شاتوه الفراولة ملكة زاكي ٢

38 870
 

شاتوه الفراولة ملكة زاكي ٢

شاتوه الفراولة ملكة زاكي ٢

شاتوه الفراولة ملكة زاكي ٢

شاتوه الفراولة ملكة زاكي ٢, معكم صديقة زاكي الشيف الموهوبة ,

المقادير

  • كوب وربع حليب
  • كوب سكر
  • كوب وربع زيت
  • باكيت جلي فراولة او توت
  • ٢ م ك بيكنج بودر
  • ٣ بيض بحرارة الغرفة
  • ٢ كوب طحين
  • لتبطين القالب:
  • ٢ م ك زيت
  • ٢ م ك طحين

الخطوات

السلام عليكم ورحمه الله ..كيفكم صبايا زاكي الرائعات ..ان شاء الله تكونو كلكم بخير …حبيت ارجع انشر وصفات بزاكي بما انو الحمدلله وضع البوبو صار اروق واخف وكبر والحمدلله … وفكرت اشترك بالمسابقه بما انو الي زمان ع الصامت

لهيك تعالوو احكولي رايكم بهاي الكيكه الرائعه

ويلااااااااااااااا نبلش

نشعل الفرن ع درجه حراره ١٨٠ الرف الشبكي الاوسط

نخفق الزيت والسكر والحليب مع باكيت الجلي بالخلاط …. ناخد منهم مقدار كوب ونضعه ع جنب

ثم نضع البيض والفانيلا…ونخفق

نضع بجاط الطحين والبيكنج باودر ونخلط …ثم نضيف خليط الجلي …ونحرك سريع ..وع القالب المبطن ..وع الفرن لحد الاستواء ..اخدت معي ساعه الا ثلث

بس تستوي نصب الكوب يلي اخدناه ع جنب اول الخفق …ونضعه فوق الكيكه ..

وتزييين بالف هنا وعافيه ..ما احكيلكم الطعم والريحه خييياااالل تبارك الله

38 تعليقات
  1. ام أحمد :

    يسلمو دياتك

    1. اولادي سعادتي ( ام آدم) :

      يسلم قلبك حبيبتي ويسعدك

  2. هيام :

    صحه وهنا انشالله

    1. اولادي سعادتي ( ام آدم) :

      عقلبك حبيبتي ربي يكرمك

  3. رذاذ المطر 💦💦 :

    ما شاء الله ابدعتي ام آدم بالكيكه يسلم هاليدين وصحتين وهنا

    1. اولادي سعادتي ( ام آدم) :

      حبيبتي ام محمد من بعدك ياعمري يسلم قلبك

  4. ام امير :

    ميه اهلا وسهلا ام ادم نور زاكي زمان هالقمر مابان… يسلموو ايديكى عهالزاكى… شوو اخبارك كيف الصغار ياقلبي.. ليش مابتطلي عالجرووب

    1. اولادي سعادتي ( ام آدم) :

      ماي هارت وينك مختفيه …بعثتلك جيميل ولك ما رديتي. يمكن الخميس او الاربعا …بيسلموو عليكي وهم الحمدلله بالف خير وصحه ..والبوبو منيح ما شاء الله تبارك الله صار عمرو عشر شهور الحمد لله ،😍🥰

    2. اولادي سعادتي ( ام آدم) :

      والله يا صافي ما بفضا .خليها لربك ..في ايام بكون مواصله ليل بنهار مع الصغير ..وللكبار بالنهار 😔 الله يهديه ويكبر ويزبط نومو ..ان شاء الله ساعتها برجع احكي معكم مثل قبل

  5. بلبله :

    ست ام ادم نوووورتي
    كيفك ولك يا زعراء
    عاش من شاف حروفك
    جايه تنافسي ع المسابقه هاه 😡😡
    شيلي هالجاتو من قدامي قبل اوكله ها 😅😅
    طمنيني كيفو ابني يا مفتريه 😭😭

    1. اولادي سعادتي ( ام آدم) :

      هههههههههههههههههههههه هههههههههههههههههههههه فرطت 🤣🤣🤣 مجنونه ولي ..مشتاقيتلك ياروحي كيفك انتي شو اخبارك …انسسسحب 😆 بدك بنسحب 🙄 🤣🤣

      اكلناها اصلا خلصت هههههههههههه 🤣🤣🤣

    2. اولادي سعادتي ( ام آدم) :

      ابنك الحمدلله بخير وصحه متى ناوية تيجي توخديه 🤣🤣🤣 خلص عيب عليكو تعو خدو ابنكووو عنا 🤣🤣🤣

    3. بلبله :

      حبيب قلبي هالزغنون
      ربي يحفظه ويحميه
      وديلي اياه مع جت بكره خلص طول كثير عندكم 😅😅😅

    4. بلبله :

      انا الحمد لله بالف خير
      مشتاقيتلك جداااا
      مش عمله عملتيها بس 😭😭
      بعرف مش بايدك بس والله تركتي فرااااغ كبير
      ربي يفرجها علينا وعليكي

