كنافه ملوكيه ملكه زاكي ٢

35 755
 

كنافه ملوكيه ملكه زاكي ٢

كنافه ملوكيه 😋😋 ملكه زاكي ٢

كنافه ملوكيه ملكه زاكي ٢

كنافه ملوكيه  ملكه زاكي ٢, معكم صديقة زاكي الشيف الموهوبة ,

المقادير

  • كيلو عجينه كنافه جاهزه
  • كاسه سمنه بحراره الغرفه
  • نص كاسه سكر بودره
  • جبنه بلديه منقوعه ومصفيه من الملح
  • مقادير القشطه المنزليه :
  • كاستين حليب
  • نص كاسه سكر
  • ٤ معالق نشا
  • معلقتين سميد
  • علبه قشطه جاهزه
  • فانيلا معلقه او ماء ورد حسب الرغبه
  • للتزين:
  • مكسرات مجروشه او فستق حلبي
  • للقطر:
  • كاستين سكر
  • كاسه ماء
  • عصره نص ليمونه

الخطوات

السلام عليكم حبايباتي

هلا الجو شغل كنافه سخنه يا سلااام

ممكن نعملها بالجبنه البلديه او القشطه المنزليه

والثنتين اطيب من بعض طبعا بنصحكم تجربوها سريعا

اول اشي بنفرك عجينه الكنافه وبنفرمها شبه خشنه

وبنضيفلها نص كاسه سمنه نوع جيد ويفضل بطعم السمن البلدي مع نص كاسه سكر بودره وبنفركهم جيدا ليتجانسو

بنحط بالصنيه المتوسطه نص كاسه السمنه وبندهن الصنيه فيها كثير منيح للتوزع السمنه

بنفرش عجينه الكنافه بالصنيه بشكل متساوي وبنحاول ما تكون لا سميكه كثير ولا رقيقه

بنوزع الجبنه ع وجه الكنافه بالتساوي بعد ما تكون صفيت منيح من المي

واذا بدنا نعملها بالقشطه بنحط مقادير القشطه كلها سوا وبنخلطها ع البارد وبننقلها ع الغاز عنار هاديه لتغلي وتتماسك

السميد اله دور كبير بتماسك القشطه بشكل رهيب ما تستغني عنه ابدا وما بتفرق اذا خشن او ناعم بس بعطي قوام للقشطه بجنن

وبس تغلي القشطه وتتماسك بنضيفلها باكيت قشطه جاهز وبنخلطهم منيح وبنضيفهم ع عجينه الكنافه

بدنا تكون كميه القشطه لا سميكه كثير ولا رقيقه برضه وبنحاول ما توصل للاطراف

وبنرش باقي عجينه الكنافه فوق القشطه او الجبنه بكميه قليله مو سميكه بس تغطي وجه القشطه او الجبنه

وبندخلها الفرن ع درجه حراره ٢٥٠ ليتحمرو اطرافها مع لف الصنيه كل ٥ دقايق

بس تتحمر الاطراف وتاخذ لون ذهبي بنحطها تحت الشوايه اكم دقيقه مع الانتباه الشديد لانها بتتحمر سريعا

واقلبيها بصدر او جاط اكبر من الصنيه شوي

وبنوزع القطر عليها

القطر لازم يكون دافي لا بارد كثير ولا سخن كثير

اعمليه قبل تحمري الكنافه

وهيك صارت جاهزه كنافتنا

تماسك وشكل وطعم وقرشه ولا اروع

ما تنسي تزينيها بالمكسرات او الفستق الحلبي

وصحتين والف عافيه

بحبكم كلكم

35 تعليقات
  1. 🦋ام سليم 🦋 :

    وعليكم السلام ورحمة الله وبركاته
    اول ما شفت الكنافة قلت هاد شغل تؤم روحي 🤗
    روعااااااتك يا عسل تسلم الأيادي وان شاء الله صحتين وهنا يارب 😘 😘

