طريقة بان كيك بنكهة الموز للسحور ملكة تحضيرات رمضان

37 4٬073
 

طريقة بان كيك بنكهة الموز للسحور ملكة تحضيرات رمضان

بان كيك بنكهة الموز للسحور 😍 ملكة تحضيرات رمضان

طريقة بان كيك بنكهة الموز للسحور ملكة تحضيرات رمضان

طريقة بان كيك بنكهة الموز للسحور ملكة تحضيرات رمضان, معكم صديقة زاكي الشيف الموهوبة ,نور أحمد=

المقادير

  • بيضة
  • ملعقتين كبيرة سكر
  • باكيت فانيليا
  • كوب حليب
  • ملعقتين كبار زيت نباتي
  • باكيت بيكينغ باودر
  • رشة ملح
  • كوب طحين
  • موزة مهروسة للنكهة
  • ملعقة قشطة (اختيارية)
  • ملعقة صغيرة خل تفاح

الخطوات

بسم الله الرحمن الرحيم

منحط البيضة والفانيليا والسكر بجاط ومنخفقن كم ثانية ومنضيف باقي المكونات ومنخفقن دقيقتين تلاتة مع بعض وبعدا منضيف الموزة المهروسة ومنخفق شوي لتتجانس المكونات مع بعضها وبكون الخليط سائل شوي اكتر من خليط الكيك

منترك الخليط على جنب ومنحمي صاج ومندهنو بزيت او زبدة ومنصب الخليط وبس تتحمر من تحت منقلبها للجهة التانية ومنحطن على بشكير ومنغطيهن وبس يبردو شوي بيجهزو للتقديم

ممكن نقدم البان كيك مع الشوكولا والموز او العسل والموز او اي طريقة بتحبو تقدموه فيها

وبصير عنا وجبة لذيذة ومفيدة خاصة للأطفال ومنهن انا

وهنا وعوافي يا احلى بنات زاكي

بحبكن من كل قلبي وبتمنى الوصفة تنال إعجابكن

عرض التعليقات (37)