بسكويت القمع بنكهة البرتقال بدون سمنة أو زبدة ملكة زاكي 4

28 869
 

بسكويت القمع بنكهة البرتقال بدون سمنة أو زبدة ملكة زاكي 4

بسكويت القمع بنكهة البرتقال بدون سمنة أو زبدة ملكة زاكي 4

بسكويت القمع بنكهة البرتقال بدون سمنة أو زبدة ملكة زاكي 4

بسكويت القمع بنكهة البرتقال بدون سمنة أو زبدة ملكة زاكي 4, معكم صديقة زاكي الشيف الموهوبة ,

المقادير

  • كوب زيت
  • ثلاث بيضات حجم كبير
  • كوب سكر
  • ملعقة بشر البرتقال
  • ملعقة فانيلا
  • ملعقة كبيرة بيكنج بودر
  • نص كوب نشا
  • من ٢ إلى ثلاث اكواب طحين
  • نص ملعقة صغيرة خل

الخطوات

السلام عليكم ورحمة الله وبركاته

يسعد أوقاتكم بكل خير وسعاده اليوم رح نعمل بسكويت خفيف ومقرمش وممكن تعملو بأي نكهة بتحبوها انا عملتو بنكهة البرتقال ممكن اذا بتحبو تضيفو حليب بودرة لنكهة الحليب او جوز الهند أو بالكاكاو أو بالليمون النكهات متعددة والطعم ولااروع

اول مرحلة بخلاط الكوكتيل بنضيف البيض والسكر وبرش البرتقال وملعقة فانيلا وبنخفقن مع بعض لحتا نتأكد من ذوباب السكر تماما بنضيف كوب زيت وبنخلط لحتا يتجانسو المكونات مع بعضها بنزل الخليط بجاط ونبلش ننخل ملعقة البيكنج بودر مع نص كوب نشا ونص ملعقة صغيرة خل وبنزل كوب طحين وبنخلط المكونات مع بعض بواسطة السباتولا لحتا نتأكد من تجانس الطحين بدون اي تكتلات وبنزل الكوب الثاني وبنخلط وضروري كل ما نزل كوب طحين ننخلو وبس تجانس الخليط بضيف نص كوب طحين وبنخلط هون بنبلش نعجن باليد بنضيف نص الكوب الأخير ملعقة ملعقة لحتا نتوصل لقوام انو تتكور بأيدينا طبعا نعمل الاختبار باليد الثانية يلي ما بنعجن بيها الخليط بكون قوامو طري شوي عشان يسهل تشكيلو بالقمع بنتركو مدة خمس دقائق بنكون جهزنا الصواني مدهونة زيت او مفروشة ورق زبدة والمعدات وبنبلش مرحلة التشكيل بنعبي الخليط بكيس الحلواني وبنزل الخليط على شكل اصابع وبندهن أيدينا بالزيت وبنبرمها وبنلزق الأطراف على شكل كعكة طبعا لازم نتعامل مع العجينة بخفة لازم نبعد القطع عن بعضا لانو رح يتضاعف حجمها وبس نخلص الكمية بندخلها على فرن أقل من الوسط ١٦٠ من الاسفل بس تتحمر وتأخذ اللون الذهبي بنحمر الوجه وبس نطلعها من الفرن بنحاول نحركها بواسطة سكين وهنن سخنات بيسهل علينا تحريكن أكثر

وهيك صارو جاهزين وعنجد هذا النوع من البسكوت الهش والخفيف وطعم رائع ومقرمش ونكهاتو المتعددة بفصل الشتاء جربوه وادعولي

28 تعليقات
  1. غير معروف :

    💫
    تسلملي هالايدين المعدلة.
    بس اذا عملته بقالب البيتفور بيزبط ؟

    1. nawal :

      الله يسلمك انا ماعندي قالب البيتفور جربي بظن بيزبط

  2. تبارك الله عليك المنظر زوين بصحتكم

  3. ام جنى :

    يشبه الكعك الليبي يمممممم لذيذ تسلم ايدياتك

    1. ههه و حتى انا شبهتو بالكعك المغربي سبحان الله في الشكل و تقريبا نفس المكونات يوجد اختلاف بسيط فقط

  4. أية 🌹 :

    ما شاء الله شكلها بيشهي يسلم دياتك وصحة وهنا بس لو سمحتي بدي صورة القالب أو لشكلتي فيه البسكوت

  5. nawal :

    الله يسلمك آية ربي يسعدك هي صورة القالب

    1. أية 🌹 :

      يسلمو دياتك حبيبتي الله يرضى عليكي إن شاء الله لاقي منو شكراً الك

    2. nawal :

      بيزبط بكيس الحلواني مو شرط هذا القالب بس يكون القمع بنفس الشكل هذا يلي صورتو

  6. nawal :

    1. أنثر الليل🖤 :

      نفس يلي عندي يعطيكي العافية

  7. nawal :

  8. nawal :

    1. أية 🌹 :

      ما شاء الله إبداع صحة وهنا يا رب ويسلم دياتك

    2. تبارك الله ماشاء الله المنظر مغري 😍

  9. هيام :

    تسلم الايادي لمعدله ماشاءالله صحتين وعافبه

  10. زهوور⁦❣️⁩ :

    ما شاء الله مبدعة
    رح اعملو أن شاء الله

  11. 🦋ام سليم 🦋 :

    وعليكم السلام ورحمة الله وبركاته
    ما شاء الله عليكي فنانة كالعادة
    شيف محترفة اسم الله عليكي
    تسلم ايديكي حبيبتي وصحة وعافية يارب عليكم 💕 💕

  12. dody :

    تسلم إيدك

  13. ام ملك.... :

    ما شاء الله عليكي نوال
    شكلهم بشهي
    يسلمو ايديكي يا قلبي 💖

  14. joudi :

    ما شاء الله تبارك الله صحة وعافية

  15. القدس عربيه :

    أم نبيل
    ما شاء الله عنك مبدعه يعطيكي الف عافيه
    ع المفضلة رح أجربها لاولادي،😋

  16. أنثر الليل🖤 :

    يعطيك العافيه يارب أنا ليوم عملتا عنجد تحفه

  17. أنثر الليل🖤 :

    1. nawal :

      ماشالله تبارك الرحمن مبدعة يسلمو هالديات انشالله صحة وهنا يارب عنجد فرحتيني بتجربتك للوصفة

    2. أنثر الليل🖤 :

      تسلميلي يا قلبي يخليلي ألبك أنتي مبدعة يسلم دياتك ❤️❤️❤️♥️

    3. أنثر الليل🖤 :

      الله يفرح قلبك دائماً أن شاء الله ♥️❤️

  18. ام رامي :

    يسلموا ايديكي يا مبدعه

اترك رد

لن يتم نشر عنوان بريدك الإلكتروني.