  6. maryamtii :

    يممممييي يسلم ايديكي يا اختي .. والله بتفتح النفس يعطيكي الف عافية 😍😍😍❤❤

    1. اولادي سعادتي ( ام آدم) :

      يسعد قلبك يختي. لااااااااااااااااااا وبتششششهي كيكه صيفيه بامتياز وبناتيه عقولة بروووو 🤣🤣🤣

  7. ام جنى :

    اهلين ام ادم نورتي زاكي الحمدلله ع سلامتك مبااارك البيبي
    تسلم ايدياتك شكلها روووعه

    1. اولادي سعادتي ( ام آدم) :

      يسعد قلبك ام جنى ربي يبارك بعمرك ياقلبي ويسلمك ويسعدك

      من بعدك حبيبتي تسلميلي 💓🥰

  8. ام ملك.... :

    ما شاء الله
    يسلمو ايديكي يا قلبي 💖
    شكلها بفتح النفس

    1. اولادي سعادتي ( ام آدم) :

      وايدك يا عسل انتي ربي يكرمك 🥰

  9. جنة الفردوس :

    هل أضع الجيلي في الماء الدافئ قبل خفقة

    1. اولادي سعادتي ( ام آدم) :

      لا حبيبتي ..بودرة مثل ما هو بشاف الخلاط مع باقي المواد المكتوبة بالوصفه

  10. أية 🌹 :

    السلام عليكم كيفك أم أدم شو اخبارك هاد أنت ولا ضو الأمر نورتي زاكي وجاية بوصفة خرافية شهيتيني افوت ع زاكي واكول جاتو 🌹☺️😅

    1. اولادي سعادتي ( ام آدم) :

      ايوووووش غلاتي كيفك حبيبتي شو اخبارك يالله شو مشتاقيتلك شو عاملة …. هههههههههههه تعي تعي وخصوصي وهي باردة بتجننننن طعمها جاتو المحلات 🥰😍

      ربي يسعد قلبك حبيبتي

    2. أية 🌹 :

      تسلميلي يا عسل والله وأنا مشتائتلك. ومشتائل لسبايا وللمه الحلوه إن شاء الله بنلتم مع بعض بل الفردوس الاعلى الجميع

    3. أية 🌹 :

      🤦 الأخطاء الاملائيه غير شكل

  11. القدس عربية :

    أم نبيل
    ما شاء الله عنك روووووووعه شغلك يعيشوا هالايدين
    ع المفضلة ورح اجربها 😋😋😋

    1. اولادي سعادتي ( ام آدم) :

      تسلمي يا قمر انتي .. ريتووو الف هنا وعافيه 💕 😍 .. جربيها وهاتي رايك 😍😍😍

  12. ام ايهم :

    نورت يختي اهلا وسهلا حبيبتي ام آدم

    1. اولادي سعادتي ( ام آدم) :

      يسعد قلبك حبيبتي ام ايهم من زووقكك يا عسل 🥰💕

  13. رزان :

    ما شاء الله عنك يا ام آدم والله كيكه بتشهى رح اجربها أن شاء الله بس سؤال هاي كريمه بيضه يلي بتزيين لانو عجبني منظرها وحابي اعرف لانو بدي اعملها متلك ..الف صحه وهنا

    1. اولادي سعادتي ( ام آدم) :

      حياتي اتشرف تجربيها يسعد قلبك ….الي ع الوجه صوص ابيض طعمووو بيجنننن ..تفضلي الطريقه ..تكرم عينك

      نص كوب سكر …نص كوب حليب بودرة. نص كوب ماء …م ص فانيلا ….بتضربيهم بالخلاط منيح لحتى يذوب السكر …وبعدين ضيفي من نص كوب الا ثلاث ارباع الكوب زيت …كل شوي ضيفي نتفه واخفقي ..لحتى توصلي للقوام المزبوط …لزينه الكيك بدو يكون ثقيل نوعا ما عشان تعرفي ترسمي فيه

      للدونات بدو يكون شوي رخو عشان تغمسي فيه …وطبعا هو بزبط للدونات والكريب والوافل والكيك والتريليشا و السينابون واي نوع حلوووو بدو تزيين 😍😍 بيشههههي رح تتفاجئي قديشو زاكي وشغل فيه حلوووو

      😘😘

    2. رزان :

      امم شكرا الك على رد والف صحه وهنا

  14. اميرهא :

    يا عيني بتشهي
    شو هالابداع 😋

  15. اميرهא :

    مش قادره اوصف الجمااال
    يلاا

  16. ريحانة🌿 :

    وَعَلَيْكُمُ السَّلَامْ وَرَحْمَةُ اللهِ وَبَرَكاتُهُ‎
    اللهم بارك .. روعة🌹

  17. خطيرة وجديدة جدا حقيقى تسلم ايدك هاجربها واكيد هاتكون جميلة

  18. سوزان :

    يسلمو ايدكي شكلها بفتح النفس

اترك رد

لن يتم نشر عنوان بريدك الإلكتروني.