الشعيرية بالحليب

25 1٬545
 

الشعيرية بالحليب

الشعيرية بالحليب

الشعيرية بالحليب

الشعيرية بالحليب, معكم صديقة زاكي الشيف الموهوبة ,

المقادير

  • معلقتين كبار زيت نباتي
  • شعيرية كوبين تقريبا
  • 8 كوب حليب سائل
  • نصف كاس من الحليب المكثف
  • معلقتين كبار من السكر(اختاري)
  • معلقة فانيليا ويمكن استبدالها باي منكهات تحبوها
  • كوب جوز الهند ويمكن استبداله بأي نوع مكسرات أو زبيب حسب الرغبة

الخطوات

السلام عليكم ورحمه الله وبركاته

كيفكم يا غالياتي

والله اشتقت للجميع ورجعتلكم بوصفة دسمة بالشتا والبرد تلزم الجميع وجماعة الدايت لا تجربوها لأنها دسمة كثير

نقول بسم الله ونبلش يلاااااا

نقلي الشعيرية بالزيت النباتي لحتى يتحمرو وانتبهي عليهم لا ينحرقوا بيطلع طعمهم مش زاكي

بس تستوي الشعيرية وتعطيكي اللون المطلوب نضيف عليه الحليب

ونحركه بإستمرار لحتى ما تلزق الشعيرية وما ينحرق الحليب

ونضيف الحليب المكثف والسكر وبس تبلش تغلي ويثقل القوام نضيف الفانيليا وجوز الهند ونخلطهم جميعا

وتوضع بصحن التقديم زينتها بالقرفة المطحونة وجوز عين الجمل ورشة جوز هند

وان شاء الله تنال إعجابكم

جربوها ولا تنسوني من دعواتكم الحلوة استودعتكم الله

25 تعليقات
  1. ام ملك.... :

    وعليكم السلام ورحمة الله وبركاته
    هلا وغلا زهوووور
    يسلمو ايديكي يا قلبي 💖

    1. زهوور⁦❣️⁩ :

      يا هلا بيك يا قلبي
      يسلم قلبك حبيبتي ❤️

  2. رحيق الورود :

    تسلم اديكي صحه وهنا 😍❤

    1. زهوور⁦❣️⁩ :

      على قلبك يا غالية 🤭🤭🤭❤️❤️❤️❤️

  3. ام إبراهيم سوريا :

    يسعد اوقاتك زهوررررة تسلم ايدك حبيبتي يا مبدعة
    😘😘😘😘

    1. زهوور⁦❣️⁩ :

      من بعدك حبيبتي ❤️
      زمان والله عن وصفاتك

  4. هيام :

    ألف صحه وهنا انشالله

    1. زهوور⁦❣️⁩ :

      يهني قلبك حبيبتي ❤️

  5. Rzan :

    😋😋😋مبينه طيبه كتير أن شاء الله صحه وهنا …قيد التجريب

    1. زهوور⁦❣️⁩ :

      الهنا لقلبك يا قلبي 😍
      جربيها واحكيلي رأيك🤗🤗

  6. ام محمود :

    صحة وعافية يا رب يسلموووو هالايدين

    1. زهوور⁦❣️⁩ :

      يسلم عمرك يا رب ❣️

  7. سماهر :

    حلو ولا اطيب ….كتير زاكيه

    1. زهوور⁦❣️⁩ :

      تسلمي يا وردة 🌹

  8. ♥️♥️ غزل ❤️❤️ :

    يسلمو ايديكي طالعه بتشهي عشقي❤

    1. زهوور⁦❣️⁩ :

      يا دلبي انتي 🥺😍😍💋💋❣️❣️❣️❣️

  9. فوفه🥀🥀 :

    صحتين وهنا زهور عليكِ وع أولادك 💕

    1. زهوور⁦❣️⁩ :

      يهني قلبك حبيبتي ❤️

  10. Rzan :

    زهور حبيبتي بتزبط بدون حليب مكثف لانو ما عندي وشو البديل

    1. زهوور⁦❣️⁩ :

      هلا وغلا يا وردة
      انا اول مرة بعملها وما جربتها بدون حليب مكثف
      وبالنسبة للحليب المكثف اساسا انا بعملو بالبيت وقت ما احتاجو
      مكوناته هي
      كاسة حليب
      وبنفس الكأس كاس سكر
      وكمان كاس مي مغلي
      وقطعة زبدة ما يقارب معلقة
      بتخلطيهم بالهاند أو بلخلط العادي ونتركهم ثلاث ساعات بالفريزر والف صحة وهنا يا قلبي 😍

    2. Rzan :

      الله يسعدك انتي وردة…يعني الحليب المكثف على طريقتك ما بدو حط ع غاز …؟

    3. زهوور⁦❣️⁩ :

      حبيبة قلبي 😍
      اه يا قلبي هاي طريقتي بس اعتذر على الغلطة بحطو بالثلاجة مو بالفريزر هسا انتبهت🤗🤗

    4. زهوور⁦❣️⁩ :

      لا ياعمري ما بحطو ع الغاز

  11. بالصحة و الراحة احنا نعملها بدون تحمير الشعرية و نحط معها زبيب و قرفة و مسكة من الاكلات المفضلة لعائلتي♥️

  12. 🦋ام سليم 🦋 :

    وعليكم السلام ورحمة الله وبركاته
    يمي يمي 😋 ما شاء الله
    تسلم الأيادي يا مبدعه منظر بشهي وبيفتح النفس يعطيكي العافيه

اترك رد

لن يتم نشر عنوان بريدك الإلكتروني.