تشيز كيك ملكة زاكي 2

16 2٬145
 

تشيز كيك ملكة زاكي 2

تشيز كيك ملكة زاكي 2

تشيز كيك ملكة زاكي 2

تشيز كيك ملكة زاكي 2, معكم صديقة زاكي الشيف الموهوبة ,

المقادير

  • 250 غم بسكوت قمح
  • ملعقة كبيرة سكر
  • 100 غم زبدة
  • 400 غم جبنة كريمية غير مملحة
  • نص كاسة سكر
  • 200 غم زبادي
  • نص كاسة قشطة او كريمة
  • حبتين بيض عليهم رشة ملح و ملعقة صغيرة فانيلا سائلة
  • ملعقتين كبار نشا منخل

الخطوات

كل مكونات بحرارة الغرفة

بتغلفي القالب بطبقتين قصدير كتير منيح حتى مايدخله مية

بتطحني البسكوت قمح عليه السكر وبتضفيله ال زبدة وبترصيه بالقالب و بتدخليه الفرن خمس دقايق بعدها بتتركيه يبرد او بالتلاجة نص ساعة

بتخفقي على سرعة هادية الجبنة الكريمية

بتضفي السكر مع الخفق

بتضفي الزبادي القشطة او الكريمة مع التقليب

بالتدريج بتضيفي البيض

بتضيفي نشا منخل

بتسكبيه على البسكوت و بتمرري عود خشب على الخليط

بالفرن بتحطي القالب جوا صينية فيها مية بحرارة الغرفة تغطي نص القالب و كل ما نقصت بتزيدي

درجة 180 من الوسط

بدها تقريباً ساعة بتكون الأطراف متماسكة من النص متماسك لو حركتي القالب بهز من النص

بس تستوي بتطفي الفرن و بتفتحي بابه شوي حتى تبرد

بتدخليها التلاجة لمدة ليلة كاملة

للتزين غناش شوكولاتة كمية متساوية من الشوكولاتة مذوبة مع كريمة سائلة بدون ما يغلي

عرض التعليقات (16)