الرئيسة / أكلات سريعة / شاورما متل الجاهز واطيب

شاورما متل الجاهز واطيب

/
/
/
4113 مشاهدات

 

شاورما متل الجاهز واطيب

شاورما متل الجاهز واطيب

شاورما متل الجاهز واطيب

شاورما متل الجاهز واطيب, معكم صديقة زاكي الشيف الموهوبة ,ام عمر

المقادير

  • ٤ صدور دجاج
  • ٥ سنون ثوم
  • نص راس بصل
  • معلقة خل
  • معلقتين عصير ليمون
  • معلقة برش قشر الليمون
  • ٤ معالق لبن رايب
  • معلقة بهارات مشكله نص معلقة فلفل اسود
  • معلقة صلصة بندورة
  • معلقة زيت قلي
  • معلقة كبيرة ملح
  • نص معلقة قرفة
  • معلقة هيل نص معلقة عصفر نص معلقة زنجبيل
  • للمايونيز: ٤ بيضات سنين توم رشة ملح كاسة الا ربع زيت نباتي
  • بطاطا ومخلل وخبز شاورما

الخطوات

اول شي بسحب اللحم من العظم وبقطعه مكعبات صغيره وبحط بالخلاط الثوم والبصل وجميع البهارات واللبن ومعلقة زيت وعصير الليمون والخل ومعلقة مية البندورة وبرش الليمون وبخلطهم ليتجانسو وبديرهم عالجاج وبتركه ساعه ليتشرب الخلطه

بحط الدجاج بطنجرة عالغاز بدون ما اضيف ماء لانه رح تنزل ميته وبضل كل شو اقلب فيه لحتى تنشف ميته بحط الدجاج بصنية وبحمره بالفرن وبضل اقلبه لحتى يتحمر من كل

بعمل المايونيز بحط بالخلاط البيض والثوم ورشة الملح واللبن وبخلطهم وبضيف الزيت على شكل خيط وبخلطهم لحتى يجمد وبحطهم بالثلاجه ليجمد

بفتح خبز الشاورما وبحط معلقتين مايونيز بدهنهم وبحط الدجاج وبحط بطاطا ومخلل وبلف السندويشة وبعمل نفس الطريقة لحتى تخلص الكمية

بجيب صينية تيفال وبحط فيها نص ملعقة زيت وبحميها على النار وبحط السندويش وبضغطهم بصنية تانيه اصغر وبس يتحمرو بقلبهم عالجهة التانية وبقطعهم بالسكينة واذا في جريل بتستخدموه بدل هالطريقه انا ما عندي

جبت سدر وحطيت بالنص مايونيز ووزعت الشاورما حولين المايونيز وبين كل كمية والتانية حطيت كمية من المايونيز وعالاطراف فلفل وبطاطا ووزعت كمية من الفلفل الحلو ليعطي جمال للمنظر وصحه وهنا كتير طيبة وما بتفرق عن الجاهزه

54 تعليقاً

اترك تعليقاً

لن يتم نشر عنوان بريدك الإلكتروني.