اصابع الكلاج بالقشطه والمكسرات بعجينه غريبه وجديده وروعه كماااان

37 7٬911
 

اصابع الكلاج بالقشطه والمكسرات بعجينه غريبه وجديده وروعه كماااان

اصابع الكلاج بالقشطه والمكسرات بعجينه غريبه وجديده وروعه كماااان

اصابع الكلاج بالقشطه والمكسرات بعجينه غريبه وجديده وروعه كماااان

اصابع الكلاج بالقشطه والمكسرات بعجينه غريبه وجديده وروعه كماااان , معكم صديقة زاكي الشيف الموهوبة ,رشا رشا

المقادير

  • 4 كوب طحين ابيض
  • اربع معالق كبار طحينيه
  • كوب ونص ل كوبين الا ربع ماء فاتر حسب حاجه الطحين
  • رشه ملح
  • معلقه صغيره بيكنج باودر
  • بيضه اختياري بنقدر نستغني عنها
  • معلقه صغيره فانيلا
  • نشا لرق او فرد العجينه
  • قشطه ومكسرات حسب الرغبه
  • كوب ونص سمنه

الخطوات

اول اشي بنخلط الطحين رشه الملح وبنخفق البيضه والفانيلا منيح مع الطحينيه وبنبلش نضيفهم على الطحين ونعجنهم وبس يمتزجو منيح بنبلش نضيف المي وبنعجنهم منيح لما تسير عنا عجينه ناعمه ومتماسكه

بنترك العجينه تتريح ربع ساعه وبنقطعها كراات صغيره وبنتركها تتريح اقل اشي ساعه منشان يسهل علينا فردها وبعد هيك بنبلش نرق قطع العجين بالنشا قطع متوسطه وبنحط بين كل قطعه وقطعه كميه من النشا منشان ما يلزقو ببعض اثناء فرد العجينه وبس يسر عنا سبع قطع بنبلش نفردهم حجم كبير او الحجم السماكه يلي احنا بنفضلو وبعد هيك بنبدا نشكل حبات الكلاج بنحضر رغيف من العجينه يلي فردناها وبنقطع من الاطراف وبنشكلو مستطيلات وبندهن كل مستطيل سمنه وبنحط فيهم الحشوه وبنلفهم ونضعهم عل صينيه الفرن وبندهنهم سمنه وبس نخلص كل الكميه بنخبزهم عنار هاديه 180 درجه لما يشقر لونهن ويسير ذهبي فاتح تقريباا عشرين دقيقه او اقل حسب الفرن يلي عنا والف صحه وهناا واي سؤال انا جاهزه ولا يهمكم انا هون كرمالكم 😍😘😍

بتمنى تجربوها وتعجبكم ولا تنسو تضيفو وصفاتي للمفضله وبدعيكم لزياره ملفي ولتجربه جميع وصفاتي للعلم هالوصفه ال 29 بتمنا من كل قلبي تكونو جربتوهن وعجبوكم والي لسه ما جربوهم يجربوهم والف صحه وهناا للجميع تحياتي الكم رشا ام احمد

ولا تنسونا من دعواتكم الحلوه بهالشهر الفضيل

عرض التعليقات (37)