زعتر بلدي

/
/
/
1734 مشاهدات

زعتر بلدي

زعتر بلدي

زعتر بلدي

زعتر بلدي , معكم صديقة زاكي الشيف الموهوبة ,Mariam Ramadan

المقادير

  • زعتر ورق من السوق
  • سماق
  • سمسم
  • كلفة الزعتر ،شومر ،عين جرادة ،قمح محمص ومطحون

الخطوات

مساء الزعتر ومش ضروري كل يوم ورد 😉😉

من شهرين اشتريت زعتر ورق ولقطته وغسلته ونشفته وضبيته لبينما انزل ع السوق اجيب تحويجة الزعتر ،ومبارح ربنا اراد ونزلت ع البلد اشتريت سمسم وسماق وكلفة الزعتر اللي هي قمح محمص ومطحون وعين جرادة وشومر وكمون والذي منه ،واشتريت كمان شوية زعتر ورق ناشف وفركتهم بالبيت مع زعتراتي وكلفتهم وملحتهم ورشرشتهم زيت زيتون وخلطتهم منيح ،،والبيت كله صارت ريحته زعتر بتطير العقل .

وصحة وهنا لكل اللي بحبوا الزعتر البلدي

#زعترات ام نضال


30 تعليقاً

  1. يسلموووو ام نضال دايما بتذكريني بالعراقه والعادات العربيه الاصيله ربنا يسلم ايديكي ما قصرتي ياهيك الزعتر يا بلاش شي فاخر من الاخر وانا احيانا بعملوا بالبيت اطيب من زعتر السوق 👍👍

  2. تسلموا حبيباتي
    الزيت ضروري تحطيه للزعتر بيعطيه لمعه ولون حلو كتير وما بكون ناشف وما ببان انه عليه زيت ما تخافي

  3. اختي عبق الجنام هذا ما بنغلى بنحطلو زيت وبنعملو مناقيش بزعتر او شاندوش زعتر او بنحط مع السفره الفطار او العشا الزعتر لوحده والزيت لوحده
    اما ورق الزعتر مفيد كتير للكحه ولشغلات كثير بتقدري تعملي منو مشروب ساخن وتشربيه

  4. بالنسبة لمقدار الكلفة للي سألت انا بحط مع كل كيلو زعتر ناشف ومطحون 2كيلو سمسم
    نص كيلو سماق بلدي
    نص كيلو قمح محمص ومطحون
    نص كيلو كلفة الزعتر اللي هي عبارة عن شومر وكمون وعين جرادة
    وملح حسب الرغبة
    وزيت زيتون بحط عيار كاسة شاي لكل الكمية اللي ذكرتها

اترك تعليقاً

لن يتم نشر عنوان بريدك الإلكتروني.