الرئيسة / حلويات / وصفة البيتفور فخمة و مزبوطة 100%

وصفة البيتفور فخمة و مزبوطة 100%

/
/
/
7473 مشاهدات

وصفة البيتفور فخمة و مزبوطة 100%

مع صديقة زااكي الرائعة و المذهلة علي القطارنة

وصفة البيتفور فخمة و مزبوطة 100%
بيتيفور سريع وطيب ولا اسهل 👌🍪
المقادير

كاستين وربع طحين
كاسة وزيادة معلقة زبدة بحرارة الغرفة
بيضة بحرارة الغرفة
معلقة فانيلا
كاسة الا ربع سكر

الطريقة

نخفق الزبدة والسكر الناعم 5 دقائق بالخفاقات الكهربا
ليسيرو متل الكريما وبعدين بضيف البيضة والفانيلا وبضل اخفق 5 دقائق كمان
و بضيف الطحين دفعة وحدة وبحرك بالخفاقة اشي بسيط
وبعدين بحرك بالمعلقة بدون الخفاقات ليختلطو 👌
ازا حبينا نعمل ع كاكاو بشيل معلقة من الطحين وبحط بدالها كاكاو
وبضيف معلقتين سكر بودرة 👍👍
الخبز ع 200 فرن محمي
الحشوة مربى والي ع كاكاو شوكولاتة😍😍

يا صبايا حبيت افيدكم نصائح نجاح البيتفور متل الجاهز تمام 👌👌😋🙂
او شي الزبدة بحرارة الغرفة طالعة من البراد قبل ساعتين او 3
والبيض بحرارة الغرفة
اخفقي الزبدة والسكر الناعم 5 دقائق ليفتح لونة
وبعدين ضيفي البيضة والفانيلا واخفقي كمان 5 دقائق
حطي الطحين المنخول دفعة وحدة وشغلي الخفاقة ع الواطي بس الي يختلطو
وبعدين حركي بالمعلقة …
نصيحتي الكم استعملو طحين نوعية ممتازة
انا بالنسبة الي بستعمل الفاخر الكويتي او الغزال 👌👌
واخيرا وليس آخرا كل طحين بيختلف عن التاني يعني ممكن ياخد معك كاستين ونص ممكن اكتر شوي بدك تمسكي العجينة بئيدك وما. تلزئ بئيدك 👍👍
والخبز ع فرن محمي والحرارة عالية 200 فوئ وتحت مع بعض شغلي ع الرف الاول او التاني تحت حطي بعيد عن الشواي
هاي نصائحي الكم بما يخص البيتفور 🤗موفقين
اذكروني بدعوة 💗
20427592_706705742864961_281372928_n 20401360_706705746198294_1904769783_n 20403380_706705752864960_382539769_n 20400894_706705789531623_2082646786_n

44 تعليقاً

  1. ما شاء الله يهعطيكي العافيه
    اشي رووعه ومن الاخر
    بس كم باكيت زبدة ال الكاسه
    لو سمحت تردي ع سوالي حابه اجربها
    شكرا الك

  2. يسعدكم يا رب انا ام برووء
    جاهزة لاي استفسار لانو الوصفة رووعة بصراحة وتستحق التجربة
    اول اشي في اخت بتسال ازا بتنحط بالتلاجة ؟؟
    لا عطول ع الشغل والخبز لانو مو متل الغريبة لازم تضل لينة لتعطيكي هشاشة رائعة 👍👍
    وبالنسبة لسؤال شو استخدمت لتشكيلو انا مصورة وكاتبة بس ما نزل
    استخدمت كيس الكريما واقماع الكريما
    ازا مش متوفر فيكي تستخدمي ماكينة البيتفور وفي وصفة تانية الي ع موقع زاكي للي حابب يجربها 🤗

اترك تعليقاً

لن يتم نشر عنوان بريدك الإلكتروني.