    1. بلبله :

      ههههههه حبي توئم قلبي
      يعني ما بعثتلك الصوره من قبل 🤣🤣🤣
      يسلملي انا حبيبه القلب 🥰

    2. 🦋ام سليم 🦋 :

      هههههههه طبعاً اول من شاف هالمنظر الزيز
      حبيبت قلبي 😘

  2. رزان :

    ما شاء الله منظرها بشهى الف صحه وهنا

    1. بلبله :

      يسعدك رزون
      ع قلبك يا رب 🌹

  3. ام حمزه :

    ماشاء الله يعطيكي العافيه حبيبتي ابدعتي الف صحه وهنا عليكم يارب

    1. بلبله :

      وع قلبك ام حمزه الغاليه 🌷🌷

  4. فوفه🥀🥀 :

    تسلم اديها المعدله بلبل حيرران… صحتين وهنا

    1. بلبله :

      ودياتك فوفه الملفوفه 😅😅
      حبيبه قلبي يزم 🥰

  5. هيام :

    ماشاءالله ألف صحه وهنا

    1. بلبله :

      ع قلبك يا قلبي ⚘⚘

  6. أية 🌹 :

    يسلم دياتك ما شاء الله فنانة ياريتو صحة وهنا بتشهي

    1. بلبله :

      ع قلبك ايوشتي 🌹

  7. القدس عربية :

    أم نبيل
    ما شاء الله عنك روووووووعه شغلك يعيشوا هالايدين ويعطيكي ألف عافية

    1. بلبله :

      تعيشي هنيه ام نبيل
      يسعد قلبك 🥰

  8. ام ملك.... :

    ما شاء الله عليكي
    يسلمو ايديكي يا قلبي 💖
    والله شهيتيني عليها

    1. بلبله :

      ودياتك ام ملك يسعدك يا ورده 🌹

  9. ربداويه :

    الله يسلم اديكي يارب ع هالكنافه الخرافيه والله
    صحتين وهنا ياقلبي 😍 مبدعه كالعاده 😍

    1. بلبله :

      قلبي واك انتي
      تسلملي عيونك 🥰🥰

  10. اميرهא :

    يا عيني بتشهي يسلمو ايديكي

    1. بلبله :

      تسلمي من كل شر 🌷

  11. سلوى :

    ما شاء الله بتشهي تسلم ايديكي

    1. بلبله :

      ودياتك سلوتي 😘😘

  12. ❤ام محمد❤ :

    ماشاءالله عنك وعن الكنافة الشهية
    صحتين والف هنا

    1. بلبله :

      ع قلبك ام محمد ربي يحفظك هاد من زووئك 🥰🥰

  13. 🌷❤ غزل ❤🌷 :

    يسلمو ايديكي بتشهيييي

    1. بلبله :

      ودياتك غزولتي الحلوه 🥰

  14. رؤى الديري فلسطينيه❤️ :

    يسلمووو هالايدين يااارب روووعه منظرها كتير زاكيه صحتين وعافيه💚💚

    1. بلبله :

      ودياتك عزيزتي
      تسلمي 🌷🌷

  15. nawal :

    ماشالله بتشهي الله يعطيكي العافية صحة وهنا

    1. بلبله :

      ع قلبك حبيبتي 🌹🌹

  16. ماما عايدة المغربية :

    الله يعطيك الصحة أحبيبة

    1. بلبله :

      يعافي عمك ماما عايده
      تسلميلي

  17. ريحانة🌿 :

    وَعَلَيْكُمُ السَّلَامْ وَرَحْمَةُ اللهِ وَبَرَكاتُهُ‎
    شهية ولذيذة
    تسلم إيدك حبيبتي🌹

    1. بلبله :

      تسلميلي يا قلبي 😘

اترك رد

لن يتم نشر عنوان بريدك الإلكتروني.