اطيب معمول التمر مضمون مية المية ملكة زاكي 4

33 828
 

اطيب معمول التمر مضمون مية المية ملكة زاكي 4

اطيب معمول التمر مضمون 100%،ملكة زاكي 4

اطيب معمول التمر مضمون مية المية ملكة زاكي 4

اطيب معمول التمر مضمون 100%،ملكة زاكي 4, معكم صديقة زاكي الشيف الموهوبة ,

المقادير

  • كيلو سميد ناعم
  • ١ ك سمنة
  • ١/٢ ك زيت نباتي
  • ٤ م ك سكر
  • ٢ كيس بيكنج باودر،١/٤م ص خميرة فورية
  • ٢ م ك ماء ورد
  • رشة ملح
  • ١/٢م ص قرفة
  • ٣ م ك كلفة كعك
  • ١/٢م ص محلب مطحون
  • ١.٥ ك طحين
  • ١ ك حليب دافي
  • للحشو:
  • كيلو عجوة (تمر)
  • ٢ م ك سمنة
  • م ص كلفة كعك
  • م ص قرفة
  • ٢ م ك قطر او سكر مطحون(اختياري)

الخطوات

اليوم وصفتنا مش بوقتها بس حبيت اشارككم طريقتي بالمعمول الكل بيشكر بلذاذتها ويلا بينا علي الوصفة

بسم الله نبدأ،اول اشي بدنا ننقع السميد بالسمن والزيت الدافي لمدة يومين طبعا مع التقليب المستمر كل ساعة أو ساعتين لحتي تتفتح حبات السميد،بعدين بنبلش نبسهم مع الطحين كتير منيح،احنا عنا الكربالة(متل شبكة فيها فتحات صغيرة بنستخدها للمفتول)ببلش ابسه بالكربالة اكتر من مرة وبضيف عليه الملح والقرفة وكلفة الكعك والمحلب والباودر وبقلبهم ،بجهز الحليب الدافي وبضيف عليه السكر وماء الورد وربع ملعقة الخميرة وبذوبهم منيح وببلش ارشرش بالعجينة والمها لم مش عجن بس تخلص كل كمية الحليب بحاول أشكل قطعة اذا كانت متشققة بيكون بدها كمان حليب دافي قدر ربع كوب،بنتركها ترتاح وبنجهز الحشوة

بنعجن كيلو العجوة مع السمنة والقطر والمطيبات وبنشكل دوائر صغيرة حسب الحجم المطلوب

وبنبلش نحشي المعمول ونكبس بالمكبس،وعلي فرن محمي سابقا بنحمر الوجه وبعدين بنخبزها من تحت مابتاخد وقت والرسمة بتضل متل ماهي ،بطلع المعمول وبس يبرد بنرشه بالسكر المطحون او حسب الرغبة

يارب تعجبكم وصفتي،لاتنسوا اضافتها للمفضلة

والدعاء للغالي أبوي بالرحمة والمغفرة

بحبكم كتييير

33 تعليقات
  1. تبارك الله ماشاءالله كيشهيو ناقصهم فنجان قهوة 😍 و مشكورة على الشرح المفصل و المراحل

    1. الله يسعد قلبك يارب، نورتيني بتعليقك الحلو متلك ❤❤❤

  2. ام حمزه :

    ماشاء الله تبارك الرحمن شكلهم بشهي يسلمو ايديكي صحه والف عافيه عليكم

    1. الله يعافي قلبك حبيبتي ،نورتيني ❤❤❤

  3. بسم الله ماشاء الله تسلم ايدك وشكرا على شرحك بالتفصيل الوافى والف هنا ليكم

    1. الله يسعدك ويهنيكي يارب،نورتيني حبيبتي ❤❤❤

  4. سوزان :

    يسلموو ايدكي حبيبتي بشهيي المعمول كثير وخصوصي من تحت دياتك
    الله يعطيكي الف عافيه

    1. يخليلي اياكي ياقلبي ،اسعدتيني بتعليقك الحلو ❤❤❤

  5. Rzan :

    الله يعطيكي العافية منظرهم بشهى

    1. يعافي قلبك يارب ،نورتيني حبيبتي ❤❤❤

  6. هيام :

    ماشاءالله عنك تبارك الرحمان منظر بشهو الله يعطيك العافيه صحه وهنا

    1. يعافي قلبك حبيبتي، نورتيني بتعليقك ❤❤❤

  7. اميرهא :

    يسلمو ايديكي
    والف صحه ماشاءالله

    1. عقلبك يارب ،نورتيني حبيبتي ❤❤❤

  8. ام امير :

    الله ع المعمول واللي، عملت المعمول صحه وعافيه 😍😍

    1. يعافي قلبك وروحك يارب،ايوة هيك خلي وصفاتي تنور بتعليقك❤❤❤

  9. ام امير :

    الله يرحم والدك ويسكنه فسيح جناته

    1. آمين يارب العالمين ❤❤

  10. فوفه🥀🥀 :

    ياهلا. ام عبدالرحمن. الله يسلم اديك ع هالمعمول… زمان مااكلته

    اعملي ووديلي ياه. مع لين وعبدالرحمن

    الله يرحمه للوالد و َيغفرله ولجميع موتى المسلمين

    1. اللهم آمين يارب العالمين ❤
      ولو انت غالية علي ام علوش احلى صحن معمول لعيونك ،ربنا يجمعنا بالدنيا و بجنة الفردوس الأعلى مع من نحب
      نورتيني ياقلبي ❤❤❤

    2. فوفه🥀🥀 :

      آمين يارب

  11. ام ملك.... :

    الله يسلم هالايادي
    صحة وعافية 💖

    1. يعافي قلبك يارب، نورتيني حبيبتي ❤❤❤

  12. joudi :

    ايدك صحة وألف عافيه

    1. يعافي قلبك حبيبتي ام جودي، نورتيني ❤❤❤

  13. ام أحمد :

    بسم الله عليك يعطيك العافية

    1. الله يسعدك يارب، نورتيني حبيبتي ❤❤❤

  14. ام أحمد :

    المعمول من اكثر الحلويات اللي احبها

    1. طعمه زاكي ومابينشبع منه ،وبيسمن🥺🥺بس بنحبه 😋😋

  15. 🦋ام سليم 🦋 :

    شو هاد ام عبود الرحمة معمول مرة وحدة دمرتيني لا لازمني العنوان لحتى اوصلك
    منظر بشهي وبيفتح النفس يعطيكي العافيه يارب قد ما مشت الجاجه حافية 😁 😁

    1. ههههههه يسعدلي قلبك ام سليم ،نورتيني ياقلبي❤❤❤

  16. 🦋ام سليم 🦋 :

    الله يرحم والدك ويجعل مثواه الفردوس الأعلى من الجنة يارب

    1. اللهم آمين يارب العالمين ❤❤

اترك رد

لن يتم نشر عنوان بريدك الإلكتروني.