img
الرئيسة / أطباق رئيسية / رقبة خاروف محشيه ادخلي تعلمي وشوفيه طريقتي الاحترافية

رقبة خاروف محشيه ادخلي تعلمي وشوفيه طريقتي الاحترافية

/
/
/
3428 مشاهدات

 

رقبة خاروف محشيه

المقادير

  • رقاب خاروف 2
  • وقية لحمه خشنه
  • بصلتين مفرومين ناعم
  • كوبين رز صنوايت
  • ملح. فلفل اسود. بهار مشكل. ماجي بودره. قرفه ناعمه. هيل ناعم. بهار مشاوي اللحمه
  • بصله كبيره مبروشه
  • عدد 3 سنان توم مدقوقه
  • علبة لبن اصغر حجم

الخطوات

بتخلي اللحام يفتحلك الرقاب للحشي متل الضلعه وبتغسليهم منيح من جوه وبره واتركيهم يتصفو بتجهزي التتبيله بصله مبشوره والتومه واللبن وملح معلقه ونص صغار ونص معلقه صغيره قرفه ومعلقه صغيره بهار مشكل ومعلقه صغير بهارات مشاوي اللحمه بتخلطيهم منيح

 

 

وبتجيبي الرقاب بتملحيها بايدك مو كتير مو جوه ومن بره رشه بعدين بتحطي التتبيله من جوه ومن بره منيح وبتتركيها اقل شي 4 ساعات

 

وبتجهزي الحشوه بتقلبي البصل بالزيت مع اللحمه وفلفل اسود ومعلقه صغيره هيل مطحون بالبيت مو مطحون جاهز لتستوي بضيفي الرز المنقوع والمصفى ومي مغليه وبهار مشكله وملح وقرفه وماجي بودره ورشة هيل وبتكملي

فلفلت الرز بطلعي الرقاب بتحشيهم بالرز واللحمه واللوز المقلي وبتلفي كل رقبه بطبقتين قصدير لحالها وبتحطيهم بالصينيه جمب بعض وكاستين مي بالصينيه وشرايح ليموتن مشان ما تسود الصينيه

 

بتحطيهم على فرن محمى من قبل بنص ساعه على حراره 250 بدها ساعتين كل نص ساعه اتفقديها ازا بدها مي بس تتاكدي من سواها بتفتحي القصدير وبتعصري ليمون عليها وبتحطيها تتحمر من الجهتين وصحه وعافيه ان شالله تعجبكم طعمها كتيييييير زاكي


22 تعليقاً

اترك تعليقاً

لن يتم نشر عنوان بريدك الإلكتروني.