فريكه ملفله بالدجاج ملكة أطباق فطور رمضان

41 6٬226
 

فريكه ملفله بالدجاج ملكة أطباق فطور رمضان

فريكه ملفله بالدجاج ملكة فطور رمضان

فريكه ملفله بالدجاج ملكة أطباق فطور رمضان

فريكه ملفله بالدجاج ملكة أطباق فطور رمضان , معكم صديقة زاكي الشيف الموهوبة ,ام علاء ابو يحيى

المقادير

  • دجاجه واحده
  • كيلو فريكه خشنه
  • زيت زيتون
  • حبتين بصل
  • ملح
  • فلفل
  • بهار كاري
  • هيل مطحون

الخطوات

بسم الله الرحمان الرحيم

اول شي بتفقد الفريكه وبندفها من كل شيء عالق فيها وبغسلها ثلاث مرات او اكثر لحد ما اتاكد انها نظيفه تماما وبصفيها من المي وما بنقعها ابدا حتى تتفلفل معي كويس وما تخبص

وبعدين بقلب الجاج بالزيت والبصل كويس على النار وببهره وبغمره بالمي وعلى نار متوسطه حتى ينضج

في طنجره ثانيه بفرم حبتين بصل ناعم مع زيت الزيتون وقلبهم كويس بزيد شوية زيت لانه الفريكه بتعشق زيت الزيتون لم يدبل البصل بضيف الفريكه وبقلبها مزبوط وبضيفلها الملح والفلفل والكاري او اي بهار بتحبيه وبعد وبعدين بغمر الفريكه بشوربة الدجاج بخليها ترتفع تقريبا نص سم ولما تغلي بوطي الغاز وبغطيها تقريبا ساعه وربع وبضل اتفقدها اذا شوربه بزيد شوي شوي حتى تستوي وما تلزق بقاع الطنجره وبدين بسكبها وكون محمره الدجاج وبضيفو الها وبزينها باللوز والبازيلا المطبوخه سابقا وبقدمها مع السلطات واللبن والف صحه وهنا

اللهم اعنا على ذكرك وشكرك وحسن عبادتك

اللهم اعتق رقابنا من النار

41 تعليقات
  1. المبدعة :

    يمي عن جد المنظر يفتح النفس تشهي

  2. رشا رشا :

    اروع اكلات اكلاتك يا ام علاء ما شاء الله عنك
    الله يحفظك يا رب 😘😘

  3. أم حسنين :

    ماشاءالله…عاشت ايدج….ابدااااااع..

  4. غير معروف :

    ما شاء الله عليكي يسلم دياتك حبيبتي منظرها روووعة انا بعملها بس ما بتزبط معي وبطلت اسويها😳

  5. ام علاء ابو يحيى :

    حبيبتي اعمليها بهذه الطريقه بتزبط اهم شي ماا تنقعيها بتخبص اذا نقعتيها اغسليها عدة مرات اهم شي تكون تنظفت كويس من الحجار والقش العالق فيها وبعد ما تغلي وطي عليها وسيبيها ساعه وربع على نار هاديه مع تفقدها وتحريكها باستمرار واذا بتحتاج شوربه ضيفيلها بشكل بسيط
    النار لازم تكون هاديه كثير

  6. ام علاء ابو يحيى :

    رشا ام احمد ام حسنين المبدعه الله يسعدكم ما شاء الله عنكم تعلمنا منكم شغلات الله لا يحرمنا من طلاتكم من خلالها بنطمن عليكم

  7. ام علاء ابو يحيى :

    نور احمد وينك زمان ما بينتي
    ان شاء الله المانع خير

  8. غير معروف :

    يسلمو ايديكي حبيبتي وشكرا الك أن شاء الله في ميزان حسناتك رح جربها أن شاء الله😙

  9. الصابرة المحتسبة :

    روووعة تسلم ايديكي.
    وصفاتك عنجد بتجنن وزاكية وشرحك حلو .

  10. ام مجدي حبايبه :

    روعه

  11. ام علاء ابو يحيى :

    الصابره المحتسبه الله يسعدك حبيبتي وشكرا لمرورك بارك الله فيك وجعلك في درجات الصابرين الحتسبين

  12. هيام :

    يا محلا طبخاتك يا ام علاء الورده روووووعه

  13. ايمان :

    يسلموا ايديكي بتشهي

  14. رشا😍 :

    مشاء الله النظر اكثر من رائعه شهيتني اجرب اعملها …

  15. Bouchradem :

    روعاتك ام علاء شهية كثيييير شرح مفصل الله يجعلو في ميزان حسناتك 🌹🌹🌹

  16. om hasn :

    الله يسلم هالإدين الذهب والله انك مبدعة وكل وصفاتك رووووووووعة 😉😉😉😍😍😍

  17. mariam gidan :

    يسلمو. روووعة

  18. 🌸جمانة🌸 :

