لست ابنتها بقلم مال الشام الجزء2

26 7٬290
 

لست ابنتها بقلم مال الشام الجزء2

لست ابنتها بقلم مال الشام الجزء2😎

لست ابنتها بقلم مال الشام الجزء2

لست ابنتها بقلم مال الشام الجزء2 , معكم صديقة زاكي الشيف الموهوبة ,iba
#لست_ابنتهاا_بقلم_زهرة_الشامالجزء الثانيطلعت وراها كان اخوها داني ووقتها تطلع فيها نظرة غريبه وهمس بأذنها عملي كلشي عم تحكيلك ياه امي او رح تندمي تطلعت فيه وهيي مركزة على نظرة عيونو وكأنو عم تحاول تقرأ شو عم يفكر بعدين فتلت شعرها يلي كان واصل لنص ضهرها وشكلتو بشكله صغيرة ورديهوركدت على غرفتها لتغير تيابها وتبلش بشغل البيت والطبخ كانت امها ما تقوم من تختها وكلشي يجي لعندها من اكل ومن عصير ولك حتا الاركيلة وكل هدول كانت تعملهن امل وغير طلبات اخوها داني بس كل الطلبات بكفت ووقت طلب منها اخوها داني طلب غريب بكفه

كانت امل قاعدة على تلفونها وقت دفش داني الباب وفات وخبطها بأجرو لتبعد وتفحصها من فوق لتحت وهوي قاعد على تختها

داني : رفيقتك هيي يلي معن مصاري كتير شو كان اسمها

امل : شبها

داني : مرتبطة شي

تلبكت امل وما عرفت شو بدا ترد ….

داني : ما تردي

امل : اي مرتبطه وبتحبو كتير

نزل راسو وحكا بتحسني تبعديهن عن بعض ؟؟

وقفت امل قداموو والتلو طبعا لا ما فيني اعمل هيك مع اعز رفقاتي

اطلع فيها نظرة غضب وحكا بصوت عالي انتي هون مو لتحكيلي لا فهمانه

امل : كيف يعني مو الي متل ما هاد البيت الك والي كمان …. انت متلك متلي

ضحك ضحكة سخرية وحط ايدو على كتفها بقرف اااه متلك متلي لا انتي هون مو متلك متلي فهمانه

صارو يدمعو عيونها غصب وهيي تحاول ما تنزلهن بس هنن كانو غصب ينزلو

راح داني لعند الباب وقبل ما يطلع حكالها بتعملي يلي التلك عليه فهمانه بتلاقي طريقة لتبعديهن عن بعض وطلع وطبق الباب وراه بقوة

وقفت امل وحاولة تستوعب يلي صار هوي يعني بحبها معقول بحبها مشان هيك بدو ياها تبعد عن سعيد لا لا داني امي ما ربتو ليعرف يحب ربتو ليعرف مصلحتو وبس

بس شو كان قصدو بكلمة انا مو متلي متلو بهل بيت بعدها تذكرت انو بكرا عندها مدرسه ولازم تنام

ركدت على فرشة وحطت راسها ع مخدة وهيي عم تفكر ببكرا وتدعي يكون احلا

سوزان :امل يا امل قومي لهلق نايمة

امل : اوه سوزان اديش ليش صارت الساعه

سوزان : قومي حب صارت ٨ بسرعه رح نتاخر

قامت بسرعه ونطت على خزانه لتاخذ تيابها المعتادين بس وقفتها سوزان

سوزان: حبيبتي نفس لتياب لا تلبسي كل يوم بصراحه هدول ماما وصتلي ياهن على الانترنت وطلبت منها تجبلك نفس المديل

امل : ليش عزبتي حالك

سوزان: انتي اختي يا جدبة

امل : شكرا البي يعني رح نلبس نفس الشي اليوم

لبست امل وكانو لتياب كنزة خمرية بزغرفة سودة وبنطلون اسود ومن تحت عكفتو خمري وسوزان نفس الشي بس اللوان اخضر وزيتي

سوزان : طالعه قمر يا عمري صح لابسين نفس اللبس بس عليكي طالعين غير

امل : حبيبت البي وانتي تجنني

سوزان : يلا رح نتاخر

ركدت امل لتلبس لبوط ورفعت شعرها لفوق ولبست الطوق يلي جبلها ياه ابوها بعيد ميلادها ٥ سنين باخر عيد ميلاد حضرو معها

سوزان : لك امل مو هاد الشب يلي كان ورانا المرة الماضين

امل : وووينو

سوزان : ليكو جنب المدرسه

امل : اي والله يلا هلق خلينا نفوت

مشيو امل وسوزان لعند المدرسه وقبل ما يفوتو ندهلها الشب

مجهول : لو سمحتي يا انسة

امل : خير اليوم وقع مني شي كمان

مجهول : ههههه لا بس حبيت اعرف اسمك

امل : مافي داعي

وهنن عم يتحدثو فجأة اجا داني ..

وقف داني وكان واضح عليه العصبية وسألهن شو صبايا مين هاد

تلبكت امل وما كانت عارفت شو تجاوب بس انقذتها سوزان من الموقف والت هادد ابن عمتي جاي من لندن مبارح ….

داني : ااه هاد ابن عمتك مروة يلي بلندن

سوزان : اي هاد

داني : اي تشوفنا .تعي امل بدي ياكي بكلمتين على جنب

مشيو امل وداني لقدام شوي

داني : اليوم خلي تجي سوزان تتغدا عنا اي رح جيب اليوم غدا جاهز من المطعن

لمعو عيون امل وانفعلت شوي ووواو اكل جاهز ياي وشو هوي امانه فروج ولا شاورما

داني : لك خرسي نوصيه لصوتك رح جيب فروج بس خليها اليوم تجي ايه

امل : طيب رح حاول بس ما بوعدك توافق

هوي سوزان بتحب تقضي كل وقتها مع امل بس امل ما كانت حاببتها تجي لانو كانت حاسه انو فيي نية سيئة بعقل داني

سوزان : لك امل يلااااا تعي تاخرنا على اول حصه

ركدت امل وهيي عم تركد فلت شعرها ونفرد على كتافها ونزل على وجهها بطريقة ساحرة لدرجة الشب المجهول ما قدر يقيم عيونو عنها

امل : يا الله ما لقيتها لبكلت شعري

سوزان : يلا تركيها هلق تاخرنا

امل : يلا

تركت امل شعرها البني على كتافها وعم يلمع بطريقه ساحرة

ووقت مشي الشب حس انو دعس على شي تطلع تحت اجروو كان ملقط شعر امل مسكو بأيدو وصار يتميزو بهدوء كان لونو اسود وعليه على جنب وردة صغيرة فوشي حطو بجيبتو وطلع على مدرسة ….

امل : يا ترى مين رح يجي بدال استاذ الرياضيات

سوزان : دخلك مين ما كان رتحنا منو لابو كرش

امل : هههههه حرام عليكي لك شو كان عاملك لتتمسخري عليه هيك

وفجأة قطع حديثهن دق الباب الصف وكان الشب المجهووول

يتبع 😘

عرض التعليقات (26)