منسف باللحمه والجميد

52 5٬251

منسف باللحمه والجميد

منسف باللحمه والجميد

منسف باللحمه والجميد

منسف باللحمه والجميد, معكم صديقة زاكي الشيف الموهوبة ,أم علاء أبو يحيى

المقادير

  • ثلاثه كيلو لحمه
  • خمس كاسات ارز قصير الحبه
  • جميد قرص واحد
  • كيلو لبن رايب
  • راس بصل
  • ملح
  • فلفل
  • وورق غار
  • خمس او ست حبات هيل
  • ملعقتين نشا

الخطوات

بحضر اللحمه وبغسلها كويس بحطها بطنجره على النار وبقلبها كويس بشوية زيت صغيره بغمرها بالماء حتى تغلي وبعد الغليان بشيل كل الزفر الموجود على الوجه بفرم البصل بدعكو بالفلفل الاسود وبنزلو على اللحمه وبضيف ورق الغار والهيل بوطي عليه الغاز وبتركه على راحته ليش ما بحط البهارات من البدايه لانه لما تشيلي الزفر ال طلع على الوجه بتخلط معه البهارات وهسا بحط الجميد المنقوع مسبقافي الخلاط مع اللبن الرايب ومعلقتين النشاوبشغل الخلاط حتى يتجانسو كويس وبصفيهم وبغليهم على النار مع التحريك المستمر حتى ما يفرط اللبن وقبل ما تستوي اللحمه بشوي بشيل عنها الشوربه وبصفيها وبضيف اللبن المغلي على اللحمه وبضيف جزء من الشوربه الي ضفيتهاعلى اللبن واللحمه وبتركها حتى تستوي بتفقدها اذا بدها ملح اولا انا ضفتلها ملح لانه كان بدها شوي

بكون ناقعه الرز بمي دافيه لمدة نص ساعه مع رشة ملح ومعلقه صغيره عصفربحضر طنجره بضيف فيها زيت او سمنه حسب الرغبه بحطها على النار بنزل الرز طبعا بعد ما اكون غسلته وصفيته كويس وبضيفله معلقه ملح وبقلبو كويس وبغمره بالمي مع شوية شوربه وبعد ما يغلي بوطي النار وبتركه حتى ينضج بحضر السدر الخاص بالمسف بحط فيه خبر الشراك بحط فوقه الرز وبعدين اللحمه وبزين بالبقدونس واللوز والف صحه وهنا بقدمو مع الشوربه

اخواتي المسف اكله اردنيه عريقه وقديمه ومشهوره اصلها اللحمه والارز والجميد وخبز الشراك لكن كثير من الناس تعلموها ودخلولها بعض الاضافات حسب الذوق والحالات الصحيه لانه في ناس معهم ضغط ما بقدرو ياكلوا جميد بحطو لبن لوحده في ناس بتحب الارز ابيض وناس بتحبوا اصفر وفي ناس اوضاعها المعيشيه صعبه ما بتقدر تشتري لحمه والبعض بحبو بالدجاج هذه طريقتي يا رب تعجبكم


عرض التعليقات (52)