    من الاطباق المفضلة عندي يسلمو ايديكي

  19. حب مستحيل :

    يسلمو ديكي بتشهي

  20. ام علاء ابو يحيى :

    الله يسعدكم جميعا شكرا لمروركم

  21. ام علاء ابو يحيى :

    حبيبتي بشرى الله يسعدك طول عمرك رائعه

  22. 💖هدول القمر 😙 :

    رمضان كريم ام علاؤ
    بتعرفي انا نفسي تزبط معي الفريكه وماتخبص
    بدي اجرب طريقتك لبكرة يارب يبيض وجهي قدام نور عيني انا رح احط كاستين فريكه كم احط كاسة مرقه للكاستين

  23. ام علاء ابو يحيى :

    حبيلتي هدول القمر الله يخليلك نور عينك ويحننو عليكي يا رب كل كاسة فريكه كاسة شوربه وما تنقعي الفريكه اغسليها غسيل اكثر من مره وبعدما تغلي اطبخيها على نا هاديه وتابعيها اذا احتاجت شوية شوربه زيديها

  24. 💖هدول القمر 😙 :

    ماشاء اللة عنك وع نظافة اكلك
    جد انك ست مقدرة
    خلص رح اعمل طريقتك
    ربي يجعلو في ميزان حسناتك
    ادعولي ربي يهدي بالي

  25. ما شاء الله عليك ام علاء ابو يحيى ،،،،
    روووووعه والله انك فنانه

  26. ع المفضله اكيد

  27. tota :

    تسلم ايدك

  28. ام غيث :

    يعطيكي الف عافية جد روعه..بس عندي سؤال حدا جرب الفريكة بدون نقع معقول بتستوي

  29. ام علاء ابو يحيى :

    اه بس بدها نار هاديه لمدة ساعه وربع وتضلي تراقبيها وانتي لما تغسليها عده مرات الغسيل بطريها

  30. ام أشرف :

    صحه وعافيه حاطه بازيلاء

  31. ربى :

    زاكي

  32. […] “ام علاء ابو يحيى“عن وصفتها فريكه ملفله بالدجاج ملكة أطباق فطور رمضان […]

  33. 💖نور أحمد💖 :

    ام علاء انتي وين بيلتقى منك قوليلي
    ماشاء الله عنك.. ست بيت مبدعة واكلك وشغلك بشهي
    لطيفة وكلامك خفيف عالقلب متل النسمة
    ومزوقة ومحبة لكل الناس وكمان أصيلة😘😘
    يعني فتت هلا لشوف الوصفات لانو الي كم يوم ماشفت شي
    بلاقيكي فاقدتيلي وسائلة عني.. والله مو عارفة بشو اوصفك😍
    ربي يكرمك ويعطيكي على هوا نواياكي الطيبة اللي مخجلتينا فيها دايما ياقلبي
    انا انشغلت كتير ماما كانت عندي وسافرت على سوريا واكيد بتعرفي كركبة الوضع هنيك والخوف بقى كنت مكركبة شوي
    دعيلها توصل بالسلامة لعند اهلي ياغالية😙
    والفريكة بتجنن متل كل وصفاتك
    يعطيكي الف عافية يا احلى ام علاء😘🌹

  34. ام علاء ابو يحيى :

    حبيبتي الله يخليلك اياها ويحفظها ويوصلها بالسلام ويهدى الوضع وترجع سوريا الحبيبه زي اول واحسن والله الي صار بسوريا بوطنا العربي وبغزه حرمنا الفرحه باي شي
    الله يردنا لدينا رد جميل وننتصر ونفرح بكفي الم

  35. رجاء عالجي :

    اللهم امين يسلموا دياتك كتير طيبه بس انا بعملها بسمنه احيانا بعملها بدجاج واحيانا بلحمه حسب الأختيار شكرا وشكرا زاكي…

  36. ام عبد الرحمن :

    ياالله شكلها بجنن يسلمو

  37. […] 1- فريكة مفلفلة من إبداع الشيف أم علاء يحيى […]

  38. إيمان ام عبدالله :

    ما شاء الله.. انا بقلبها بسمنه بلديه بتتطلع بجنن وكركم علشان لونها يظل أخضر بجنن.. لما اقلبها بضيف عليها نص كأسه شاي زيت زيتون علشان الامعه الخاص والنكهه مع السمنه البلديه واوووو.. يعطيك العافيه طريقه حلوة رح اجربها

  39. إيمان ام عبدالله :

    انا بنقيها ما بكثر عليها ميه تقريبا ثلاث كاسات ميه جاج..

  40. سوسن الزول :

    تسلم ايدك

  41. ام محمد :

    يسلمو اديكي كتير لزيزة وطعم بجنن انا مجربتها

اترك رد

لن يتم نشر عنوان بريدك الإلكتروني.