الرئيسة / حلويات / عجينه الكلاج او الفيلو للحلو والمالح ناجحه ملكه تحضيرات رمضان

عجينه الكلاج او الفيلو للحلو والمالح ناجحه ملكه تحضيرات رمضان

/
/
/
6629 مشاهدات

 

عجينه الكلاج او الفيلو للحلو والمالح ناجحه ملكه تحضيرات رمضان

عجينه الكلاج او الفيلو للحلو والمالح ناجحه % مسابقه ملكه تحضيرات رمضان

عجينه الكلاج او الفيلو للحلو والمالح ناجحه ملكه تحضيرات رمضان

عجينه الكلاج او الفيلو للحلو والمالح ناجحه ملكه تحضيرات رمضان , معكم صديقة زاكي الشيف الموهوبة ,رشا رشا

المقادير

  • 3 كوب طحين ابيض
  • رشه ملح للعجينه الحلوه ومعلقه صغيره للعجينه المالحه
  • ثلاث معالق كبار زيت كانولا
  • بيضه
  • معلقه صفيره فانيلا للعجينه الحلوه
  • تقريبا كوب مي دافيه
  • معلقه صغيره خل
  • معلقه كبيره نشا للعجينه
  • نشا لرق طبقات العجين

الخطوات

نخلط المكونات الجافه مع بعض وبعد هيك بنضيف الزيت والبيضه والخل وبنستمر بالعجن وبنضيف المي تدريجياا مع استمرار العجن لحد متسير عنا عجينه لينه وناعمه تماما بنريحها نص ساعه وبعد هيك بنقطعها كرات صغيره وبنرجع بنريحها نص ساعه تانيه منشان ما تغلبنا اثناء الرق وتتمزع معنا العجينه بعد مريحنا العجينه بنبلش نرش نشا على الطاوله ونرق جميع القطع لحجم وسط وبنرش بين كل وحده والتانيه كميه منيحه من النشا منشان ما يلزقو ببعض بس خلصنا بنقسمعن لقسمين منشان ما يغلبونا بالرق يعني تقريبا كل سبع طبقات مع بعض بنبلش بالخطوه الي وراها بنعاود رق جميع القطع يلي رقيناهن بالاول وبنرقهن لحجم كبير ومنيح لما تسير معنا طبقات العجينه رقيقه كثير بنقطع اطراف العحينه وبنشكلها متل مبدنا والحشوات اكيد كمان حسب الرغبه انا عملت من هالعجينه

شعيبيات ووربات محشيه بالقشطه والمكسرات وجوز الهند والقرفه يجب دهن العجينه بالسمنه بعد التشكيل قبل خبزها مباشره تخبز على درجه 180 لمده ربع ساعه تقريبا او اكتر حسب الفرن وبنشربها بالقطر وهيه سخنه وتقدم

وعملت لفائف الجوز والسكر

وبتزبط هالعجينه كمان للسمبوسك والبرك

لانو احنا بنتحكم اكيد بحجم الرق الي بدنا ياه لطبقات العجينه المالح ما بيلزم نرق العجينه كثير

طريقه عمل القشطه علبه كريمه سائل كاستين حليب معلقتين نشا نص كاسه سكر معلقه فانيلا بنخلطهن منيح ما عدا الكريمه وبنحطهن على النار لما يتماسك الخليط منيح بنطفي النار وبنخليه يبرد وبنضيف علبه الكريمه السائله وبنخلطهن منيح وهيك صارت جاهزه للحشي

وهاي الصور للتوضيح واي سؤال انا جاهزه من عيوني

يا رب تعجبكم تحياتي رشا ام احمد


89 تعليقاً

  1. تسلمولي يا قلبي على تعليقاتكم الروعه متلكم
    كلكم زوووء يا حلوين 😍😘😍

    هلا بشوره وين هالغيبه اشتقنالك 😍😘😍

  2. الله الله عليكي
    روووووووعه مبدعه يسلم ايديكي حبيبتي والله بتشهي يعطيكي الف الف عافيه

  3. تسلمولي على تعليقاتكم الحلوه 😍😗😍
    كل الاحتراام الكم جميعاا وتعليقاتكماحلا شهاده بعتز فيها الله لا يحرمني منكم يا رب 😘😘
    كلكم زووووووء حبيباتي😍😗😍

  4. يسلمو صبايا على التعليق الحلو 😍😘😍
    اكيد حبيبتي ساره بنقدر نفرزها بس لازم نلفها و نسكرها منيح عن التبريد منشان ما تنشف وتتكسر طبقات العجينه

اترك تعليقاً

لن يتم نشر عنوان بريدك الإلكتروني.