لست ابنتها الجزء ٦ و ٧

21 6٬857
 

لست ابنتها الجزء ٦ و ٧

لست ابنتها الجزء ٦ و ٧

لست ابنتها الجزء ٦ و ٧

لست ابنتها الجزء ٦ و ٧, معكم صديقة زاكي الشيف الموهوبة ,iba

مسا الخير انا بنزل القصة بس ماابتزل الكم مباشرة ما بعرف ليش بتمنى يعجبكم
#لست_ابنتهاا_بقلم_زهرة_الشام الجزء السادس الممرضة :الحمد لله على سلامتك يا قمر امل : وين انا الممرضة : لا تخافي حبيبتي انتي بخير … هيك يا حلوة بتخلي امك قلبها يغلي عليكي امل : امي ليش وينها الممرضة : ليكها بلكفتريا صلها من وقت جابوكي لهون وهيي مو رضيانه تقوم من حدك اجو نص ممرضات المشفا يحاولو معها تروح بس تريح حالها او تاكل لقمة امل : …….. ندق باب غرفة ودخلت منها سوزان سوزان : الحمد لله على سلامتك يا قمر .. كيف صرتي امل : اهلين البي والله مشتقلك كتير سوزان : لك وليه شو عاملة بقلب الزلمة استغربت امل وتطلعت فيها نظرت تعجب … اه ايا زلمة سوزان : حبيبتي الاستاذ عمر لك من وقت وقفتي المدرسة وهوي كل يوم بيسأل عنك امل : هوي حكاني مرة على الموبايل بس ما بعرف كيف جاب رقمي سوزان : بصراحه هاد كنت جاي الك ياه بس وقفت على باب غرفتك وسمعتك عم تحكيه وما خلصتو حكي فرجعت على بيت هوي آلح عليي كتير مشان هيك اطريت اعطيه ياه امل : اه انا سمعت طقطقه وقتها قدام الباب يا جدبة كنتي فوتي وكيف طريقة دراستو وهل يا ترا هوي بيعتني هيك بكل طلابو سوزان : حبيبتي هوي مو كل طلابو وقت يوقع منهن مفتاحهن بيلحقهن لنص الطريق ليعطيهن ياه ومو كل طلابو بوقفهن على باب المدرسه وبيلح عليهن مشان يعرف اسمهن امل : اه خلص خلص فهمت .. فتحت امل تلفونها يلي من وقت ما مات اخوها ما فتحتو لتشوف معقول فيي رساله منو توضح مشاعرو .. لقت كتير رسائل من اصدقائها وفيي محاولات للاتصال من عمر كمان بس من عمر فيي رسالة وحدة وغريبة وهيي كلتالي ( فلت شعرهــــا وانتثـــر كنه الليـــــل وغطا العيون اللي هدبها مظاليل حتى سواد الرمش ضاع برمشها) اطلعت باستغراب على سوزان تعي سوزان تعي شوفي شو كاتبلي شو قصدو ما فهمت _ تعي شوف …. فلت شعرها وانتثر كنه الليل … حلوة ههههه لك باين ترك الرياضيات وصار شاعر دق الباب وفاتت منو آم داني كان مبين عليها التعب والارهاق هيي اول مرة بشوفها هيك عطول كان يلي يشوفها يفكرها اصغر مني بسبب اعتنائها بحالها بس كبرها موت داني ١٠ سنين لقدام ام داني : الحمد لله على سلامتك يا امل … كيف صرتي امل : اهلين ماما صرت منيحة الحمد لله نزلت ام داني راسها على الارض وقعت على كرسي يلي جنب تختها ومسكت ايدها ودمعه على خدها وصارت تشهق وهيي عم تحكي خفت اخسرك انتي كمان خفت اخسرك متل ما خسرت داني وقت شفت دمك على الارض ووقفتي حركتك قلبي وقف معك ما عرفت شو اعمل صرت ازحف لعندي وصرخ وحاول قوم بس ما كنت اقدر لانو القزاز كان معبيلي اجري امل ليش كمان انتي بدك تتركيني ما بكفي تركني ابوكي ولك داني ضوو عيوني تركني …. تركني وصار تحت الطراب ما عم اتخيل ابني يلي كان فيه كل الطاقة والحيوية هلق هوي تحت لطراب لك لك شتقتلوووو شتقتلووو كتير وقفت سوزان فوق راسها وصارت تهديها وانا مسكت ايدها امي لا تبكي يا عمري انا جنبك ورح ضل جنبك يا البي لا تبكي دموعك هيي سكاكين بقلبي ام داني: من غير شر البي هااا مسحت دموعي بس انتي كوني منيحه يا عمري اي صح البي بهل ٣ ايام اجا شب اول مرت بشوفو كل يوم يجيب ورد ويسأل عنك ووقت سألتو هوي مين حكالي انو استاذك بلمدرسة واسموووو يا الله شو كان اسموو ..