img
الرئيسة / حلويات / معجنات بحشوه معجون التمر

معجنات بحشوه معجون التمر

/
/
/
5230 مشاهدات

 

معجنات بحشوه معجون التمر

معجنات بحشوه معجون التمر

معجنات بحشوه معجون التمر

معجنات بحشوه معجون التمر , معكم صديقة زاكي الشيف الموهوبة ,رشا رشا

المقادير

  • 3 كوب طحين
  • نص كوب مي دافيه
  • معلقه كبيره خميره
  • معلقه كبيره سكر
  • بيضتين
  • نص كوب حليب بودره
  • ثلاث معالق كبار زيت كانولا
  • رشه ملح
  • معلقتين صغار فانيلا سائل
  • معلقه صغيره خل +معلقه صغيره عصير ليمون
  • مقادير الحشوه كاكاو بودره
  • سمسم معجون التمر
  • خليط التلميع بيضه معلقتين حليب سائل معلقه صغيره نسكافيه بنخلطهن كتير منيح مع بعض

الخطوات

بسم الله نبدا

بوعاء العجن بنضيف الخميره ورشه سكر ونص كوب مي دافيه وبنخلطهم وبنتركهم يخمرو وبس تتفاعل الخميره بنضيف باقي المكونات وبنضيف الماء بالتدريج مع استمرار العجن لما تسير عنا عجينه ناعمه وطريه بنتركها يتضاعف حجمها وتخمر تقريباا ساعه الا ربع وبعد هيك بنقطع العجينه وبنرقها وبندهنها بمعجون التمر وبنرش عليها الكاكاو او السمسم وبنشكلها وبنصفها على صينيه الفرن المدهونه زيت وبنترك العجينه كمان مره بعد التشكيل تختمر ويتضاعف حجمها وقبل الخبز بندهنها بخليط التلميع بنراعي عدم الضغط عليها منشان نحافظ على شكلها وبنرش عليها السمسم او بذور الخشخاش وبنخبزها بفرن حامي مسبقاا على درجه 180 لمده ربع ساعه تقريباا حسب الفرن لما يسير لونها ذهبي بنطلعها من الفرن وبندهنها بالقطر

وبنقدمها والف صحه وهناا يا رب

تحياتي الكم جميعاا رشا ام احمد 😘😍😘

49 تعليقاً

  1. ماشاء الله شو هالابداع ام احمد راااااااااائعة 👍👍👍👍👍👍👍👍👍👍👍👍👍
    ماتنسي تلفي هاد الطقم😉

  2. تسلميلي ام احمد ما شاء الله عنك بارك.الله فيكي دائما متألقه وشغلك
    درجه اولى بشهوووو

  3. ايش يا رشا شكلك جاي ع بالك انتحر😤😤
    بعمل رجيم……حرااااام عليكي ليش الاذى😖😖😖😫😫😫😓😓😪😪😷😷😂😂😂😂😂😂😂😂😂😂😂😂
    يسلمو ايديكي حبيبتي😘😘😘💞👭

  4. حبيبتي ام البنات حابه اتدخل بعد اذنك 😍😍بس بالنسبه الي وللي بتستخدمه امي بالكعك هي سمنة الغزال كتييير طيبه ومتل الزبده وبطعتي مفعول جيد👌👌بنصحك تجربيها وتدعيلي🤗🤗😏🤗😘😘😘

  5. انت من اي بلد حبيبتي رشا لو سمحتي بدون تدخل او احراج
    أنا اسفه ع السؤال بس لأني حابه اعرف لأني حبيبتك كتيير😍وحاسه إني بعرفك من زمان😂😂

  6. والله ياعمي ابداااااع ربي يحماك اشي لزيز كتير
    بدي اسالك ام احمد بدي طريقة للقطايف تكون مضبوطه ياريت تفيديني
    قال نور عيني بدو اعملوا معمول قلت بعمل قطايف اريح وأسهل
    ياريت بكون مننونه الك كتير

  7. تسلمولي على التعليقات يا احلا واروع صبايا
    الله لا يحرمني منكم
    ام محمد وليان ان شاء الله رح انزل طلبك قريباا
    هدولتي يا هدولتي معقول لهسه مش مجربه وصفتي القطايف اسالي ام حمزه والبنات جربوها وعجبتهم فوتي عملفي وشوفيها وصفه روعه وناجحه
    الي بتسالعن افضل وع سمنه انا احسن سمنه بالنسبه الي الغزالين لا يهلا عليها

  8. فلسطينيه واختخر الله يسعدك حبيبتي القلوب عند بعضها 😍😘😍
    انا متزوجه ببير السبع يا قلبي وانتي من وين

  9. كلامكم احلا شهاده بعتز فيها الله يسعدكم حبيبات قلبي 😘😘معلش التلفون علق عندي وخربط الحروف شوي

  10. 3كوب طحين ابيض
    3 كوب ماء دافي
    معلقه صغيره خميره
    معلقه صغيره بيكنج باودر
    معلقتين كبار سكر
    معلقه كبيره نشا
    رشه ملح

    الخطوات

    بنخلط كل المكونات الجافه مع بعض وبنبلش نضيف المي وبنعجنها منيح وبنخليها تخمر نص ساعه وبنرجع كمان مره نضربها على محضره الطعام واذا مش موجوده عنا بنظل نحركها بملعقه لما نطلع كل الهوا منها وبنعمل هالخطوه خلال خبز حبات القطايب منشان تفضل عنا عجينه سائله وهشه خلال الخبز وما فيها هوا وهون اهم خطوه وبعد هيك بنبلش نخبزهم عنار هاديه بمقلا ما بيلزق وبنشيلهم وبنغطيهم بقماش نظيف

    وبس يبردو بنحشيهم متل مبدنا الحشوه الي بنفضلها مكسرات وجوز هند او قشطه او شوكولاه وبنقليهم او بندهنهم زبده و بنحمرهم بالفرن وبس يستوو بنحط القطر

    عيار القطر كل كاستين سكر كاسه مي وعصره ليمونه بنحطهم على النار تقريباا 8 دقايق بعد الغليان وبنجهزو قبل بوقت ويكون بارد

    المفروض واحد من الاثنين يكون بارد اما القطايف او القطر

    انا عملتها على محضره الطعام سهله وما بتوخذ وقت والنتيجه قدامكم ويا رب تجربوها وتعجبكم

  11. اهلا وسهلا فيكي يا بنت فلسطين الغاليه انا من كفرعانه من قضاء يافا بس ساكنه بالاردن بعمان بسبب الظروف الحمدلله ❤❤
    القلب فلسطيني ❤والنبض اردني💘 والروح عربيه مسلمه👍👍👍💋💋

  12. رشروشة يا حبي متفي كلام يوصفك ويوصف اتقانك
    مبدعة بكل المقاييس يختي ماشاء الله عليك😍😙
    الله يحميلك هالانامل الذهبية😄

  13. تسلمولي يا احلا واروع صبايا عنجد بشكركم من كل قلبي على كلامكم الحلو الله لا يحرمني منكم يا رب 😘😍😘
    فلسطينيه وافتخر يا ميت اهلا وسهلا فيكي يا قلبي انا كنت عايشه بالاردن بمنطقه اربد وانا من مواليد اربد

اترك تعليقاً

لن يتم نشر عنوان بريدك الإلكتروني.