اسهل واسرع واطيب كرات جوز الهند بمكونين فقط مع طريقة حليب المكثف المنزلي

13 1٬520
 

اسهل واسرع واطيب كرات جوز الهند بمكونين فقط مع طريقة حليب المكثف المنزلي

اسهل واسرع واطيب كرات جوز الهند بمكونين فقط مع طريقة حليب المكثف المنزلي

اسهل واسرع واطيب كرات جوز الهند بمكونين فقط مع طريقة حليب المكثف المنزلي

اسهل واسرع واطيب كرات جوز الهند بمكونين فقط مع طريقة حليب المكثف المنزلي, معكم صديقة زاكي الشيف الموهوبة ,

المقادير

  • ثلاث اكواب جوز الهند
  • ثلاث ارباع الكوب حليب مكثف
  • مقادير حليب المكثف
  • كوبين حليب بودرة
  • كوبين سكر
  • ملعقة زبدة
  • كوب ماء ساخن

الخطوات

السلام عليكم ورحمة الله وبركاته

يسعد اوقاتكم بكل خير اليوم رح نعمل اسرع حلا ممكن تعملي بدقائق معدودة اول مرحلة بنضيف ثلاث اكواب جوز الهند الافضل يكون ناعم وبنزل عليه حليب مكثف على دفعات وبنخلط واول ما نشوف تجمعت وصار متماسكة سهل تكوريها بنشكلها كرات وبنصفهن بصينية مفروش ورق زبدة وبندهن وجه الكرات بالسمنة وبندخلهن الفرن وبس يتحمرو بنطالعن وبنتركهن يبردو انا اول مرة عملت الكرات كثر عندي الحليب المكثف ساحو شوي بالفرن بس نفس الطعم

وهيك صارو جاهزين ورح اعطيكو طريقة حليب المكثف المنزلي بس حبيتو تعملو بنضيف كوبين حليب بودرة وكوبين سكر وملعقة كبيرة زبدة وبنضيف عليهن كوب ماء ساخن وبنخلطهن بالخلاط مدة خمس دقائق وبنزل الخليط بطنجرة وبنحطها عالنار هادية مع التحريك المستمر لحتا يغلي بنطفي وبنزل الخليط بوعاء يكون الو غطا بنتركو يبرد شوي وبنحطو بالثلاجة لحتا يبرد تماما وهيك صار جاهز اعذروني عالشرح الطويل اكيد مليتو مني بس بحب اشرحلكم كل الملاحظات لحتا تنجح الوصفة وان شالله صحة وهنا

13 تعليقات
  1. ام رامي :

    يسلموا ايديكي يا عسل
    إنتي لايمل منك وكل الي بتعمليه طيب كثير وجربت الك وصفات ماشاء الله في ميزان حسناتك حبيبتي

  2. هيام :

    ماشاءالله منظرهن بشهو تسلم دياتك

  3. ماما عايدة المغربية :

    تبارك الله عليك 😍 شهيتيني خاصة أنني من عشاق حلويات جوز الهند بصحتكم و راحتكم و مشكورة على الشرح المفصل بالعكس شرحك نتعلم منه جزاكي الله خيرا ♥️

  4. ام جنى :

    مبدعه دائما نوال صحتين

  5. فوفه🥀🥀 :

    وعليكم السلام.. تسلم الأيادي

  6. ام ملك.... :

    صحة وهنا ياقلبي
    يسلمو ايديكي 💖

  7. ام عمر :

    يسلمو ايديكي بشهو كتير 😘❤

  8. ام حمزه :

    ماشاء الله يعطيكي العافيه صحتين

  9. 🦋ام سليم 🦋 :

    وعليكم السلام ورحمة الله وبركاته
    يا ويل قلبي شي بياخد العقل تسلم الأيادي يا عسل منظرهم بشهي 😋

  10. اميرهא :

    ما شاء الله صحتين

  11. القدس عربيه :

    أم نبيل
    ما شاء الله عنك نوال دائماً متميزة ومبدعه
    حتى الوصفات البسيطة بتطلع معك بتجنننن
    يسلمو ايديكي ويعطيكي الف عافيه
    ان شاء الله رح أجربها
    ويسلمو ع شرحك بالعكس لا يمل

  12. ريحانة🌿 :

    وَعَلَيْكُمُ السَّلَامْ وَرَحْمَةُ اللهِ وَبَرَكاتُهُ‎
    لا يمل منك ولا من وصفاتك اللي زي العسل
    بارك الله لكِ وبارك عليكِ حبيبتي🌹

  13. Khawla :

    كثير طريقتك سهله وعنجد منظرهم بشهي يسلمو ايديك ابدعتي

اترك رد

لن يتم نشر عنوان بريدك الإلكتروني.