الرئيسة / حلويات / كلاج نابلسي بالجبنة

كلاج نابلسي بالجبنة

/
/
/
4336 مشاهدات

 

كلاج نابلسي بالجبنة

كلاج نابلسي بالجبنة

كلاج نابلسي بالجبنة

كلاج نابلسي بالجبنة , معكم صديقة زاكي الشيف الموهوبة ,Mariam Ramadan مساء الخير لاحلى جروب بمناسبة قدوم شهر رمضان المبارك حبيت انشرلكم نوع من حلويات رمضان المناسبة للعزايم الا وهو الكلاج النابلسي كلاج بالجبنة طبعا

المقادير

  • عجينة الكلاج جاهزة من كلاج عمر
  • كيلو كلاج
  • كيلو جبنة بيضة محلاة
  • فستق حلبي للزينة
  • زبدة او سمنة نباتية
  • قطر

الخطوات

نقعت الجبنة يومين لحتى حلوت وصفيتها لحتى ما ضل ولا نقطة مي فيها

جبت صينية ودهنتها زبدة نباتية وحطيت راقتين كلاج ودهنتهم زبدة وحطيت كمان 3 راقات كلاج وبعدين فردت الجبنة على قد الصينية وبعدين حطيت كمان 5 راقات ودهنت وجههم زبدة نباتية وقطعتهم قبل ما اشويهم ..وخبزتهم بالفرن وحمرتهم وشربتهم بالقطر

ممكن تحشيهم جوز عين الجمل او فستق حلبي

القطر

كاستين سكر وكاسة مي وعصرة ليمون ومعلقة ماء الورد

وزينتهم بالفستق الحلبي

وصحة وهنا

#كلاج بالجبنة ام نضال

22 تعليقاً

  1. ياااااي نزلتيها هون ام نضال كتير طيبه وبموت عليها يسلم دياتك حبيبتي 😍😍
    تعيشي وتعملي ياست لمعدلات😘😘😘

  2. اماني
    روعه يسلمو اديكي
    ماما بتعمل لعجينه بالبيت وبتحشيها بلوز وقرفه
    طيبه كتير
    احنا نابلسيه مشهورين بهل اكله لما نعملها بجمعو كل الحبايب ولمعارف على اكلها
    طبعا بنعمل منها سدور

  3. بشهي بموت بالكلاج لما اروح ع اهلي رح نعملو بستنو فيي ليعملو لاني بموت في بس لو سقيتي الكلاج حليب بضل طري ومابنحرق من حم الفرن يسلمو شكلو بشهي فتحتي نفسي عليه انا من عشاق الكلاج

اترك تعليقاً

لن يتم نشر عنوان بريدك الإلكتروني.