شاورما الفراخ

15 3٬836

شاورما الفراخ

شاورما

شاورما الفراخ

شاورما, معكم صديقة زاكي الشيف الموهوبة ,Alaa Abdullah Lolla شاورمتي الطيبة  أطيب من شاورما المحلات

المقادير و الخطوات

كيلو و شوية صدور مخلية و مقطعة شرائح نضفتهم بطحين و لمون و خل و زيت زيتون و تركتهم منقوعين فيهم شوية لين ما جهزت خلطة البهارات و هي عبارة عن علبة لبن زبادي بتعادل كاسة الا ربع تقريبا و ملح و بابريكا ملعقتين كبار و عصير ليمونة و خل ملعقتين تلاتة و راس توم مفروم بتعادل تقريبا ملعقة كبيرة مليانة و زيت زيتون 5 ملاعق كبار و بهار شاورما ملعقة كبيرة و نص ملعقة صغيرة تقريبا من كل من كمون و كاري و زنجبيل و هيل و كزبرة و ملعقة صغيرة فلفل أسود  و ملعقة صغيرة شطة و ملعقة صغيرة دبس فليفلة و حركت كل هالخلطة و غسلت الدجاج و صفيته و نقعته بالخلطة و غطيته و ع الفريزر ساعة انا بالعادة بخليه بالتلاجة ليلة بس هالمرة مستعجلين 😉وقت الشغل حطيت بالجريل شوية زيت نباتي و ملعقة سمنة و بس حمي حطيت الصدور و لما استوى حطيت تلت ارباع الكمية بصنية الفرن و ولعت عليه من فوق لياخد شوية تحمير و بعدها طلعته و خلطته مع الجزء يلي تركته من غير تحمير

و الصوص عبارة عن زبادي و طحينة و عصير ليمون او حامض و سنين توم مفرومين و ملح و شوية مية

ووقت الحشي خلطت جزء من الشاورما بالصوص و جزء حشيته و حطيت فوقه شوية من الصوص كل واحد حسب رغبته عملت

و قطعت بصل شرائح مدورة و حطيت عليهم ملح و خل و سماق جزء منه حطيته بالساندويتشات و جزء بصحون جنب الاكل

و بالعافية

Alaa Abdullah Lolla 😊😊

عرض التعليقات (15)