بيتزا طعم ولا اشهى ملكة المعجنات

21 5٬414
 

بيتزا طعم ولا اشهى ملكة المعجنات

بيتزا طعم ولا اشهى

بيتزا طعم ولا اشهى ملكة المعجنات

بيتزا طعم ولا اشهى ملكة المعجنات , معكم صديقة زاكي الشيف الموهوبة ,aseel-foodies

المقادير

  • العجينة:
  • ٦ كاسات طحين ابيض
  • ٢ كاسة طحين قمح “اسمر”
  • معلقتين زيت ذرة
  • بيضتين
  • ٦ معالق حليب بودرة
  • معلقة لبن
  • معلقة خل صغيرة
  • رشة ملح
  • معلقة سكر
  • (معلقة ونص خميرة ومعلقة صغيرة بيكنج باودر +معلقة صغيرة سكر)
  • مقادير صوص البيتزا :
  • حبة فليفلة
  • ٤ حبات بندورة
  • جزرة صغيرة
  • حبة بصله
  • سنين تومه
  • معلقة زيت زيتون
  • ٣ معالق كبار رب البندورة
  • معلقة دبس الرمان
  • رشة ملح
  • معلقة صغيرة بابريكا
  • معلقة صغيرة تومه بودرة
  • رشة بصل بودرة
  • معلقة صغيرة ريحان ناشف
  • معلقة صغيرة بهارات كزبرة
  • بهارات بيتزا
  • بهارات ماجي بودرة
  • معلقة صغيرة اوريجانو
  • رشة نعنع ناشف
  • مكونات الخضار :
  • فليفلة شرائح
  • فطر مقطع
  • زيتون اسود مقطع
  • هوت دوغ مقطع شرايح صغيرة
  • بهارات بيتزا
  • جبنة موزريلا وتشدر لعمل لغز البيتزا

الخطوات

طريقة العجبنة بتحطي المكونات ما عدا الخميرة بتبسيهم ب ايدك بعدها بتحطي مي فاترة عالخميرة والبيكنج باودر والسكر وبس تفور بديريها عالعجينة وبتصيري تعجنيها وتزيدي مي حسب الحاجه اخر شي بتعجنيها بشوية زيت زيتون وبتغطيها ل تخمر بحدود ساعه الا ربع تقريبا

طربقة صوص البيتزا بتخلطي المكونات منيح وتذوقي ملحها وبتزيدي حسب الرغبه بتحطيها عالغاز تغلي غلوتين ل تعقد وبتخليها ل تبرد ملاحظه ما تحطيها عالجينة وهي سخنه مشان ما تسبح العجينه وتقدري تتمكني باستخدامها ..

بعد ما تعجني العجينة وتبدي تفرديها بالصواني حسب رغبتك بخملها بتدهنيها بصوص البيتزا وبعدها بتسفط بترتيب الفليفله والفطر والعون دوغ والزيتون وبترشي رشة من بهارات البيتزا والاوريجانو بتحطيها تخبزيها ع نار ١٨٠ درجه طبعا بعد ما يكون الفرن حامي ..بعدها بتحمريها شوي من فوق بس ل تتنشف الخضرا بطلعيها مشان تحطي الجبنة

هلا انا بعمل شي اسمه لغز البيتزا بالجبنه

مقداره اربع كاسات حليب سائل بدهم ٣ معالق حليب بودرة بخلطهم عالخلاط بعدها بحط عليهم معلقة زيت ذرة ورشة ملح ورشة فلفل اسود وبخلطهم عالغاز منيح ل يبدأ يغلي بحط عليهم كاسة ونص موزريلا مبروشة+ كاسة جبنة شيدر مبروشه وذوقيها في حال حسيتي بدها كمان جبنة زيدي حسب الرغبه وفي حال بحاجه ملح زيديها طبعا استني عليها ل تبرد شوي وادهنيها فوق البيتزا وادا حبيتي ترشي كمان رشة موزريلا بصير وبالفرن ع نار من فوق ل تسيح الجبنه وصحه والف هنا

عرض التعليقات (21)