الرئيسة / حلويات / معمول بسميد بأيدي فلسطينيه ملكة الحلويات الشرقية

معمول بسميد بأيدي فلسطينيه ملكة الحلويات الشرقية

/
/
/
2664 مشاهدات

 

معمول بسميد بأيدي فلسطينيه ملكة الحلويات الشرقية

مسابقة ملكة الحلويات الشرقيه😊

معمول بسميد بأيدي فلسطينيه ملكة الحلويات الشرقية

معمول بسميد بأيدي فلسطينيه ملكة الحلويات الشرقية , معكم صديقة زاكي الشيف الموهوبة ,جلكسي والدنيا عكسي

المقادير

  • 3كيلو سميد
  • كيلو وربع سمنه او  زبده او منجرين الها عدت مسميات
  • دقة  المعمول (معلقتين من كل نوع مستكه  ومحلب ويانسون وشومر حبوب صحيحه  يتم تدفئتها ع الغاز ثم طحنها)
  • أربع كوب ماء فاتر تقريبا للعجن
  • معلقة خميره كبيره

الخطوات

بندوب الزبده وبنستنها حتى تفتر شوي وبنديرها ع السميد وبنبسبسو بايدنا نثر مو ترصرص وبنتركو يوم مكمور ليتشرب.

بليوم التاني بنقوم بطحن حبوب لبهارات وبنظيفها ع السميد وبنظيف معلقة خميره وبنخلطهم مع السميد وبنعجنهم بماء دافئ اخد معي تقريبا اربع كوب ماء ممكن  اكتر ممكن اقل برجع لنوع السميد بتشرب ولا لاء وبنغطي وبنخمرو مدة ساعه تقريب .

بعدا بنشكلو مممكن بقالب ازا بتحبي او بلمقلط حسب الرغبه بعطيكي عدة اشكال

الحشوه

العجوه او التمر بضيفلو فنجان زيت ذره ومعلقتين قرفه او معلقة بهار عجوه وبعجنهم وبكورهن يخبز ع نار هادئه جدا من تحت بعدا تحمير من فوق شي خفيف وعوافي

ملاحظه

طحني سكر ناعم بودره بترشي عند التقديم

اوحبات كريز او مكسرات ع زوئكم يعني

ضيفولي وصفتي ع الفضله حبكن فنزاتي

⚘صديقتكم هزوره ⚘

⚘جلكسي والدنيا عكسي⚘

32 تعليقاً

  1. يسلم ايديكي حبيبتي والله بتشهي يعطيكي الف عافيه ما شاء الله عنك بتستاهلي الفوز ❤
    حبيبتي هازار ليش ما بتردي ع تعليقاتنا كتير بكون عندي اسئله الك وما بتردي ❤❤
    الله يسعدك يارب

  2. حبيباتي يسعد قلبكن😊😊

    كيلو السميد 4 كاسات
    وبالنسبه للبهارات بتشتري محلب وبانسون وشومر ومستكه حبوب وبتحطيهن بقلايه ع راس الغاز ثواني مش ينشعطو قلبيهم ثواني بعدا حطيهن بلمطحنه وطحنيهم وحطيهم ع المعمول مو مع السميد بس ينبس لاء لما تعجني بتحطي البهارات والخميره ومي فاتره وبتسمي وبتعجني😊😊

    فلسطينيه وافتخر تفضلي ياعيوني ويش تبي😆 دائما برد ع تعليقات 😉

  3. حبيباتي يسعدلي قلبكن 😍😘😊
    آسعدتني تعليقاتكن فنزاتي😊😊

    كيلو السميد بدو 310 غرامات سمنه وثلث معلقة بهار من كل نوع بتحمصيهن بعدا بتحطنيهم😊

    وريتكن قراب كان العيد بوجودكن غير شكل عسسولاتي😘😘

  4. حبيبتي هزوره بديش منك اشي بس بدي اشوف تعليقاتك الحلوه بتنور زاكي لأني بحب ردودك الجميله الله يسعدك يارب وينولك مرادك في الدنيا والآخرة ويحفظلك حبايبك😙😙😙💓💓💚💚❣❣❣💌💌💌💌

  5. قلسطينيه وافتخر ام حسونه ام مثنى ام زكي حلا الورد نائله ام السوس نرجس يسعدلي قلبكن وحكياتكن😘😍😊

    انا دائما موجوده بس ع لفضاوه يعني😆

    ولا بستغنيش عن ناس طيبه شرواكن حبيباتي وفنزاتي بزاكي😊😍

    آسعدني مروركن صديقاتي😊😊😊

    #هزوره😉

اترك تعليقاً

لن يتم نشر عنوان بريدك الإلكتروني.