img
الرئيسة / أطباق رئيسية / طريقة عمل المفتول البلدي

طريقة عمل المفتول البلدي

/
/
/
3621 مشاهدات

 

طريقة عمل المفتول البلدي

طريقة عمل المفتول البلدي

طريقة عمل المفتول البلدي

طريقة عمل المفتول البلدي, معكم صديقة زاكي الشيف الموهوبة ,ام علاء ابو يحيى

المقادير

  • بندوره حب
  • بصل مقطع حسب الرغبه
  • طحين اسمر او طحين قمح حوالي 3 كيلو
  • كيلو طحين ابيض
  • برغل ناعم او سميد للفتل
  • ملح
  • فلفل اسود
  • كمون
  • كاري
  • هيل مطحون
  • زيت زيتون
  • حمص حب
  • دجاج مغسول ومنظف كويس
  • قرنين فلفل حار حسب الرغبه
  • ملح للطبخ
  • ملح ومي دافىء للفتل

الخطوات

بسم الله نبدأ وعلى الله الاتكال

طبعا المفتول من الاكلات الشعبيه الشتويه المحببه لدى الجميع والكل بعرفها ومهما غابت عنا بنضل لا شعوريا نحن الها لانها بتذكرنا بالغوالي الامهات والجارت والجدات ويوم طبخ المفتول بالذات كانو يتجمعو القريبات والجارات ويفتلوا مع بعص ويتبادلو اطراف الحديث وبصراحه كانت اجواء رائعه

اما بالنسبه لمفتولاتي عملتهم اخت زوجي وانا طبختهم بطريقتي الخاصه

نقعت البرغل الناعم وصارت تضيف طحين بلدي وتفتل وضيف شوي ابيض وتفتل بشكل دائري حتى تتكون معها حبات المفتول والفتل بالمي الدافيه والملح وضافت شوي زيت زيتون للمي لانها بتعطيكي مفتول اطيب وضلت تكرر بالعمليه لما خلصت الله يجزيها الخير ويبارك الها

اخذت المفتول حطيته بالمصفايه وتحت مي ورشة ملح وزيت وحبة بندوره بس حتى ما تسود الطنجره وبخرتهم فوق المي حوالي ساعه ونزلتهم وفردتهم بالصدر اذا بدك تفرزيهم بتبرديه كويس وبتعبيهم بأكياس وعلى الفريزر انا بدي اطبخهم

رجتهم بالمصفاي وجبت راسين بصل كبار ومعلقه كبيره فلفل اسود ومعلقة كمون وشوية ملح فركتهم مع بعض كويس وحطيتهم بنص المفتول وحطيت بقية المفتول فوقهم واخذت طنجرة المفتول وغسلتها وحست الجاج فيها بالزيت والبصل والهيل والكاري وشوية عصفر وملح وقلبتو وغمرته بالمي لما غلي حطيت صفاية المفتول فوق الطنجره وضلت حوالي من ساه لساعه الا ربع وفي هذه الاثناء حضرت الشوربه طبعا حست البصل لما تذبل ضفت البندره االمفرومه قلبتها كويس وضفت الحمص الحب وعصير البندوره والملح والفلفل الاسود والكاري ورشة الهيل وتركتولما استوى وبعدين ضفتله شوي من شوربة الدجاج وبامكانك تضيفي كوسا او جزر او بطاطا اي شي بتحبيه وبعدين بتبل الجاج وبحمره وبنزل المفتول وبديرو بسدر وبضيفلو زيت زيت كميه كويسه لان الزيت سرمن اسرار نجاح هاي الاكله وبعدين بخذ الكميه الي بدي اقدمها بحطها بسد وبضيف الها شوربة الدجاج وبضيف الدجاج المحمر على الجه وبقدمها ساخنه مع الشوربه الي عملتها والف صحه وهنا

اطلب من الله العلي العظيم ان يديم عليكم النعم ويبارك لكم في اعماركم ويحفظكم اينما حللتم

والسلا عليكم ورحمة الله وبركاته

34 تعليقاً

  1. يسلمو اديكي يا احلا واروع ست😘 ماشاء الله عنك بشهي وبيفتح النفس يا ريتو عندو هالاكل الطيب اليوم المغرب ههههه😍😘😍

  2. يمي يمي بتشهي ع هصبح …هطبخه كتير زاااكيه ونفسي اجربها …بس ماعندي طنجرت مفتول في طريقه تانيه اعملها بدون طنجره مفتول …عندي مصافيه حديد مابعرف تزبط🤔

  3. سوزان رشا لين لولو اطهر ذنوبي أميرة القلوب يسعد قلبكم الله لا يحرمني من الطيبين مثلكم شكرا على كلامكم اللطيف مثلكم🌹🌹

  4. رشا حبيبتي الطنجره متوفره باحجام.عند اصحاب الادوات المنزليه وبسعر مناسب
    او بتجيبي صفاية يتانلس بتركبيها على طنجره تكون مناسبه بتلزقي ما بين حافة الطنجره وقاع المصفايه بالعجين حتى ما يطلع البخار من الفتحات

  5. بالنسبه لعين جراده طيبه كثير بس ماخطرت ببالي لاني تعلمتها بالكمون بدون عين جراده تكرم عينك من اليوم وطالع عين جراده

  6. تبارك الرحمن عليكي يا ام علاء والله بتشهي ماشاء الله😍
    وطريقتك دايما واضحة ومفصلة ما بتبخلي علينا بأي معلومة مفيدة الله يجزيك عنا كل خير ويعطيكي الف عافية 😘

  7. يسلم ايديكي حبيبتي والله اشي بشهي وكتييييير زاكي ليوم بدي ياكي تطبخيلي مفتول واجي اكل عندك😂😂😂 بحب المفتول بتقبلي❤❤

اترك تعليقاً

لن يتم نشر عنوان بريدك الإلكتروني.

Translate »