img

سمك مشوي

/
/
/
3925 مشاهدات

 

سمك مشوي

سمك مشوي

سمك مشوي

سمك مشوي, معكم صديقة زاكي الشيف الموهوبة ,منوش

المقادير

  • سمكة لوت وزن 2 ك
  • بقدونس
  • بندورة
  • توم
  • فلفل حلو وحار
  • كمون
  • بهارات سمك
  • ليمون
  • زيت زيتون
  • ملح

الخطوات

نغسل السمكه وننظفها بالملح والليمون والطحين اكتر من مرة

وبعد تنظيفها نجهز التتبيله

زيت زيتون مع كمون وعصير ليمونتين وتوم مفروم ناعم وملح وبهارات سمك ونخلهم منيح عالخلاط

نعمل شقوق طوليه بالسمكة ونحط عليها من التتبيله ونتبل السمكة كاملة ونغطيها مدة ساعه او اكتر

الحشوة عبارة عن توم مفروم وبندورة مفرومة وبقدونس وفلفل حلو 3 حرات مفرومين وحبة فلفل حار نخلطهم ونعصر عليهم ليمون ونحط كمون وبهارات وملح وزيت زيتون عالحشوة

نحيب السمكة ونحشيها بالنص ونكتر

ونحط بالصينية من الحشوة ونغلفها بقصدير وعالفرن لمدة 30 دقيقه وبعدين لما تستوي نحمرها من فوق

وعملت مقبلات فتوش وبقدونسية ومخللات وصوص الحشوة غليته لما تسبك عالنار

ان شاء الله وصفتي بتكون عجبتكم ادعولي الله يفك ضيقتي يا رب


22 تعليقاً

  1. عنجد يسلم إيدك على الأكل الزاكى عنجد شكلها بتشهى وفتحتى نفسى منوووش

    ربنا يفرجها عليكى من وسعه يارب وما تشوفى غير كل سعادة ويحققلك كل اللى تتمنيه

  2. ماشاء الله عنك شغلك مرتب وبشهي يعطيكي العافية والله يفرج عنك همك وييسر أمرك😘❤

  3. الله يفرج همك منوش بحق هذه الايام الفضيله انتي وكل مكروب في هذه الدنيا
    اللهم اجبر بخاطر عبادك وارحمهم واعفو عنهم اللهم ارفع الدين عن المديونين والهم عن المهمومين والسجن عن المسجونين والاسر عن المأسورين وعافي كل مريض واجبر بخاطر كل من اراد الذريه الصالحه يا كريم
    اللهم اهدي كل زوج متسلط وكل زوجه متكبره متغطرسه على زوجها واهدي كل شاب وفتاه ارهقوا اهاليهم بسلوكهم السيء المتغطرس وارفع الغيره من قلب كل رجل ارهق زوجته بغيرته العمياء التي لامبرر لها واهدي كل زوجه ارهقت زوجهابطلباتها التي لاتنتهي وهي تعلم انه لا يقدر عليها
    اللهم اصلح احوال المسلمين في كل مكان اللهم انا استودعناك الاقصى فاحفظه لنا واستودعناك غزه قوها واجبر كسرها وافتح لها ابواب الزق من كل مكان
    اللهم اجبر اهلنا في سوريا والعراق وليبيا واليمن وبورما وفي كل مكان اللهم امين
    وصل اللهم وسلم وبارك على سيدنا محمد وعلى اله واصحابه اجمعين🌴🌴🌴🌴

  4. الله يسعدكم جميعا وشكرا على مروركم الرائع
    وام علاء ابو يحيى الله يسعدك يا رب ويحققلك كل شي تتمنيه والله حبيتك من كل قلبي والدعاء اجا عالوجع يا رب استجيبلنا كل ادعيتنا

اترك تعليقاً

لن يتم نشر عنوان بريدك الإلكتروني.