • ملعقه صغيره باكينغ باودر(لختياري)
  • ربع ملعقه صغيره ملح
  • لحشو السينابون: ملعقه كبيره قرفه
  • ملعقه كبيره كاكاو
  • ملعقه كبيره لملعقتين سكر خشن
  • اصبع زبده ١٠٠ غرام

الخطوات

السلام عليكم كيفكم جميعًا طمنوني عنكم ان شاء الله اموركم تمام اشتقتلكم كتير ربي يسعدكم وتضلوا بخير على طول

وهلا بدنا نبلش بالوصفه ونقول بسم الله

اول اشي بالنسبه للعجين انا عملت عجينة العشر دقائق اسهل طريقة عجينه وبنفس الوقت كتير زاكيه

اول اشي في وعاء بنحط كاستين طحين وملعقتين السكر وملعقين الخميره وكوبين الماء الدافئ وبنخلط المكونات منيح لحتى نحصل على خليط بشبه خليط الكيك تقريباوبنترك الخليط في منطقة دافيه عشر دقائق وبعدها بنضيف ٣ اكواب الطحين وملعقة الباكينغ باودر والحليب والزيت النباتي ونعجن لحتى نحصل على عجينه وبعدها بتركها ترتاح ٥ دقائق وبنلش اشتغل فيها…

ع جنب بنحط بصحن سكر وقرفه وكاكاو وبنخلطهم…

بنفرد العجينه بحيث يكون شكلها مستطيل او مربع عشان يطلع شكلهم مرتب وما يطلع زوائد وبنفرد عليها الزبده بحرارة الغرفه بشكل متساوي وبعدها بنحط خليط القرفه اللي عملناه كمان بنوزعه بشكل متساوي فوق الزبده وبنبلش نلف العجينه ع شكل رول زي ما بنلف السجاده هههههه وبعدها ببلش اقطعها بشكل متساوي…

بالنسبة للتقطيع انا ما بحب اقطعها بالسكين بطلع فيها زوائد واذا العجينه طريه بتخبص بعيد عنكم لهيك بجيب خيط عادي وبدخل الخيط من تحت الرول وبمسك الخيط من الجهتين وبلفهم عكس بعض وبقسم وهيك لتخلص الرول كامله …

وبعدها بدهن الصينيه او البايركس بالزبده وبصف السينابون جنب بعض وبحطها بالفرن ع درجة ١٨٠ بالرف الوسط تقريبا نص ساعه وبس تستوي وتاخد لون من تحت بشويها من فوق

واخر اشي بزينها بالحليب المكثف والشوكولاته وصحتين والف هنا

بنصحكم تجربوها وان شاء الله تكون عجبتكم

حاولت اصور كل الخطوات بس انعجقت وما لحقت لاني كنت اعملها ببيت اخوي بس حاولت اوضحلكم كل اشي

بالمناسبه فتحت قناة عاليوتيوب حطيت صورتها تحت لسا اول فيديو لالي عليها لقدام ان شاء الله رح انزل فيديوهات اكتر وبجوده اعلى ان شاء الله بستنى دعمكم حبيبات قلبي

ومع السلامه

34 تعليقات
  1. سماهر :

    زاكي منظرهن بشهي و بالنسبه لقناتك بالتوفيق ان شاء الله

    1. رؤى الديري فلسطينيه❤️ :

      حبيبتي ربي يسعدك كلك زوء ❤️

  2. نسرين بارافي :

    موفقة يارب تسلم ايدك ياعسل

    1. رؤى الديري فلسطينيه❤️ :

      وايديكِ يعمري ربي يسعدك كلك زووء❤️

  3. ام زكريا :

    تسلم ايدك دخلت على اليوتيوب بحثت عن قناتك لم اجدها

    1. رؤى الديري فلسطينيه❤️ :

      وايديكي ربي يسعدك❤️❤️
      هي عنوان الفيديو حبيبتي https://youtu.be/HNOAacZahw8

  4. ام ملك.... :

    يسلمو ايديكي حبيبتي

    1. رؤى الديري فلسطينيه❤️ :

      وايديكي حبيبتي ام ملك💕

  5. 🌷❤ غزل ❤🌷 :

    يسلمو ايديكي صحه وهنا 🌷

    1. رؤى الديري فلسطينيه❤️ :

      وايديكي❤️
      على قلبك حبيبتي غزل ربي يسعدك😘

  6. هيام :

    صحتين وعافيه انشالله

    1. رؤى الديري فلسطينيه❤️ :

      على قلبك حبيبتي هيام ربي يسعدك❤️

  7. بلبله :

    صحه وعافيه
    بالتوفيق

    1. رؤى الديري فلسطينيه❤️ :

      ع قلبك حبيبتي بلبله ربي يسعدك😘❤️

  8. سوزان :

    يسلموو ايدكي رؤى

    1. رؤى الديري فلسطينيه❤️ :

      وايديكي حبيبتي سوزان ربي يسعدك😍❤️❤️

  9. سوزان :

    مبروك القناه ان شاء الله توصلي لمليون

    1. رؤى الديري فلسطينيه❤️ :

      الله يبارك بعمرك ❤️
      ان شاء الله ياااارب😘❤️❤️

  10. ام أحمد :

    ماشاء الله شكله يشهي

    1. رؤى الديري فلسطينيه❤️ :

      حبيبتي ام احمد الله يسعدك كلك زوء😘

  11. ام علاء ابو يحيى :

    تسلم الأيادي إبداع بالنسبه لعمرك وسنك يا رؤى الف صحه وهنا ربنا يكرمك ويسعدك

    1. رؤى الديري فلسطينيه❤️ :

      نوووورت والله بأحلى خالتو ام علاء❤️😍
      وايديكي يا رب على قلبك يا غاليه الله يسعدك ويحفظك🌹🌹💕

  12. فوفه🥀🥀 :

    وعليكم السلام ورحمة الله.. صحتين وعافية.. مباركه القناه

    1. رؤى الديري فلسطينيه❤️ :

      نورت والله بام علي💕💕
      على قلبك ربي يسعدك🌹
      الله يبارك فيك حبيبتي

  13. joudi :

    ما شالله تبارك الله شكلها بشهي
    ومبارك القناة
    الله يوفقك
    بوجهي ع اليوتيوب 🏃‍♀️🏃‍♀️🏃‍♀️

    1. رؤى الديري فلسطينيه❤️ :

      حبيبتي جودي يسعدلي قلبك يااا قمر😍❤️❤️
      اهلا وسهلا بتنوريني😘🌹🌹

  14. joudi :

    ارسلي رابط القناة لأنو ما طلعت القناة

    1. رؤى الديري فلسطينيه❤️ :
    2. رؤى الديري فلسطينيه❤️ :

      وهي رابط الفيديو
      https://youtu.be/HNOAacZahw8

  15. القدس عربية :

    أم نبيل
    يممممممميي يعيشوا هالايدين رؤى ويعطيكي العافيه زاااكي كتيييير

    1. رؤى الديري فلسطينيه❤️ :

      الله يعافي قلبك ويسعدك حبيبتي كلك زوووء😘❤️❤️

  16. 🦋ام سليم 🦋 :

    تبارك الرحمن ما شاء الله عليكي
    منظر لا يقااااوم 😍 😍

    1. رؤى الديري فلسطينيه❤️ :

      حبيبتي ربي يسعدك ويحفظك ام سليم كلك زوء يا قلبي😘🌹🌹

  17. nawal :

    يسلمو ايدك مبروك القناة بالتوفيق ان شالله

اترك رد

لن يتم نشر عنوان بريدك الإلكتروني.