img
الرئيسة / أطباق رئيسية / أطباق دجاج وطيور / طريقة المسخن الفلسطيني على أصوله

طريقة المسخن الفلسطيني على أصوله

/
/
/
8188 مشاهدات
 طريقة المسخن الفلسطيني على أصوله
 مع صديقة زاكي المبدعة Manal Hamad Hamad
 طريقة المسخن الفلسطيني على أصوله
  • الطريقة

اوا شي بجهز الدجاج وبقطعه وبنظفه وبعدين بتبله
والتتبيلة
عبارة عن بهارات مشكلة
سماق بلدي
ببريكا حلوة
فلفل اسود
وملح
عصير ليمونة
كاسة زيت زيتون صغيرة
وبصلة كبيرة شرحات
كلهم بحطهم بصينية حافتها عالية شوي لانه بدنا نحطها بالفرن
ونزيد المي على الدجاج

لحتى شبه يغطيه بنقصدرها وعالفرن بالوقت الي الدجاج بكون يستوي بنجهز البصل
وبنقطعه شرحات مو رفيعة كتير ولا سميكة تكون وسط وبنحطه بالطنجرة وبنحط عليه رشة سماق وكاسة زيت زيتون وبنقلب البصل لحتى يدبل بنطفي تحته لحتى يستوي الدجاج بس يستوي بنحمره وبكون عليه مرقة منيحة بنصفي المرقة من الصينية وبنديره على البصل وبنخليه لحتى يستوي

ممكن يحتاج لمكعب ماجي لانه البصل بطبيعته حلو ممكن يحتاج شوية ملح بنخليه عالنار مع التقليب المستمر لحتى يستوي البصل ويبطل يقرش هلا بنجيب مصفاية كبيرة شوي وبنصفي البصل

وبنحتفظ بالمرقة الي صفيناها هلا بنجيب الخبز المشروح ويفضل ما يكون محمص يعني يكون على بياض شوي وبنحط الخبز بالمرق بس ما بنخليه لحتى ينبل كتير بس عالخفيف بندهن السدر بشوية زيت وبنحط اول رغيف وبنحط عليه رشة بصل ورشو سماق والمكسرات حسب الرغبة

وعالفرن تحميص من تحت ومن فوق رح ياخد شوية وقت لانه الخبز مبلول بس يتحمر بنكرر العملية لحتى تخلث كمية الخبز والبصل وكل طبقة ضروري تتحمر من فوق واخر طبقة اكيد البصل وسماق وبنحط الدجاج وكله عالفرن وصحتين وعافية

 طريقة المسخن الفلسطيني على أصوله

21 تعليقاً

  1. تسلم دياديك بموووت بالمسخن

    انا بحط هاااي المكونات كلها السماق والفلفل والملح والبصل وزيت الزيتون بصبنيه وبقصدرها وع الفرن ساعتين لحتي يستوي الجاج منيح
    بعد ما يستوي بطلعهم وبحط الخبز بالمرقه والزيت اللي بكونو بالصينيه وبحط الجاج والبصل مع رشه سماق فوقهم

    وبكون محمر جاااهز وطعمته روووعه

  2. رد عالاخت عبير صح بتحمري كل طبقة وبعدين بتحطي الطبقة التانية وبتضلي على نفس الشي لتخلصي كل الطبقات يفضل كا يكونوا اكتر من 4 طبقات

اترك تعليقاً

لن يتم نشر عنوان بريدك الإلكتروني.