شو طبختو الجمعه

50 5٬340
 

شو طبختو الجمعه

شو طبختو الجمعه

شو طبختو الجمعه

شو طبختو الجمعه, معكم صديقة زاكي الشيف الموهوبة ,leen

  • مرحبا صبايا زاكي كيفكم اليوم كان متعب عملت كذا شغله حبيت اشارككم اياها عملت جاج محشي عطريقه هزوره جلكسي والدنيا عكسي طلعت بتشهي يسلم ايديكي هزوره وعملت منسف اولا بحب اقلكم انه انا ما بحط بقدونس وخبز شراك تحتو لانه زوجي ما بحبو يلي بحب بيحط بصحنه هاي المعلومه عشان التعليقات السخيفه وعملت قهوه ساده انا طحنتها وطحنت الهيل ونسيت اقلكم شو افطرنا الصبح عملت قالب كيك بالزعتر الاخضر والجبنه البيضاء بس ما عملت حلو لانه تعبت وقلت بلكن ابو العيال عزمني عالحلو ههههههههه المهم الجاج المحشي ما راح اكتب طريقتو لانه نفس طريقه هزور نزلتها من كم يوم
  • القهوه الساده طحنت كوب قهوه وحطيته بالطنجره مع لترين مي وغليتها ربع ساعه بعدها طحنت ملعتين هيل وحطيتهم بالدله وحطيت القهوه فوقها وصحتين
  • المنسف بسلق اللحمه مع هيل وورق غار بس تستوي انا بستخدم لبن جميد جاهز طيبه او الكسيح بحط اللبن على مرق اللحمه واللحمه وشوي ملح او ملح ليمون اذا بيحتاج طعمو وبضل احرك ليغلى بحط ملعقه سمنه بلديه وبطفي الغاز وبفلفل الرز بالطريقه العاديه وبحمص لوز عالوجه
قالب الزعتر والجبنه بتخلطي 4 بيضات مع ملعقتين فانيلا و4 كاسات طحين و2كاسه لبن رايب وملعقه ملح صغيره وملعقتين كبار باكينغ باودر وكاسه زيت قلي وكاسه زيت زيتون وكميه من الزعتر الاخضر المنشف وكميه من الجبنه البيضاء المنقوعه مسبقا ومقطعه مكعبات متوسطه وبتنحط بالقالب عالفرن نص ساعه وصحتين


عرض التعليقات (50)