برك اللحمة والجبنة بعجينة مورقة ملكة زاكي5

19 594
 

برك اللحمة والجبنة بعجينة مورقة ملكة زاكي5

برك اللحمة والجبنة بعجينة مورقة ملكة زاكي5

برك اللحمة والجبنة بعجينة مورقة ملكة زاكي5

برك اللحمة والجبنة بعجينة مورقة ملكة زاكي5, معكم صديقة زاكي الشيف الموهوبة ,

المقادير

  • ملعقة ملح
  • ٥٠٠ غرام طحين
  • كوب ونص حليب دافئ
  • ربع كوب زيت
  • بيضة واحدة
  • ملعقة صغيرة ملح
  • ملعقة كبيرة سكر
  • للفرد العجين بيلزمنا ١٠٠ غرام نشا و١٠٠ غرام طحين
  • الحشوة
  • اربع حبات بطاطا مسلوقة
  • ملعقة زبدة كبيرة
  • مقادير اللحمة
  • نص كيلو لحمة مفرومة
  • حبيتين بصل
  • ملعقتين زيت كبار
  • ملعقة ملح
  • ملعقة فلفل اسود
  • جبنة موزريلا أو شيدر حسب الرغبة

الخطوات

السلام عليكم ورحمة الله وبركاته

يسعد اوقاتكم شيفات زاكي الرائعات اليوم رح نعمل صرر محشية لحمة بتشبه صرر الاوزي بس بشكل اجمل

اول مرحلة بجاط بنضيف الخميرة والسكر والحليب والبيضة وبنخلطهن مع بعض وبنزل الطحين والملح وبنعجن لحتا نحصل على عجينة طرية متماسكة وناعمة بنغطيها وبنتركها ساعة تختمر وبنحضر الحشوة

بمقلاة بنحط الزيت وبنضيف البصل مفروم ناعم وبنحرك لحتا يذبل البصل بنضيف اللحمة وبنحرك لحتا

تستوي بنضيف الملح والفلفل الأسود وبنتركها تبرد وبيلزمنا اربع حبات بطاطا مسلوقة بنهرسها وبنضيف عليها ملعقتين زبدة وملعقة ملح وبنتركها على جنب بس تختمر العجينة بنقطعها وبنكورها وبنتركها ترتاح مدة عشر دقائق بنخلط النشا مع الطحين للفرد العجين

على سطح العمل بنرش من النشا وبنحط كرة عجينة وبنرش على الكرة النشا وبنرقها بواسطة عصا رفيعة

وبنفرد وبنلف وبنفرد ونكرر العملية لحنا نحصل على رغيف رقيق اللف على العصا بيساعدنا على فرد العجين بكل سهولة بندهن سطح الرقاقة بالزيت بنحط

ملعقة بطاطا المسلوقة بالمنتصف وبنضيف عليها اللحمة وبعدها الجبنة بنام أطراف العجينة بين أصابعنا وبمسكها من المنتصف وبنلفها وبنزل الأطراف للاسفل

وبنحاول ندخلها اسفل كرة العجين وبنصفهن بصينية مفروش ورق زبدة وبنخلهن فرن حامي مسبقا على درجة حرارة ٢٠٠ تقريبا اخذو معي عشرين دقيقة لحتا تحمرو وهيك صارو جاهزين حاولت اصور المراحل أن شالله تكون الطريقة واضحة وان شالله صحة وهنا

برك اللحمة والجبنة بعجينة مورقة ملكة زاكي5

برك اللحمة والجبنة بعجينة مورقة ملكة زاكي5

برك اللحمة والجبنة بعجينة مورقة ملكة زاكي5

19 تعليقات
  1. سماهر :

    يسلمو ايديكي بشهو

  2. ماما عايدة المغربية :

    كيشهيو بصحتكم و راحتكم♥️

  3. فاطمهما م :

    منضرها بيشهي تسلم ايدك

  4. ام ملك.... :

    ما شاء الله
    شكلها بشهي
    يسلمو ايديكي يا قلبي 💖

  5. ام حمزه :

    يسلمو ايديكي الف صحه وهنا يارب

  6. هيام :

    ماشاءالله منظرهن بشهو تسلم دياتك صحتين

  7. Rzan :

    ما شاء الله منظرون بشهى صحه وهنا على قلبكم …مع اني ما فهمت طريقه اللف

    1. nawal :

      على قلبك حبيبتي ❤️ نمسك العجين مثل بالصورة نزلتها فوق وبنلف بأصابعنا الجزء السفلي وبنزل الأطراف من فوق وبنزلها تحت الكرة وبنضغط عليها وهيك بصير الشكل هذا أن شالله اكون وصلتلك الفكرة

    2. Rzan :

      اه فهمت ..يسلم تمك ..غلبتك بس حبيت شكلها ومنظرها صحه وهنا

    3. Rzan :

      نوال انتي من وين ..وين ساكنه هلق؟

    4. nawal :

      الله يسلمك انا من سورية محافظة حلب وحاليا ساكنة بالاردن

  8. القدس عربيه :

    أم نبيل
    ما شاء الله عنك نوال دائماً متميزة ومبدعه والمعجنات بتجنن
    يسلمو ايديكي ويعطيكي الف عافيه
    الشرح وصل والصور واضحة ان شاء الله في ميزان حسناتك 💞💞💞💞

  9. joudi :

    ما شاء الله تبارك الله شي بشهي تسلم ايدك

  10. فوفه🥀🥀 :

    صحتين وهنا نوال

  11. ريحانة🌿 :

    وَعَلَيْكُمُ السَّلَامْ وَرَحْمَةُ اللهِ وَبَرَكاتُهُ‎
    تسلم إيدك يا معدلة🌹

  12. nawal :

  13. nawal :

    يسعد صبايا شيفات زاكي بتشكركم من قلبي ❤️😍
    هذا الشكل هي طريقة لف الكرات بنمسك العجينة مثل الصورة وبنلف الجزء السفلي وهو الكرة المحشية
    وبعدها بنزل الأطراف وبنرتبها وبنزلها اسفل الكرة وبنضغط عليها وهيك بيصير الشكل هذا أن شالله تكون وصلت الفكرة وتكون واضحة عليكم

    1. omsalah :

      اي والله يسلم ايديكي معدلة بكلشي بشهو

  14. 🦋ام سليم 🦋 :

    ما شاء الله عليكي الله يحماكي ويباركلك بصحتك وعافيتك
    منظر بياخد العقل ومغري جداااا
    تسلم الأيادي يا مبدعه 😍 😍

اترك رد

لن يتم نشر عنوان بريدك الإلكتروني.