عش البلبل الحلبي بالدجاج و اللحم ملكة زاكي ٢

13 548
 

عش البلبل الحلبي بالدجاج واللحم ملكة زاكي ٢

عش البلبل الحلبي بالدجاج واللحم ملكة زاكي ٢

عش البلبل الحلبي بالدجاج واللحم ملكة زاكي ٢

عش البلبل الحلبي بالدجاج واللحم ملكة زاكي ٢, معكم صديقة زاكي الشيف الموهوبة ,

المقادير

  • مقادير العجينة
  • اربع اكواب طحين
  • كأس ونص ماء
  • ربع كوب زيت
  • ملعقة صغيرة ملح
  • ربع ملعقه صغيره كربونات الصوديوم
  • مقادير الدهن للتوريق
  • ٢٠٠ غرام زبدة
  • ١٠٠ غرام سمنة
  • مقادير خلطة اللحمة
  • ٢٠٠ غرام لحم مفروم ناعم
  • ثلاث حبات بندورة صغيرة مفرومة ناعم
  • ملعقة صغيرة ملح
  • ملعقة كبيرة دبس فليفلة
  • نص ملعقة فلفل اسود مطحون
  • ملعقة كبيرة دبس رمان
  • بقدونس ونعناع مفرومين ناعم
  • خلطة الدجاج ٣٠٠ غرام دجاج مفروم ناعم
  • حبتين بصل مفروم ناعم
  • نص كوب دبس رمان
  • ملعقة صغيرة ملح
  • نص ملعقة صغيرة فلفل اسود

الخطوات

السلام عليكم ورحمة الله وبركاته

يسعد اوقاتكم اليوم رح نعمل أكلة حلبية تقليدية تقدم بالمناسبات والافراح ورح نعملها بالدجاج واللحم وان شالله تكون الطريقة سهلة اول مرحلة بنزل اربع اكواب طحين وبنضيف عليهن ملعقة صغيرة ملح وربع كوب زيت وربع ملعقة كربونات الصوديوم وبنضيف الماء وبنعجن اخذت معي العجينة كاس ونص حسب استيعاب العجين لحتا تصير عجينة طرية مابتلزق باليد ونتركها ترتاح نص ساعة اهم شي بنجاح التوريق للعجينة انو انريحها بكل مرحلة بعد ماترتاح العجينة بنلفها على شكل رول ونتركها ترتاح نص ساعة وبعدين بنقطعها ثلاث قطع على شكل دائري ونتركها ترتاح نص ساعة بواسطة شوبك بنرقها على شكل دائري وبندهن وجه الدائرة بالزبدة والسمنة يلي خلطناهن مع بعض حتا تورق العجينة بكمية وفيرة ونتركها ترتاح نص ساعة حسب ماتكون ارتاحت العجينة لانو إذا ماارتاحت العجينة مابتساعدنا بالمد بنبلش نمسك بأيد وبنشد برياحة وبالايد الثانية بنلف العجينة مثل طريقة توريق الشعبيات بالسمنة بنلفهن على شكل رول وبنتركهن يرتاحو نص ساعة بنقطعها قطع حسب الرغبة وبنحطن بالطينية وبنمد بأيدينا أو بالشوبك على شكل دوائر وبنحشين بالحشوات يلي حضرناهن مسبقا خلطة اللحمة مكونة من اللحمة ثلاث حبات بندورة مفرومة ناعم ونص ملعقة ثوم مهروس وملعقة صغيرة ملح ونص ملعقة فلفل مطحون وملعقة كبيرة دبس فليفلة وملعقة كبيرة دبس رمان وبقدونس ونعناع مفرومين ناعم وبنضيفن عالحمة وبنحركن مع بعض وخلطة الدجاج بيلزمنا الدجاج المفروم ناعم بنضيف عليه بصلتين مفرومين ناعم ونص كأس دبس رمان وملعقة ملح صغيرة ونص ملعقة فلفل اسود مطحون وبنحلطهن مع بعض وبنتركهن مدة ساعة تتشرب التوابل وبنحط بمصفاية لحتا نصفي ألمي منن ونبلش ندهن كرات العجين بالحشوات وبندخلهن فرن حامي مسبقا على درجة ٦ ميتين لحتا تتحمر من الاسفل بنحطها على الشبك الوسط بالفرن وبنحمر الوجه وهيك صارو جاهزين ويتمنى تعجبكم وصحة وهنا

13 تعليقات
  1. أية 🌹 :

    ما شاء الله تبارك الرحمن يسلم دياتك بتشهي أطيب اكله

  2. ام أحمد :

    ماشاء الله الله يعطيك العافيه

  3. هيام :

    تسلم اديك صحتين وهنا

  4. 🦋ام سليم 🦋 :

    وعليكم السلام ورحمة الله وبركاته
    ما شاء الله عليكي منظر خراااااافي صحه وعافيه يارب عليكم 💖💗

  5. سوزان :

    يسلمو ايدكي

  6. غير معروف :

    💫
    روعاااااتك ست نوال
    ريتو الف صحة على قلوبكم.
    وصفة من الاخر 👍👍👍

  7. ام جنى :

    روووعه الننظر تسلم ايديك

  8. omsalah :

    معلمة معلمة يعني الطريقة على اصولها ماشاءالله عليكي تسلم الايدين

  9. ام ملك.... :

    ما شاء الله
    يسلمو ايديكي حبيبتي 🥰
    ابدعتي

  10. القدس عربية :

    أم نبيل
    يسلمو هالايدين ويعطيكي ألف عافية

  11. اميرهא :

    يسلمو ايديكي نوال
    يعطيكي العافيه على الشرح المفصل
    بشهوو

  12. ريحانة🌿 :

    وَعَلَيْكُمُ السَّلَامْ وَرَحْمَةُ اللهِ وَبَرَكاتُهُ‎

    اللهم بارك
    الله يعطيكِ العافية يا معدلة🌹

  13. رذاذ المطر 💦💦 :

    ما شاء الله ابدعتي نوال

اترك رد

لن يتم نشر عنوان بريدك الإلكتروني.