نسيتو ههههه سوزان: خاله ام داني هاد اسمو الاستاذ عمر ام داني : اي والله هل الاستاذ عمر كتير ظريف مشالله عليه ويخليه لاهلو سكتت امل بهل وقت وما عطت ولا ردت فعل بس كانت عم تسمع الحكي وتطلع على ورد يلي جنب تختها وعم تتأول الوانو وتتذكر مواقف مع عمر ( عمر : اي انا عمر وبلا ما تحكيلي استاذ برات الحصه) ( عمر :صباح الخير انا استاذكن الجديد اسمي عمر صالح عمري ٢٥ سنة تفضلو عرفوني على حالكن ) ( فلت شعرهــــا وانتثـــر كنه الليـــــل وغطا العيون اللي هدبها مظاليل حتى سواد الرمش ضاع برمشها) خلصت ام داني حديثها مع سوزان عن امها وعن الشغل وطلعت من الغرفة بس كانت عم تحاول تخفي سر امل وتحاول ما يعرفو حدا وبررت للممرضات عن انتحار امل انو بسبب فقدانها لاخوها الوحيد وانو ما قدرت تتحمل الصدمة وحاولت تخلي امل كمان تسكت وما تحكي لحدا مشان السر وحتا لسوزان …. سوزان :هوي ولي وين رحتي ست الحسن والجمال امل: اه شوفي نقزتيني سوزان: اه نقزتي هاتي اليلي بشو شاردت امل : امتا رح يطلعوني من هون سوزان : انا وجاي سألت الدكتورة والو انو وضعك منيح بتوقع بكرا يخرجوكي امل : اي منيح لانو مليت كتير سوزان : اه نسيت احكيلك شي كتير مهم وما حسنت الك ياه لانو كنتي يظروف مو منيحة امل : شو هوي احكي سوزان : بعد اسبوع رح تتم خطبتي من سعيد امل : ياااا عنجد …. يا عمري انتي .. نشالله الف مبروك سوزان : يلا بدي ياكي تقومي لحتا تنقي معي الفستان يلي بدي البسو امل : تكرم عيونك ( تاني يوم خرجوها لامل من المشفا وكانت كتير منيحة صح يلي سمعتو من ام داني ما كان سهل بس معاملة ام داني لجديدة خلاها قوية وما تضعف لانو هادا مو ذنبها الها هاد ذنب النزوة يلي مر فيها ابوها وانانية امها يلي ما فكرت بنتائج هل شي وقررت انو تكون لامها امها ام داني رغم القسوة يلي كانت فيه بس بلاخر طلعت القلب الابيض يلي كان مغطي عليه السواد يلي شافتو بحياتها ) بعد اربع ايام …. سوزان : شوفي هل فستان بجنن … امل : اي والله تعي قيسيه فاتت سوزان لتقيس فستان الخطبة ومشيت امل لتتفرج على فستان ولفت نظرها فستان وردي قصير فرش من تحت وقفت تتفرج عليه لوقت لوقت سمعت صوت من وراها مجهول : عجبك الفستان ؟؟؟؟؟ يتبع 😘 مجنونة
#لست_ابنتهاا_بقلم_زهرة_الشام الجزء السابع لتفتت امل لوراها كان عمر مركي حالو على الحيط وحاطط ايدو على خدو وقفت قدامو واجت عيني بعيتو قرب مني وتطلع بعيوني وهمسلي بتعرفي بشو بذكروني عيونك …بذكروني بلمرج الاخضر الصبح بكير وقت يكون الندا مغطي العشب الاخضر ….. امل : انت شو عم تعمل هون عمر : انا ما بذكرك بشي امل : شي متل شو يعني لا ما بتذكرني بشي طالع عمر من جيبتو ملقط الشعر الاسود وحكالها هاد ما بذكرك بشي امل : اي هاد ملقط شعري يلي ضاع جنب المدرسه وين لقيتووو …. عمر : لقيتو مطرح ما ضاع …ولفني ومسك شعري ولملمو بأيدو وربطو وحط الملقط بلنص ..