طريقة الشورما عنجد طعهما بجنن وأطيب من تبعت المطاعم

38 6٬975
 

طريقة الشورما عنجد طعهما بجنن وأطيب من تبعت المطاعم

السلام وعليكم يا صبايا اليوم جبتلكو طريقة الشورما عنجد طعهما بجنن وأطيب من تبعت المطاعم 😉😉🌹🌹🌹

طريقة الشورما عنجد طعهما بجنن وأطيب من تبعت المطاعم

طريقة الشورما عنجد طعهما بجنن وأطيب من تبعت المطاعم , معكم صديقة زاكي الشيف الموهوبة ,ملوكه ملاك

المقادير

  • خبز عادي بصير تجيبو خبز شراك
  • بهارات شورما
  • ملعقتين زبادي
  • ملعقتين دبس بندورة
  • ليمونة
  • ملعقتين خل ابيض
  • 3 من صدور الجاج
  • ملح
  • كأس زيت ابيض
  • بودرة الثوم اذا ما عندك أبرشي ثوم عادي
  • بودرة البصل كمان اذا ما عندك بودرة البصل أبرشي بصلتين
  • مخلل
  • بطاطا
  • للمايونيز الثومية:
  • كوب حليب
  • ملعقة نشأ
  • عصير ليمون أو ملح اليمون
  • زيت حسب الحاجة
  • 4 او 5 سن ثوم
  • ملعقة خل

الخطوات

بسم الله الرحمن الرحيم

غسلي صدور الجاج ونشفيهن منيح

وبعدين قطعيهن بطول قطع رفيعة

بعدين منضيف عليهن خاثر ودبس البندورة

وبهارات الشورما والثوم والبصل والخل واليمون

والملح والبابريكا وشوي فلفل اسود

والخل واليمون

بتخلطيهن مع بعض وبتخليهن لثاني يوم بلبراد

ثاني يوم بس بدك تعمليهن طلعيهن من البراد وحطيهن على الغاز ربع ساعة تقريباً وبعدين بتردي تحطيهن بصينة وحمريهن بلفرن خليهن لا يتحمرن

وبلشي لفي لفات الشورما بتهني الخبز مايونيز وبتحطي الجاج فوقيهن مخلل وبطاطا

وصحتين وهنا

هلأ طريقة عمل الثومية

نظيف النشا على كوب الحليب على النار ليشدد ويصير متل لمهلبية منتركو ليشدد ويبرد تماماً وعلى الخلاط المزيج مع الثوم والملح والخل منضربهم بلخلاط مع تنزيل الزيت بخيط رفيع ليوصل لسماكة المطلوبة

وصحتين وهنا

عرض التعليقات (38)