لحمة بالصينية مع الخضار ملكة زاكي4

23 801
 

لحمة بالصينية مع الخضار ملكة زاكي4

لحمة بالصينية مع الخضار ملكة زاكي4

لحمة بالصينية مع الخضار ملكة زاكي4

لحمة بالصينية مع الخضار ملكة زاكي4, معكم صديقة زاكي الشيف الموهوبة ,

المقادير

  • نصف كيلو لحم مفروم ناعم
  • 4 حبات بطاطا مقطعة دوائر
  • 6 حبات بندورة مقطعة دوائر
  • بقدونس مفروم
  • بصل مفروم
  • حبة فلفل أخضر مفروم
  • ملح حسب الرغبة
  • ملعقة فلفل أسود
  • ملعقة بابريكا
  • ملعقة كزبرة
  • ملعقة دبس البندورة
  • كأس ماء

الخطوات

السلام عليكم كيف حالكم أخواتي الغاليات

أشتقتلكم كتير كتير أن شاءالله تكونو ب أحسن حال

يلا نبدأ

بوعاء منضيف اللحم والبقدونس والبصل والفلفل الاخضر والفلفل والاسود والبابريكا والملح ومنخلطهم سوا ليتماسكو

بوعاء ثاني منضيف فوق البطاطا ملح وبابريكا وكزبرة

بصينية الفرن منرتب البطاطا المقطعة

وبعدها منشكل اللحم كرات مسطحة ومنرتبهم

وبعدها منرتب البندورة ومنرجع منعيد الترتيب ليتشكل معكن هالمنظر الحلو متل ماطلع بالصور واخر شي منزينها بشرائح الفلفل الاخضر

مندوب ملعقة دبس البندورة بكأسة الماء ومنسكبها فوقن وع الفرن النار من الأسفل والأعلى لمدة ساعه او اكتر حسب حرارة الفرن صحتين والف عافية ولاتنسوني من صالح دعائكم

23 تعليقات
  1. أية 🌹 :

    ما شاء الله عنك حبيبتي بتشهي صينية اللحمة يسلم دياتك وعنيكي وصحة وهنا على قلوبكم

    1. ❤ام محمد❤ :

      تسلميلي حبيبة قلبي الله يهني قلبك وبالك ❤

  2. ماما عايدة المغربية :

    الله يعطيك الصحة كتشهي 😋 بالتوفيق في المسابقة ان شاء الله ♥️

    1. ❤ام محمد❤ :

      تسلميلي ماما عايدة نورتيني بتعليقك الرائع😙

  3. اميرهא :

    بتشهي يسلمو ايديكي

    1. ❤ام محمد❤ :

      الله يسلمك ياعسل😙

  4. 🦋ام سليم 🦋 :

    وعليكم السلام ورحمة الله وبركاته
    ما شاء الله عليكي تبارك الرحمن
    أناقة وجمال وذوق بيفتح النفس يعطيكي الف عافيه يارب

    1. ❤ام محمد❤ :

      الله يعافي قلبك حبيبتي 😙

  5. ام ملك.... :

    ما شاء الله عليكي
    يسلمو ايديكي يا قلبي
    عبارة عن لوحة فنية ♥️

    1. ❤ام محمد❤ :

      الله يسلمك ويسعدك دنيا وأخرة نورتيني بتعليقك الحلو❤😙

  6. القدس عربيه :

    أم نبيل
    ما شاء الله عنك
    الصينيه بتفتح النفس 😋😍
    يعيشو هالايدين ويعطيكي العافيه

    1. ❤ام محمد❤ :

      وايديكي حبيبتي أم نبيل ياريتك قريبي عليي كنت عزمتك تكرم عينك❤

  7. Rzan :

    ما شاء الله منظرها بشهى الف صحه وهنا على قلبكم

    1. ❤ام محمد❤ :

      تسلميلي حبيبة قلبي
      الله يهني قلبك وبالك ❤

  8. joudi :

    يا جمالو تسلم الايادي

    1. ❤ام محمد❤ :

      وايديكي ياعسل هاد من ذوقك الحلو😙

  9. ريحانة🌿 :

    وَعَلَيْكُمُ السَّلَامْ وَرَحْمَةُ اللهِ وَبَرَكاتُهُ‎
    اللهم بارك.. روعة حبيبتي
    تسلم إيدك🌹

    1. ❤ام محمد❤ :

      تسلميلي ريحنتنا الغالية 🌸

  10. فوفه🥀🥀 :

    تسلم الأيادي

    1. ❤ام محمد❤ :

      وأيديكي ياحبي ❤

  11. 🌺🌺🌺 :

    ما بتغطي بقصدير

    1. ❤ام محمد❤ :

      ازا بدك غطيها بقصدير
      بس انا والله ماغطيتها بقصدير شغلت الفرن من فوق وتحت

  12. ام عمر :

    تسلم ايديكي ❤

اترك رد

لن يتم نشر عنوان بريدك الإلكتروني.