انا هون تلبكت وبعدت عنو وطلعت سوزان من غرفة القياس سوزان: اها انت هون استاذ عمر اهلا وسهلا عمر : اي سوزان بلا هل حركات وكأنك متفاجأة وغمزها ضحكت سوزان ومسكت فستان ثاني وحكت يلا ورح قيس هاد كمان تطلعت امل ب عمر والتلو يعني انت مو جاي لهون صدفة عمر : لا جاي شوف هل العيون الحلوة . صح قبل ما انسا الحمد لله على سلامتك بتعرفي وقت خبرتني سوزان انك بلمشفى حط ايديه على خدي وكمل حكيلو لك ما بعرف شو صار فيني طار عقلي من راسي وما رتحت لحتا صرتي منيحة بتعرفي شو يعني انو خاف عليكي كل هل خوف وكأنك قطعه مني امل : شو يعني عمر : اني بحبك يا جدبة سكتت امل وركدت على غرفة القياس ستعجلة سوزان ومشيو وكان عم يطلع عمر فيها بصدمة من ردت فعلها بلطريق …… سوزان: شو عملتي انتي هلق انتي ما بتحبيه لعمر امل : ما بعرف ما بعرف بس تلبكت كتير هيي اول مرت حدا بحاكيني بهل طريقه سوزان : فهميني شو بتحسي وقت تشوفيه وقفت سوزان وهنن بلطريق صارت تشرحلها احساسها بحس انو قلبي تسارعت دقاتو وبتمنا اضل طول عمري اطلع بعيونو بتعرفي سوزان كتير بتعجبني عيونو ودقنو وبتمنا اوقات ايدي تلمس ايدو …. بتوقع اني بحبو اي بحبو سوزان : طيب ليش ما حكيتي ليش هيك كانت ردت فعلك امل : ما بعرف تلبكت لك انا وقت بشوفو الحروف ما بعرف انطقها كتير عيونو بتلبكني سوزان : طيب ماشي ومشيو وراحت كل وحدة على بيتها وتاني يوم الصبح ام امل : امل …. يا امل تعي جاي ساعي البريد بدو ياكي امل : اووف شوفي من الصبح شو بدو مني هاد تفضل عمو انا امل …. هاد البريد جاي على اسمك ممكن توقعي هون .. على اسمي انا وقعت امل واخذتو كان عبادة عن علبة هدايا وملفوف بشريطه حمرا وعليه ورقة مكتوب فيها ( انا متأكد انو رح يطلع ملبوس لبس عليكي وكأن مفصل لالك ) كأن عرفت من مين اكيد هاد عمر فتحت الكرتونه كان الفستان يلي كانت عم تتأملو بل محل تياب اتبسمت ومسكتو وركدة فيه على غرفتها لتقيسو وتطلعت على حالها بلمراية ووواو ما اجملو انا متأكدة انو رح اطلع احلا وحدة بحفلة سوزان …… بحبك يا عمر بحبك بعد مرور ٣ ايام ام امل : يلا ماما ما جهزتي تأخرنا على خطبة امل : يلا خلصت دقيقه …. ها خلصت شوفي حلووو ام امل : ولي الله يحميكي من العين قربي لاقرألك المعوذات وقتها لبست الفستان ورفعت شعرها لفوق وحططت لون اخضر جوا عيونها ومكياج ناعم وكان هيي اول مرة بتحط فيها مكياج امل : يلا ماما رح نتأخر وصلت امل وام امل على حفلة وركدت على غرفة سوزان لحتا تكون جنبها وقت تطلع على صالة ولما وصلو سلمت سوزان على معازيم ورقعدت على الاسكي وامل وقفت فوق راسها وصارت تطلع حوليها سوزان: شو كأنك عم تدوري على حدا يعني ليش كل هل قد متأكدة اني عزمتو امل : شوو ليش ما عزمتيه سوزان : حاببتيه يجي ليشوف كل هل جمال لك نيالو عليكي يا البي امل : تسلميلي انتي يلي نيالو سعيد عليكي يا احلا اخت بلدنيا سوزان : ها ليكو اجا لفت راسها امل وكان عمر وراها لابس بنطلون جنز وقميص ابيض وجاكيت رسمي كان طالع كتير انيق وحلو ابتسمتلو من بعيد وهوي اجا صوبهن وبارك للعاروس وهمس باذن امل وانتي ما بدك تصيري عاروس سحبها من ايدها ورخذ المكرفون وراح لعند ام امل وطلب ايد امل قدام كل الناس وكانت امل كتير مبسوطه بس كان بدها قبل ما تعطيه الموافقه تخبرو حقيقتها وطلبت منو يجي على الحديقة الخلفيه امل : عمر قبل ما اعطيك ايا كلمة انا لازم خبرك شي مهم عني يتبع 😘 مجنونة 😌😌
عرض التعليقات (21)